استفسار عن صرف معاشات شهر سبتمبر 2011- بخصوص فروق علاوة 2008

[hashtka]

السلام عليكم
اكل سنة وانتم طيبين
دلوقتى لاصحاب المعاشات فى مصر بجميع انواعها
المفروض كان فيه علاوة او فرق علاوة اتصرفت من شهر 8 اللى فات ومستمرة
دلوقتى اما روحت اسحب معاش والدى لاقتهم للاسف شالوا الزيادة وكانت للاسف صدمة الصرف من يوم 1 فى الشهر يعنى كمان كام ساعة
انا صرفته دلوقتى
فللاسف فى ناس كتير هتعمل مشاكل وهتتفاجئ بالنقص فى المعااشات فياريت لو حد ليه حد هيصرف بكرة يقولى صرف نفس الرقم بتاع شهر 8 ولا نقص وشالوا الزيادة
لانى شاكك فى بتوع المعاشات دول انهم حرامية ممكن يكونوا بياخدوا الزيادة ديه من ورانا
فياريت اللى يصرف معاش بكرة او ليه حد يقولى حصل ايه
والخبراء ارجوا الافادة
وشكرا
وده رابط خبر رفع المعاش
http://nosi.gov.eg/Arabic/News/Pages/%D8%B1%D9%81%D8%B9%D9%86%D8%B3%D8%A8%D8%A9%D8%B2%D 9%8A%D8%A7%D8%AF%D8%A9%D8%A7%D9%84%D9%85%D8%B9%D8% A7%D8%B4%D8%A7%D8%AA%D8%A7%D9%84%D9%85%D8%B3%D8%AA %D8%AD%D9%82%D8%A9%D8%B9%D8%A7%D9%852008%D9%85%D9% 8620%D8%A5%D9%84%D9%8930%D8%A8%D8%AF%D9%88%D9%86%D 8%AD%D8%AF%D8%A3%D9%82%D8%B5%D9%89.aspx (http://nosi.gov.eg/Arabic/News/Pages/%D8%B1%D9%81%D8%B9%D9%86%D8%B3%D8%A8%D8%A9%D8%B2%D 9%8A%D8%A7%D8%AF%D8%A9%D8%A7%D9%84%D9%85%D8%B9%D8% A7%D8%B4%D8%A7%D8%AA%D8%A7%D9%84%D9%85%D8%B3%D8%AA %D8%AD%D9%82%D8%A9%D8%B9%D8%A7%D9%852008%D9%85%D9% 8620%D8%A5%D9%84%D9%8930%D8%A8%D8%AF%D9%88%D9%86%D 8%AD%D8%AF%D8%A3%D9%82%D8%B5%D9%89.aspx)
وللاسف نفذوه شهر واحد بس اللى هو اغسطس

[الصياد]

لاتلقي التهم علي موظفي المعاشات

أرجو العلم أن فرق زيادة 2008
تستحق اعتبارا من شهر يوليو 2011

وقد تم صرف الفرق المستحق عن شهر يوليو مع معاش شهر أغسطس
بمعني أن معاش أغسطس تضمن فرق شهري يوليو وأغسطس

ولمزيد من التفاصيل راجع
ضمن منتدي مستشارك التأميني
موضوع سابق بعنوان
بخصوص فروق علاوة 2008

وقد تضمن
بتاريخ 5 /5 /2011 اصدر المجلس الاعلى للقوات المسلحه مرسوما بقانون تحت رقم 102 لسنه 2011 نص على تعديل القانون 114 لسنه 2008 والخاص بتقرير علاوة اجتماعيه للعاملين فى الدوله واصحاب المعاشات ونص المرسوم المشار اليه على "تعديل العلاوه الاجتماعيه لاصحاب المعاشات والمستحقين عنهم لتكون 30 %من الاجر الاساسى مع الغاء الحد الاقصى المنصوص عليه فى السابق
وقام صندوق العاملين بقطاع الاعمال العام والخاص بصرف فرق العلاوات لاصحاب المعاشات والمستحقين عنهم وفقا للمرسوم المنوه عنه وذلك اعتبارا من معاش اغسطس 2011 متضمنا فرق معاش يوليو 2011 بناءا عليه لتحديد قيمه المعاش المنصرف عن شهر 8 /2011 يتعين
(1)تحديد قيمه المعاش الاساسى شاملا الزيادات حتى 30 /4 /2008
(2)حساب زياده القانون 114 لسنه 2008 بنسبه 30 %( وبدون حد أقصى للزياده) = ناتج الخطوه رقم 1 *30 %
(3)حساب الزيادات التاليه المستحقه على المعاش الاساسى عن السنوات 2009 ؛2010 ،2011 و فقا لقوانين تقريرها
(4)اضافه ناتج الخطوات السابقه الى المعاش المستحق عن الاجر المتغير بعد زيادته بالعلاوات الخاصه "حال استحقاقها" مع مرعاه ان زياده 15 % لسنه 2011 تستحق ايضا على المعاش المتغير مضافا اليه العلاوات الخاصه ( =المعاش المتغير المستحق فى 1 /4 /2011 ) وبذلك ستحصل على اجمالى المعاش المستحق حاليا عن الاجرين الاساسى والمتغير (المعاش الاساسى بعد تعديله بزياده 2008 والتى اثرت على الزيادات التاليه لها +المعاش المتغير)
(5)مقارنه ناتج الخطوه رقم 4 -بعد خصم اى استقطاعات - ىبالمعاش السابق صرفه قبل اغسطس 2011 ستحصل على قيمه الفرق فى المعاش عن شهر واحد وقد تم مضاعفه هذا الفرق ليتضمن الفرف عن شهرى يوليو واغسطس 2011 واضافه فرق الشهرين لمعاش شهر 8 /2011 بعد تعديله



أرجو الاعتذار عما وجهته من اتهامات
غفر الله لك

[hashtka]

لا اعتذر لسبب انى شكى ده نتيجة حاجة عملوها معانا
انا دلوقتى المعاش اللى كنت بصرفه ده جالنا باسمه شيك من شهرين على البنك ب15000 جنيه رقم كبير وصرفته
روحت سالت ماحدش عبرنى
فقمت سائل واحدة معرفة فى المعاشات
قالتى الحقيقة وقالتلى ما اعملش مشاكل
قالتلى انوا كنتم بتتسرقوا بقالكوا سنين من مجموعة موظفين ولاختلافهم على التقسيم واحد منهم بلغ عن الباقى للمدير والمدير اكتفى بانهم يردوا الفلوس اللى اخدوها وبالتالى اتبعتت لنا بشيكات باسر رجعى
وبالتالى انا بقول شاكك انهم حرامية
يبقى عندى حق ولا لا

مع العلم انا عندى صورة من الجواب وصورت الشيك اللى جالى
واقدر ارفع به قضية واخد تعوض صح كلامى ولا غلط
انا شايل الصور احتياطى

[الصياد]

أرجو أن تتقدم بالمستندات التي لديك الي النيابة الادارية فورا
لاجراء التحقيقات اللازمة
والتوصل الي الحقيقة

وبلاش ترمي التهم علي الناس جزافا

وأرجو أن تخبرني بالنتيجة

ومرة خري
غفر الله لك