المساعد الشخصي الرقمي

مشاهدة النسخة كاملة : تأمين حكومي وخاص-يعتدبمدةالقطاع الخاص عن الفترةمن التعيين بالحكومةثم الإجازةلغيرالعمل

MMansour
22-06-2025, 05:51 PM
السلام عليكم
انا عندي تكليف حكومي وشغال خاص
متأمن عليا من القطاع الخاص وواخد اجازه تحسين دخل من القطاع الحكومي
علشان اجدد الاجازه في القطاع الحكومي لازم ادفع التأمينات عن السنه اللي فاتت. في تجديد الاجازه الحكوميه عملت لا ارغب في التأمينات ولكن قالوا ان حتي في الحاله دي لازم اتفصل من تأمينات القطاع الخاص.
هل في طريقه او حل للموضوع ده خصوصا ان الشركه رافضه انها تشيل التأمينات علشان المسائله القانونيه. يعني علشان افصل تأمين القطاع الخاص لازم استقيل.

هل في حل للموضوع ده؟ ازدواج تأميني مثلا؟
وهل الشركه هتتاذي قانونا لو فصلتني من التأمينات والحكومه امنت عليا؟

شكرا!
الصياد
22-06-2025, 09:23 PM
راجع الرابط
https://www.elsayyad.net/UploadFiles/LegislationDetails/2023-02.pdf
وعنوانه
2023 02 بشأن معالجة حالات الازدواج التأمينى وفقا لأحكام المادة (4) من اللائحة التنفيذية لقانون التأمينات الاجتماعية والمعاشات
من بداية صفحة 6 : ثانيا : فى حالة حصول.............
MMansour
23-06-2025, 12:52 AM
راجع الرابط
https://www.elsayyad.net/uploadfiles/legislationdetails/2023-02.pdf
وعنوانه
2023 02 بشأن معالجة حالات الازدواج التأمينى وفقا لأحكام المادة (4) من اللائحة التنفيذية لقانون التأمينات الاجتماعية والمعاشات
من بداية صفحة 6 : ثانيا : فى حالة حصول.............

شكرا للرد

معلش يا سيادة المستشار، هو مفيش ازدواج تأميني(علي الاقل لحد دلوقتي)
انا شغال خاص ومتأمن عليا، بعدها جالي التكليف استلمت وعملت اجازه سنه، لما روحت اجدد الاجازه (كتبت لا ارغب في التأمينات)، قالوا لي في التأمينات ان لازم افصل القطاع الخاص علشان ادفع تأمينات(تأمينات صحيه لان انا كاتب لا ارغب في الاجتماعي) عن سنه الاجازه اللي اخدتها.

هل في حل للموضوع ده علما بان الشركه في القطاع الخاص هتلغي التامين في حاله الاستقاله فقط؟

شكرا مقدما
الصياد
23-06-2025, 02:34 PM
اقرأ جيدا
من بداية صفحة 6 : ثانيا : فى حالة حصول.............
MMansour
29-07-2025, 04:46 PM
مساء الخير

انا فهمت حضرتك تقصد ايه ووريت القانون لمفتش التأمينات الحكوميه وقالي ممكن نطلع افاده (ان انا مش مطالب ادفع الاشتراكات الحكوميه لان تم تسديدها من جهه تانيه باجر تأميني اعلي) بس بعدها قال ان لازم افصل القطاع الخاص علشان يقدر يسجل الاجازه علي السيستيم، هل ده صحيح؟

وهل الترتيب في الالتحاق بجهه العمل تفرق؟ يعني لو التحقت بالخاص الاول وبعدها الحكومي هل في مشكله ولا القانون مش بيحدد الترتيب؟


شكرا
MMansour
30-07-2025, 03:22 PM
السلام عليكم،
هل في حل للمشكله دي؟
شكرا
الصياد
31-07-2025, 03:45 PM
تطبيق أحكام المنشور من بداية صفحة 6 : ثانيا : فى حالة حصول.............
بالنسبة لحالتك:
- جهة عملك الأصلية المؤمن عليك بها قطاع خاص بتاريخ ...

مطلوب عرض كافة التواريخ المتعلقة بالحالة كاملة
MMansour
31-07-2025, 04:21 PM
تطبيق أحكام المنشور من بداية صفحة 6 : ثانيا : فى حالة حصول.............
بالنسبة لحالتك:
- جهة عملك الأصلية المؤمن عليك بها قطاع خاص بتاريخ ...

مطلوب عرض كافة التواريخ المتعلقة بالحالة كاملة

- جهه العمل الخاص تأمين بتاريخ ٢٠٢٣، وكان ولا يزال يتم سداد الاشتراكات التأمينية بانتظام وبأجر تأميني أعلى.
- التحاق بالعمل الحكومي سنه ٢٠٢٤ واجازه رعايه اسره بدون مرتب لمده عام حتي سنه ٢٠٢٥

عند طلب تجديد الاجازه الحكوميه لمده سنه اخري حتي ٢٠٢٦ تم طلب دفع التأمينات باثر رجعي، ولكن بما انه تم دفع الاشتراكات من الجهه الاخري بأجر تأميني اعلي. طالبت مكتب التأمينات التابع للجهه الحكوميه بافاده بذلك ورغم انهم لا يختلفوا علي المبدأ ومتفهمين انه تم سداد الاشتراكات مره الا انهم رفضوا اصدار الافاده بحجه انه لايمكن تسجيل الاجازه علي السيستيم بسبب تأمين القطاع الخاص.

شكرا!
الصياد
01-08-2025, 03:10 PM
التواريخ يوم شهر سنة
وترفق القرارات المتعلقة بجهة العمل الحكومية مع طمس الاسماء
MMansour
01-08-2025, 06:32 PM
التواريخ يوم شهر سنة
وترفق القرارات المتعلقة بجهة العمل الحكومية مع طمس الاسماء


تاريخ التآمين الخاص: ٢٠٢٣/٠٧/٢٠
استلام العمل الحكومي: ٢٠٢٤/٠٥/٢٣
تاريخ قيام الاجازه: ٢٠٢٤/٠٦/١٣

ومرفق صور بالقرارات

شكرا جدا!
الصياد
11-08-2025, 06:34 PM
تضمنت المستندات المرفقة بالمداخلة السابقة
القطاع الحاص
استعلام عن مدة اشتراك مؤمن عليه من موقع الهيئة - من 7 / 9 / 2023
الأجر من موقع الهيئة 20 / 7 / 2023 10.900 - 2024 12.600 - 2025 14.500

الحكومة
- بيان الحالة - تاريخ التعيين 19 / 5 / 2024 - تاريخ استلام العمل 23 / 5 / 2024 - الدرجة المالية : الثالثة
- قرار منح أجازة بدون مرتب - اعتبارا منه 13 / 6 / 2024 حتى 12 / 6 / 2025 - ذلك بسبب رعاية أسرة

وبالتالى ما يعتد به فى نظام التأمين الاجتماعى مدة القطاع الخاص فقط
الفترة من تاريخ تعيين بالحكومة وفقا للبند أولا صفحة 5.
الفترة من تاريخ الحصول على الأجازة الخاصة لغير العمل وفقا للبند ثانيا صفحة 6.
لا يسجل شئ عن الحكومة.
MMansour
12-08-2025, 01:23 PM
تضمنت المستندات المرفقة بالمداخلة السابقة
القطاع الحاص
استعلام عن مدة اشتراك مؤمن عليه من موقع الهيئة - من 7 / 9 / 2023
الأجر من موقع الهيئة 20 / 7 / 2023 10.900 - 2024 12.600 - 2025 14.500

الحكومة
- بيان الحالة - تاريخ التعيين 19 / 5 / 2024 - تاريخ استلام العمل 23 / 5 / 2024 - الدرجة المالية : الثالثة
- قرار منح أجازة بدون مرتب - اعتبارا منه 13 / 6 / 2024 حتى 12 / 6 / 2025 - ذلك بسبب رعاية أسرة

وبالتالى ما يعتد به فى نظام التأمين الاجتماعى مدة القطاع الخاص فقط
الفترة من تاريخ تعيين بالحكومة وفقا للبند أولا صفحة 5.
الفترة من تاريخ الحصول على الأجازة الخاصة لغير العمل وفقا للبند ثانيا صفحة 6.
لا يسجل شئ عن الحكومة.


متشكر جدا جدا علي الرد.
سؤال اخر هل لابد من فصل القطاع الخاص(استماره 6) للحصول علي افاده مختومه من مكتب التأمينات الحكوميه بانه لايسجل شئ عند الحكومه وبان يتم بالاعتداد بالقطاع الخاص بسبب الاجر التأميني الاعلي؟
المفتش في المكتب الحكومي بيقول لازم تفصل القطاع الخاص علشان اطلعلك افاده ان الاشتراكات مسدده بأجر اعلي في القطاع الخاص وانه لا وجوب لسداد الاشتراكات مره تانيه عن القطاع العام. هل الكلام ده سلبم؟
MMansour
12-08-2025, 04:02 PM
متشكر جدا جدا علي الرد.
سؤال اخر هل لابد من فصل القطاع الخاص(استماره 6) للحصول علي افاده مختومه من مكتب التأمينات الحكوميه بانه لايسجل شئ عند الحكومه وبان يتم بالاعتداد بالقطاع الخاص بسبب الاجر التأميني الاعلي؟
المفتش في المكتب الحكومي بيقول لازم تفصل القطاع الخاص علشان اطلعلك افاده ان الاشتراكات مسدده بأجر اعلي في القطاع الخاص وانه لا وجوب لسداد الاشتراكات مره تانيه عن القطاع العام. هل الكلام ده سلبم؟

بيقول انه علشان يسجل الاجازه علي السيستيم لازم افصل القطاع الخاص(استماره 6) وبعدها يطلعلي الافاده. هل الكلام ده صح؟ انا مش عاوز استقيل من القطاع الخاص
الصياد
18-08-2025, 04:44 PM
تضمنت المداخلة 3
معلش يا سيادة المستشار، هو مفيش ازدواج تأميني(علي الاقل لحد دلوقتي)
انا شغال خاص ومتأمن عليا، بعدها جالي التكليف استلمت وعملت اجازه سنه، لما روحت اجدد الاجازه (كتبت لا ارغب في التأمينات)، قالوا لي في التأمينات ان لازم افصل القطاع الخاص علشان ادفع تأمينات(تأمينات صحيه لان انا كاتب لا ارغب في الاجتماعي) عن سنه الاجازه اللي اخدتها.

هل في حل للموضوع ده علما بان الشركه في القطاع الخاص هتلغي التامين في حاله الاستقاله فقط؟


المشكله ان نظام الحاسب حاليا مش بيسمح بالازدواج
مالهاش حل حاليا الا ان يسدد تامين المرض
عشان حل المشكله بشكل مؤقت
لحين تطبيق نظام المعلومات الجديد
ويبقي بعدها يقدم طلب رد الاشتراكات
MMansour
19-08-2025, 07:40 PM
تضمنت المداخلة 3
معلش يا سيادة المستشار، هو مفيش ازدواج تأميني(علي الاقل لحد دلوقتي)
انا شغال خاص ومتأمن عليا، بعدها جالي التكليف استلمت وعملت اجازه سنه، لما روحت اجدد الاجازه (كتبت لا ارغب في التأمينات)، قالوا لي في التأمينات ان لازم افصل القطاع الخاص علشان ادفع تأمينات(تأمينات صحيه لان انا كاتب لا ارغب في الاجتماعي) عن سنه الاجازه اللي اخدتها.

هل في حل للموضوع ده علما بان الشركه في القطاع الخاص هتلغي التامين في حاله الاستقاله فقط؟


المشكله ان نظام الحاسب حاليا مش بيسمح بالازدواج
مالهاش حل حاليا الا ان يسدد تامين المرض
عشان حل المشكله بشكل مؤقت
لحين تطبيق نظام المعلومات الجديد
ويبقي بعدها يقدم طلب رد الاشتراكات
مساء الخير، متشكر جدا علي الرد،
بعد رفض المفتش دخلت لمدير المكتب وعرضت عليه القانون في الاول كان رافض لانه مش عارف
القانون. بعد محاولات اتصل بالتفتيش المركزي وقالوا التزم بالقانون واكتب مذكره او افاده بحالتي
لتقديمها للصحه(جهه عملي الحكوميه) مع عدم تسديد اي اشتراكات سواء اجتماعية او صحيه لانها مغطاه من قبل القطاع الخاص. ده طبعا معناه ان الفتره دي هتسقط حكوميا وهتتحسب قطاع خاص. الوضع كده قانوني وسليم، صح؟
هل هيبقي في مستقبلا مشكله لو سيبت القطاع الخاص ورجعت للحكومه ان في فتره متسجله قطاع خاص و بعدها فتره تانيه قطاع عام؟ مش نفس الفتره قصدي فترات متواليه.
الصياد
20-08-2025, 12:18 AM
نوافى بصورة المذكرة المشار اليها
MMansour
20-08-2025, 10:37 AM
نوافى بصورة المذكرة المشار اليها

التفتيش المركزي قال ان الوضع سليم ويلتزموا بالماده 4 ويعملوا مذكره بس متعملش مذكره الصراحه. المفتش حضر معايا للمنطقه الطبيه و وضح الموقف لشؤون العاملين وارفقت صوره من القانون(ماده 4) مع برينت تأميني مدد عن الفتره المؤمن علي فيها وتم الاستشهاد بأقوال المفتش في التحقيقات(لان انا انقطعت بعد انتهاء الاجازه لعدم مقدرتي علي تجديد الاجازه).
هل الموقف كده سليم؟
الصياد
20-08-2025, 02:36 PM
لا حظ أن اجاباتى السابقة تعتمد على وثائق
MMansour
20-08-2025, 03:13 PM
لا حظ أن اجاباتى السابقة تعتمد على وثائق
شكرا علي الرد
هو ده اللي انا بسأل حضرتك عليه، هل لو الموضوع مشي كده هو المفروض قانوني صح؟ قصدي ان حتي في عدم وجود وثائق انا موقفي مش غير قانوني؟
الوثيقه او المذكره هي افاده موجهه للصحه بتقول ان الوضع قانوني. هل لو هي متعملتش والمنطقة الطبيه وافقت واكتفت بس ببرينت تأميني يثبت تأمين القطاع الخاص هل في مشكله؟
الصياد
20-08-2025, 05:50 PM
تضمنت المداخلة 14
المشكله ان نظام الحاسب حاليا مش بيسمح بالازدواج
مالهاش حل حاليا الا ان يسدد تامين المرض
عشان حل المشكله بشكل مؤقت
لحين تطبيق نظام المعلومات الجديد
ويبقي بعدها يقدم طلب رد الاشتراكات

تضمنت المداخلة 19
هل لو هي متعملتش والمنطقة الطبيه وافقت واكتفت بس ببرينت تأميني يثبت تأمين القطاع الخاص هل في مشكله؟
لا مشكلة - اذا كان بمعنى لا داعى الحل المؤقت والاكتفاء ببرنت تأميني يثبت تأمين القطاع الخاص
MMansour
30-08-2025, 12:28 AM
تضمنت المداخلة 14
المشكله ان نظام الحاسب حاليا مش بيسمح بالازدواج
مالهاش حل حاليا الا ان يسدد تامين المرض
عشان حل المشكله بشكل مؤقت
لحين تطبيق نظام المعلومات الجديد
ويبقي بعدها يقدم طلب رد الاشتراكات

تضمنت المداخلة 19
هل لو هي متعملتش والمنطقة الطبيه وافقت واكتفت بس ببرينت تأميني يثبت تأمين القطاع الخاص هل في مشكله؟
لا مشكلة - اذا كان بمعنى لا داعى الحل المؤقت والاكتفاء ببرنت تأميني يثبت تأمين القطاع الخاص

اولا متشكر جدا لحضرتك علي المجهود واعتذر لو كانت الاسئله كتيره شويه

ثانيا، هو ان شاء الله النظام الجديد ده هيتطبق امتي وهل هيحل المشاكل دي ان شاء الله علشان انا شايف ان القانون فعلا غير متوافق مع السيستم الحالي
و شكرا جدا جدا مره تانيه
الصياد
30-08-2025, 03:42 PM
النظام الجديد فى مرحلة الاختبار
ان شاء الله يطبق خلال هذا العام