هذه او مشاركه ليافى المنتدى واتمنى الردبخصوص المعاش للقاصر-الابن الحاصل علي الاعدادية

[كرم افندينا]

اخى ياخد معاش عن ولده لانه قاصروانا الى بصرف المعاش لان انا الواصى عليه بس هوا ماكملش التعليم طلع من تانيه دبلوم يعنى كان فضله سنه وياخد الدبلوم بس ماكملش عاوز اعرف ايه الاجراءت الى اعملها لما يبلغ لسن 21 سنه حتى يمتد المعاش لسن 24 سنه علما بانه لم يكمل الدبلوم مع العلم ان اعرف انه الدبلوم بياخد معاش لسن 24 سنه والكليه 26 سنه بس للاسف ماكملش الدبلوم هل يوجد اى حل او اجراءت اعملها يعنى لما يبلغ سن21 سنه ينفع اقدم ورق فى المعاشات انه لايعمل فى القطاع الخاص او العام حتى يمتد المعاش لسن21ياريت الرد لو تكرمتم

[كرم افندينا]

ارجو الرد لوتكرمتم

[كرم افندينا]

فى انتظاركو ياجماعه الخير

[كرم افندينا]

36 مشاهده ومافيش اى رد

[الشافعى]

عند بلوغ سن 21 عام يتم تقديم صورة المؤهل الدراسي (الشهاده الاعداديه) مع اقرار بعدم الاشتغال
وعدم الحصول علي اي دخل من عمل او مهنه لكي يستمر استحقاق الصرف حتي سن 24 عام او التحاقه
بعمل او مزاولة مهنه ايهما اقرب

[احمد سعيد ابوسنه]

راجع الرابط
هل يستمر الابن الحاصل علي الاعداديه في معاش والده حتي24 سنه رغم تركه التعليم - منتديات الصياد دوت نت
http://elsayyad.net/forum/showthread.php?t=1356&highlight=%D4%E5%C7%CF%C9+%C7%E1%C7%DA%CF%C7%CF%ED %C9

[الصياد]

بارك الله فيكم

[كرم افندينا]

شكرا لكم جميعا على الافاده سوال اخر ما هوا الوقت المناسب الى اقدم فيه شهاده الاعداديه مع جواب من الوحده المحليه عندنا انه لايعمل فى القطاع الخاص او العام يعنى اقدم الاوراق دى قبل مايبلغ سن 21 سنه بوقت اد ايه يعنى قبل مايبلغ بشهر او شهرين وسؤال تانى اخير اذا تم تقديم الاوراق وكله تمام وخاد المعاش لسن 24 وبعد كده المنحه الى بتطلع عند قطع المعاش بتطلع باسم مين اسمى اخى ولا اسم الواصى الى هوا انا واسف على تعب حضراتكو

[الصياد]

قبل مايبلغ بشهر او شهرين

باسمه اذا طلب صرف المعاش باسمه عند بلوغه 21 سنة

[كرم افندينا]

شكرا لمتابعه حضرتك لك كل الاحترام والتقدير طيب واذا لم يطلب صرف المعاش باسمه

[كرم افندينا]

فى انتظار ردك الاخير هنا ياغالى واسف لتعب حضرتك وكل سنه وانت ديما بخير وسعاده

[الصياد]

تضمنت تعليمات الصندوق الحكومي
تعليمات رقم (17) لسنة 2010
بشـأن
حالات قطع المعاش للمستحقين والمستندات المطلوبة لكل حالة
وقواعد صرف منحة القطع ومنحة الزواج

ويراعى تقديم طلب لصرف منحة القطع أو الزواج بإسم القائم بصرف المعاش (دون الوكيل)
ما لم يتقدم المستحق بطلب لصرف المنحة بإسمه بشرط ألا يكون قاصراً .