إستفساربخصوص منحةقطع المعاش-في حالةصرف المعاش بدون وجه حق-تصرف المستحقات بتحويل ألكتر

[adel]

الأستاذ الفاضل
أشكرك فعلا على المجهود المبذول في نشر المعلومات والرد على الاستفسارات ونسأل الله تعالى ان يكون نشر العلم في ميزان حسناتك

أنا عندي 26 سنة و رحت اقدم على منحة قطع المعاش , ابلغني المسئول ان مؤمن عليَّ منذ سنة ونصف وان لازم كنت ابلغ علشان يقطعوا المعاش منذ هذه المدة وإن حيتم عمل تسوية وبعدها يشوفوا هل استحق أي مبلغ ولا لأ

السؤال ؟

كيف يتم عمل هذه التسوية , بمعنى أنا دلوقت من وجهة نظرهم باخد معاش مش من حقي لمدة سنة ونصف يا ريت لو ينفع تضرب ليَّ مثال على فرد إن المعاش وقتها يعني من سنة ونصف كان 1000 جنيه ليَّ أنا ووالدتي

السؤال الثاني هل ممكن المعاش اللي حينقطع ده يضم ل والدتي ؟؟ , ولو ينفع يضم , ليه حيكون في تسوية وحيكون في خصم من المنحة ؟؟؟

ولكم جزيل الشكر

[الصياد]

في حالة قطع معاش الابن يتم الرد علي الأرملة
بشرط ألا يجاوزنصيبها 3/4 المعاش

وعلي ذلك من أول الشهر التالي لالتحاقك بالعمل
يصبح المعاش المستحق للوالدة 3/4 المعاش

ونظرا لانه كان يصرف المعاش كاملا
فان ماصرف بالزيادة = 1/4 المعاش

يتم تحديد جملة ماصرف بالزيادة
ويتم عمل مقاصة بينه وبين المنحة المستحقة لك
وتقدر بنصيبك في المعاش (1/2المعاش) × 12 شهر

ويصرف الفرق اذا كانت المنحة أكبر
ويخصم الفرق من معاش الوالدة ان كان ماصرف بالزيادة أكبر