حالة انقطاع المعاش عند الالتحاق بالعمل-ايقاف المعاش والردوالأيلولة للالتحاق بعمل

[seko3]

السلام عليكم .. اختين مقسم عليهم معاش والدهم المتوفي وحاليا واحدة منهم هتشتغل ومطلوب منها تجيب برنت تأمين عشان الشغل هيأمن عليها .. فى الحالة دى المعاش هينقطع كله ؟ ولا ممكن جزء منه يروح للأخت التانيه ؟ وهل فى اى اجراء هتعمله او مستحقات بعد وقف المعاش ؟ ... وشكرا

[mahmoud48]

السائل الكريم حتي يمكن الرد علي الاستفسار كاملا رجاء الر علي الاتي
قيمة المعاش اي نصيب كلا من الابنتين في المعاش وهل هناك مستفيدين غيرهم
كذلك تاريخ التحاق الابن التي سوف وتعمل والاجر الصافي الذي سوف يصرف لها
رحاء الرد وسوف يتم الإجابة علي سؤالك
محمود احمد أسيوط mahmoud48

[seko3]

شكرا ليك ..

قيمه المعاش 4200 ج مقسم على البنتين فقط يعنى كل بنت 2100 ج

تاريخ التحاق بالعمل وتقديم الاوراق المطلوبه فى 20 من الشهر الحالى .. يعنى لسه 5 ايام

الاجر الصافى فى العمل الجديد 3200ج

سؤال اخير معلش .. اذا مضت العقد وسلمت الاوراق يوم 20 .. ايه مصير معاش شهر سبتمبر ؟ هتقبضه عادي ؟

[mahmoud48]

الساءل الكريم استاذنا محمد بك الصياد حياكما الله
قيمة اجمالي المعاش ٤٢٠٠ موز ع لكل ابنة ٢١٠٠ جنيه
الابنة سوف تلتحق بعمل يوم ٢٠/٩ الجاري وصافي الاجر هو ٣٢٠٠ فيكون الاتي
الابنة الملتحقة بعمل باجر ٣٢٠٠ جنيه هذا الشهر يوقف معاش للالتحاق بعمل وذلك لان الصافي من العمل اكبر من نصيبها في المعاش وبالتالى يوقف مؤقتا
والايفاف من الشهر التالي من الالتحاق بعمل اي من
شهر اكتوبر ويكون معاش شهر سبتمبر مستحق الصرف وصرفه لها صحيح
واعتبار من اكتوبر القادم يتم تعديل نصيب الابنة الثانية والتي لا تعمل الي ثلثين المعاش ويكون نصببها بدلا من ٢١٠٠ هو ٣/٢ وهو ٢٨٠٠ جنيه
وعند الترك العمل للابنة الموقف معاشها تستحق نصبيها النصف ولاخت الاخري النصف بعد اعادة من الشهر التالي لترك العمل
محمود احمد اسيوط mahmoud48

[seko3]

تمام .. شكرا جزيلاً

[الصياد]

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم