تامين اقل من المدة لصرف المعاش - مبيض محارة
 

السلام عليكم استاذى الفاضل السؤال بخصوص وحدة قربتى
الموضوع زوجها اتوفى كان عامل لنفسة تامين لمدة ٨سنوات كان فاتح نشاط وعندة سجل وبعدين قبل وفاتة بفترة مرض مرض طويل ووقف النشاط وكان عمل اوارق واخذ معاش والدة لان هو كانت ظروفة الصحية متاخرة واخد معاش والدة لمدة سنة المهم دلوقتى هو اتوفى الزوجة راحت المعاشات قالولها انة لا يستحق معاش لانة لم يستوفى المدة المحددة لاستحقاق المعاش وانة كان المفروض يتعرض على لجنة ثحية عشان السبع سنوات اللى المفروض كان يكمل تامين فيهم المهم هى قالتلهم انة فعلا اتعرض على لجنة عشان ياخد معاش والدة ودلوقتى هو اتوفى ازاى يتعرض على لجنة فهما قالو ليها انها كل اللى تقدر تاخدة الثمانى سنوات اللى دفعهم للتامين مبلغ مكافاءة مرة واحدة ولا تستحق لمعاش فهى قالت تسال الاول لان ليها اربع اولاد ومفيش مصدر دخل لوالدهم فلو كان فى اجراءات يتم عملها لاستحقاق معاش لوالدهم وجزاك الله كل خير عن عملك وعلمك

ايضاح
 

السلام عليكم استاذى الفاضل السؤال بخصوص وحدة قربتى
الموضوع زوجها اتوفى كان عامل لنفسة تامين لمدة ٨سنوات كان فاتح نشاط وعندة سجل وبعدين قبل وفاتة بفترة مرض مرض طويل ووقف النشاط وكان عمل اوارق واخذ معاش والدة لان هو كانت ظروفة الصحية متاخرة واخد معاش والدة لمدة سنة المهم دلوقتى هو اتوفى الزوجة راحت المعاشات قالولها انة لا يستحق معاش لانة لم يستوفى المدة المحددة لاستحقاق المعاش وانة كان المفروض يتعرض على لجنة ثحية عشان السبع سنوات اللى المفروض كان يكمل تامين فيهم المهم هى قالتلهم انة فعلا اتعرض على لجنة عشان ياخد معاش والدة ودلوقتى هو اتوفى ازاى يتعرض على لجنة فهما قالو ليها انها كل اللى تقدر تاخدة الثمانى سنوات اللى دفعهم للتامين مبلغ مكافاءة مرة واحدة ولا تستحق لمعاش فهى قالت تسال الاول لان ليها اربع اولاد ومفيش مصدر دخل لوالدهم فلو كان فى اجراءات يتم عملها لاستحقاق معاش لوالدهم وجزاك الله كل خير عن عملك وعلمك

ايضاح
 

السلام عليكن استاذنا الفاضل
اسفة عن التاخر بالرد بس على ماصاحبة المشكلة جابت لى التواريخ
هو كان شغال مبيض محارة وعامل تامين من سنة١٩٩٦ الى٢٠١٠وفى نفس الوقت فتح سجل من سنة ٢٠٠٥الى٢٠٠٧وقفلة واستمر فى المحارة ولكن توقف عن الدفع من ٢٠١٠ لانة كان مرض وكانت المديات ضعيفة وقدم على معاش والدة واتعرض على لجنة خماسية واخد معاش والدة ٢٠١٢واتعرض على اللجنة دى ٣مرات واخد فيهم المعاش واخر مرة كان ميعاد اللجنة قبل الوفاة باسبوع هو رقمة التامينى 48735076 ولما زوجتة راحت سالت انة يطلع لية معاش قالو ليها هو متوقف عن الدفع من سبع سنوات وتاخدى المبلغ اللى ادفع مرة واحدة ولا يستحق لة معاش فاية راى حضرتك وهى خافت تثفل الملف وتاخد المبلغ لان ليها اربع اطفال وكانت عايزة تعرق لو فى مجال لمعاش يكون افضل لاولادها وجزاك الله كل خير

ايضاح
 

اسفة الاشتراك بالظبط مكتوب من ٥/٥/٢٠٠٩ الى ١٠/٢٠١٠
مكتوب عن مدة ١٥ سنة وشهر والاوراق هبعتها لحضرتك على الميل والف شكر ليك وربنا يجزيك كل خير

ايضاح
 

[QUOTE=hanaamo;51195]السلام عليكن استاذنا الفاضل
اسفة عن التاخر بالرد بس على ماصاحبة المشكلة جابت لى التواريخ
هو كان شغال مبيض محارة وعامل تامين من سنة١٩٩٦ الى٢٠١٠وفى نفس الوقت فتح سجل من سنة ٢٠٠٥الى٢٠٠٧وقفلة واستمر فى المحارة ولكن توقف عن الدفع من ٢٠١٠ لانة كان مرض وكانت المديات ضعيفة وقدم على معاش والدة واتعرض على لجنة خماسية واخد معاش والدة ٢٠١٢واتعرض على اللجنة دى ٣مرات واخد فيهم المعاش واخر مرة كان ميعاد اللجنة قبل الوفاة باسبوع هو رقمة التامينى 48735076 ولما زوجتة راحت سالت انة يطلع لية معاش قالو ليها هو متوقف عن الدفع من سبع سنوات وتاخدى المبلغ اللى ادفع مرة واحدة ولا يستحق لة معاش فاية راى حضرتك وهى خافت تثفل الملف وتاخد المبلغ لان ليها اربع اطفال وكانت عايزة تعرق لو فى مجال لمعاش يكون افضل لاولادها وجزاك الله كل خير ملحوظة تم بعث الاوراق الخاصة بية على الميل لعدم تمكنى من رفعها على المنتدى وفى انتظار راى حضرتك

ايضاح
 

تم ارسال الرابط على الميل لحضرتك

المستندات الواردة - راجع المرفق
http://www.mediafire.com/file/zy1pw0...8%B1%D8%A9.rar
وعنوانه
تامين اقل من المدة لصرف المعاش - مبيض محارة


مطلوب استيفاء :
قرار اللجنة الطبية 2013
شهادة الوفاة
تقرير من الجهة الطبية التي كان يعالج بها منذ بداية مرضه يتضمن تاريخ بداية العلاج وتطور الحالة والعمليات الجراحية التي أجر يت له - من واقع سجلات هذه الجهة - مع بيان التواريخ كاملة

ايضاح
 

السلام عليكم استاذنا الفاضل
تم ارسال الاوراق المطلوبة على الميل

ايضاح
 

تم ارسال الاوراق المطلوبة على الميل الخاص بحضرتك وفى انتظار رايك وما هى الاجراءات والجهة المسؤلة التى نتوجهة اليها وجزاك الله كل خير

مطلوب عن مدة الاشتراك الأخيرة ببطاقة عامل مقاولات من 5 /5 / 2009
- نتيجة الكشف الطبي الأولي المتضمنة صلاحيته للعمل مبيض محارة
- شهادة قياس المهارة

ايضاح
 

جزاك الله كل خير استاذنا ولكن انا سالت زوجة عامل المحارة الاوراق دة مش معاها ولكن هى سالت فى التامينات قالو ليها ان الورقتين دول عندهم فى الملف بتاع جوزها لكن المشكلة هى انهم بيقولو انة المدة بتاعة زوجها ناقص ليها سبع سنوات لكى يستحق معاش فتعمل اية دلوقتى وربنا يوفقك لما فية الخير

ايضاح
 

السلام عليكم
ربنا يوفقك لما فية الخير لك وللناس
تم ارسال الورق المطلوب على ميل حضرتك بس ورقة الكشف الطبى بتاريخ ٢٠٠١مفيش بتاريخ ٢٠١٠ هل هتنفع حضرتك ولو مش هتنفع نسال عليها تكون موجودة فين مش المفروض يكون لو عمل شهادة بتاريخ ٢٠١٠تكون بردة فى الملف وربنا يجزيك كل خير

المستندات الواردة - راجع المرفق
http://www.mediafire.com/file/zqatpl...9%8A%D8%A9.rar
وعنوانه
تامين اقل من المدة لصرف المعاش - مبيض محارة - مجموعة ثانية


المطلوب بالمداخلة 11 نتيجة الكشف الطبي الأولي المتضمنة صلاحيته للعمل مبيض محارة
عند اصدار بطاقة عامل مقاولات في الفترة من 5 / 2009
وهو مستند مهم للغاية لاتخاذ قرار في بحث هذه الحالة - يتم مراجعة مكتب التأمينات الذي أصدر هذه البطاقة

ايضاح
 

السلام عليكن استاذنا الفاضل
حضرتكزوجة مبيض المحارة راحت مكتب التامينات ولقت مفيش اى ورقة طالعة من وزاة الصحة بهذا النص لكن لقت ورقتين منهم ورقة مكتوب فيها ان نسبة العجز شرطة يعنى مفيش ومستوى المهارة اول وانا ارسلت ليك الورقتين على الميل الشخصى لحضرتك لكن لو مش دول هى تروح تشوفها فين مش المفروض انةكان بيدفع التامينات يباء تكون فى الملف ولا الورقة دى بتتوجة لجهة اخرى فهى تروح تشوفها فين وجزاك الله كل خير على كل تعبك معانا وعن الجميع

المستندات الواردة - راجع المرفق
http://www.mediafire.com/file/ot14pw...8%AB%D8%A9.rar
وعنوانه
تامين اقل من المدة لصرف المعاش - مبيض محارة - مجموعة ثالثة


ورقة مكتوب فيها ان نسبة العجز شرطة يعنى مفيش
هذا بالنسبة للعجز الظاهري
ولا يغني عن ضرورة نتيجة الكشف الطبي الأولي المتضمنة صلاحيته للعمل مبيض محارة عند اصدار بطاقة عامل مقاولات في الفترة من 5 / 2009

الرأي :
يتلخص في الآتي :

تضمن القرار الوزاري رقم 554 لسنة 2007 بشأن القواعد المنفذة لقانون التأمين الاجتماعى الصادر بالقانون رقم 79 لسنة 1975
الموجود ضمن التشريعات ضمن قرارات وزير التأمينات بالموقع

مادة (204)
على مكتب الصندوق المختص إتخاذ ما يلي :
1- إعطاء العامل بياناً بحالته التأمينية للتقدم به إلى وزارة القوى العاملة والهجرة لقيده في سجلاتها وتحديد مستوى مهارته.
2- عرض العامل على اللجنة الطبية بالهيئة العامة للتأمين الصحي لإجراء الفحص الطبي الإبتدائي وإثبات حالته الصحية ومدى لياقته لممارسة المهنة المطلوب الإشتراك عنها.
ويتم إثبات نتيجة الكشف الطبي ببطاقة اشتراك المؤمن عليه وبملفه الألكتروني .
وبالنسبة للمؤمن عليه الذى سبق تسجيله فى أى مكتب تأمينات ولم يسبق عرضه على اللجنة الطبية بالهيئة العامة للتأمين الصحى يتولى المكتب المختص عرضه على اللجنة الطبية عند تقدمه بطلب تجديد البطاقة.
ويتحمل الصندوق المختص برسم الكشف الطبي في الحالتين السابقتين ، والذي تتحدد تكلفته وإجراءاته بموجب إتفاق بين رئيس الصندوق المختص ورئيس الهيئة العامة للتأمين الصحي.
ويتم إعادة عرض العامل علي اللجنة الطبية في الحالتين الآتيتين :
1 – تغيير مهنته .
2 – تاريخ انتهاء البطاقة.


مادة (205)
على المكتب تسليم العامـل بطاقة الإشتراك وفقاً للنموذج رقم (205) المرفق فور تقدمه بالتقرير الطبي الصادر عن اللجنة الطبية بنتيجة الفحص الطبي الابتدائي المتضمن لياقته لممارسة المهنة المطلوب الاشتراك عنها و شهادة قياس المهارة أو بشهادة القيد بالنسبة للحالات التى لم يحدد لها مستوى مهارة وتكون البطاقة سارية طوال مدة صلاحية شهادة قياس المهارة او شهادة القيد .
وعلى المقاول أن يتحقق من أن العامل يحمل بطاقة إشتراك تأمين إجتماعى.


مادة ( 208)
إذا حال المرض أوالإصابة اللذان يقعان للمؤمن عليه أثناء مدة إشتراكه بينه وبين مزاولة العمل تعتبر مدة إشتراكه مستمرة خلال هذه الفترة إذا ثبت العجز الكامل أوالعجز الجزئي وصدر قراراللجنة الخماسية بعدم وجود عمل آخر له أو وقعت وفاته بحسب الأحوال ويتم تحصيل الإشتراكات المستحقة عنها.


بناء علي ما تقدم
وحيث يعتبر نموذج الكشف الطبي الأولي ضروري لصحة اصدار بطاقة عامل المقاولات .

وحيث لم يصدر هذا النموذج عند اصدار هذه البطاقة في 9 / 2001 و 5 / 2003 و 5 / 2009 .

وحيث اقتصر التقرير الطبي الصادر عام 2001 بناء علي طلب المكتب لبيان لياقته الطبية لمهنة مبيض محارة ، علي التشخيص الطبي : أثر عملية بالبطن لاستئصال الطحال ، ولم صدر نموذج الكشف الطبي الأولي بلياقته الطبية لمهنة مبيض محارة .

وحيث تضمن تقرير مستشفي منشية البكري العام المحرر 18 / 12 / 2017 : بتاريخ 15 / 10 / 2010 تم دخول المريض قسم الرعاية المركزة ويشكو من تليف بالكبد وتضخم بالطحال وخلل بوظائف الكليتين ؟؟؟؟؟؟؟؟؟؟؟؟؟؟؟؟؟ منذ أكثر من ثمان سنوات وما زالت الحالة تتدهور منذ تاريخ 15 / 10 / 2010 حتي تاريخه ولم يتم التحسن .

وحيث تضمنت القرارات الصادرةمن التأمين الصحي لا ستحقاقه في معاش والده :
قرار 2012 :
- ثبت للجنة أنه يعاني استئصال قديم للطحال وتضخم وتليف بالكبد مع استسقاء بسيط بالبطن ووظائف الكبد في الحدود الطبيعية .
- المذكور حالته غير قابل للشفاء وفي حكم غير القادر علي التكسب مدي الحياة .
قرار 2014 :
- ثبت للجنة أنه يعاني استئصال قديم للطحال وتضخم وتليف بالكبد مع استسقاء بسيط بالبطن ووظائف الكبد وصورة الدم في الحدود الطبيعية .
- المذكور غير قادر علي التكسب لمدة عام ويعاد العرض .
قرار 2015
- ثبت للجنة أنه يعاني تضخم وتليف بالكبد واستئصال قديم للطحال بدون استسقاء وظائف الكبد طبيعية وارتفاع بالصحائف 522 .
- المذكور غير قادر علي التكسب لمدة عام ويعاد العرض .
قرار 2017
- ثبت للجنة أنه يعاني تضخم وتليف بالكبد - استئصال للطحال وظائف الكبد في الحدود الطبيعية .
- المذكور غير قادر علي التكسب لمدة عام واحد ويعاد العرض .

وحيث تاريخ الوفاة : 24 / 12 / 2017

وحتي يمكن تطبيق المادة 208 من القرار الوزاري في شأنه يتطلب الأمر تقديم طلب للمكتب لعرض مذكرة كاملة بحالته وجميع المسندات المؤيدة لها علي الإدارة المركزية للجان الطبية ، وذلك من خلال المنطقة التابع لها المكتب ، لبيان مدي لياقته للعمل مبيض محارة في تاريخ اصدار بطاقة عامل المقاولات في 5 / 2009


مرفق ملخص للحالة

ايضاح
 

السلام عليكم استاذنا الفاضل
جزاك الله كل خير عن تعبك ومجهودك الفائق لمساعدة الاعضاء وجعلة الله فى ميزان حسناتك
تم تحميل المرفق وكل شى متوفر ولكن زوجة كانت هناك فى مكتب التامينات اليوم وتم الاتى بالنسبة لانها طالبت بورقة التامين الصحى انة قادر على العمل ورد عليها الموظف انة طبيعى كان قادر على العمل بدليل انة بيدفع وفتح تامينات وان ورقة الكشف الطبى مكتوب فيها انة مستاصل الطحال ونظرة ٩/٦ ودة معناة انة لا يوجد عائق للعمل ولكن مشكلتهم فى المكتب انة مش من حقو يسدد السبع سنوات اللى انقطع فيهم عن الدفع بيقولو ممكن لو كان ٣او ٤شهور لكن سبع سنوات مينفعش فهل تقول ليهم على الفرة من القانون ٢٠٨فى انة مرض خلال العمل الى ان توفاة الله ولا اية وجزاك الله كل خير عن الجميع

يتم توجيه الطلب الي مدير المكتب مرفقا به طباعة ما تضمنته المداخلة 17 والمرفق بها
ويتم تسليمه علي صورة من الطلب للمكتب
وتترك للمكتب فرصه أسبوع لبحثه وموافاتكم برد رسمي

ايضاح
 

الف شكر لحضرتك وان شاء الله يتم عمل اللى حضرتك قولتة وتجهيز كل الاوراق وجزاك الله خيرا

ايضاح
 

اسفة مش فاهمة الفقرة ويتم تسليمة على صورة من الطلب للمكتب
وجزاك الله كل خير

يعني يتم تصوير الطلب

يتم تسليم الأصل للمكتب
بعد التوقيع علي الصورة وكتابة رقم الوارد والتاريخ وختم المكتب بما يفيد الاستلام

ايضاح
 

جزاك الله كل خير وان شاء الله ربنا ييسر الحال

ايضاح
 

السلام عليكم استاذنا الفاضل
زوجة مبيض المحارة راحت اليوم مكتب التامينات وتم تقديم الطلب وتم ارسال صورة منة لحضرتك على الايميل الشخصى وهما فى التامينات قالولها تراجعهم على الاحد القادم هل كدا الطلب مظبوط وجزاك الله كل خير عن علمك وعملك

بارك الله فيكم
ونسأل الله عز وجل حسن القبول

ايضاح
 

السلام عليم استاذنا الفاضل
النهاردة زوجة مبيض المحارة راحت مكتب التامينات قالو ليها انة مينفعش ليها معاش ودة لان جوزها كان مقدم على المعاش بتاعة فى ٢٠١٦ وان اللجنة الطبية اللى اتعرض عليها قالت انة قادر على العمل مبيض محارة وانةقدم تظلم واترفض فهى قالتلو حصل بس هو فعلا كان تعبان وبدليل ان اللجنة الطبية بتاعة معاش والدة قالت يستحق المعاش وانة فعلا اتوفى اثر مرضة ٢٠١٧ فدلوقتى حضرتك شايف اية اللى تعملة وهل كدا فى مجال ليها ولاولادها فى المعاش ولا كدا غير مستحقين وجزاك الله كل خير فى مجهودك معاها قى هذا الموضوع

ايضاح
 

السلام عليم استاذنا الفاضل
النهاردة زوجة مبيض المحارة راحت مكتب التامينات قالو ليها انة مينفعش ليها معاش ودة لان جوزها كان مقدم على المعاش بتاعة فى ٢٠١٦ وان اللجنة الطبية اللى اتعرض عليها قالت انة قادر على العمل مبيض محارة وانةقدم تظلم واترفض فهى قالتلو حصل بس هو فعلا كان تعبان وبدليل ان اللجنة الطبية بتاعة معاش والدة قالت يستحق المعاش وانة فعلا اتوفى اثر مرضة ٢٠١٧ فدلوقتى حضرتك شايف اية اللى تعملة وهل كدا فى مجال ليها ولاولادها فى المعاش ولا كدا غير مستحقين وجزاك الله كل خير فى مجهودك معاها قى هذا الموضوع

المشكلة عدم توقيع الكشف الطبي الأولي من خلال اللجنة الطبية قبل اصدار بطاقة المقاولات الأخيرة
وأحاول ايجاد مخرج لحل المشكلة

وواضح أنه لم يتم تنفيذ ما تضمنته المداخلة 19 كما طلبت
لذلك يتم يتم توجيه الطلب الي مكتب رئيس صندوق التأمين الاجتماعي للعاملين بالقطاع العام والخاص 3 شارع الألفي القاهرة - وسط البلد
مرفقا به طباعة كاملة لما تضمنته المداخلة 17 + المرفق بها + كافة المستندات المتعلقة بالحالة
ويتم تسليمه علي صورة من الطلب للمكتب المشار اليه
لعله يوفق لايجاد حل لهذ المشكلة

وموافاتي برقم وتاريخ التسليم
مع رجاء عدم ارسال مداخلات أخري قبل تنفيذ ما تقدم

ايضاح
 

السلام عليكم ورحمة الله وبركاتة
النهاردة الرد وصل بناء على الطلب الذى قدم للمكتب بخصوص المعاش وتم ارسال الرد لحضرتك على الميل الشخصى مكتوب ان زوجها كان قدم على طلب المعاش ٢٠١٦وان اللجنة الطبية قالت لا يوجد مانع من مزوالة النشاط فى حين ان لجنة اخرى نفس العام لما قدم لمعاش والدة قالت يستحق فكدا اية الحل وكل عام وحضرتك طيب وجزاك الله كل خير

يتم تنفيذ ما تضمنته المداخلة 29
وبمراعاة ما تضمنته الفقرة الأخيرة منها

ايضاح
 

السلام عليكم استاذنا الفاضل
بالنسبة لزوجة مبيض المحارة هى راحت وسط البلد زى ما حضرتك قولت وقدمت ليهم كل الاوراق والطلب وفى استاذ هناك اللى استلم منها الورق كلم حضرتك وبلغها ان حضرتك جاى عندهم الادارة وهتتناقشوفى حالتها بس هو ممضاش ليها الطلب قالها اصبرى لما اشوف الاستاذ الصياد الكلام دة من يوم الاحد وهى حاليا عايزة تعرف تروح ليهم فى اجراء معين لو حضرتك قابلتهم وهل هينفع ليها معاش ولا لا واية اللى تعملو دلوقتى وجزاك الله كل خير على تعبك فى حالتها وكل الحالات اللى بتتعرض عليك فى المنتدى وخارج المنتدى والف شكر ليك وربنا ييسر للجميع الخير

ايضاح
 

اى شهر ٦ولا ٧

يوليو......................

سؤال
 

السلام عليكم استاذنا الفاضل وكل عام وحضرتك بخير
لقد تم مراجعة مكان تقديم الطلب وابلغو صاحبة الطلب انة لا يستحق لهم معاش وان مفيش مجال وانها تذهب لادارة شبين تغلق ملف زوجها وتحارل تقدم على معاش لوالدها فسؤالى حاليا بالنسبة لاولادها مفيش ليهم اى مصدر دخل هل يحق لهم تقديم لاخذ معاش جدهم لابوهم حيث ان والدهم حصل على معاش والدة قبل وفاتة خصوصا فى ظروف عدم وجود اى مصدر دخل للابناء ولكم جزيل الشكر لعملكم على مساعدة الاعضاء

الأحفاد لا يستحقون في معاش الجد
يمكنها التقدم لوحدة الضمان الاجتماعي التابع لها محل سكنها لبحث مدي استحقاق مساعدة اجتماعية

استفسار لنفس الموضوع
 

السلام عليكم استاذنا الكريم بالنسبة لزوجة مبيض المحارة بعد ما قالو ليها مفيش معاش وقدمت طلب لاخذ مكافاءة عن المدة المدفوعة فى التامينات كان الملف مش لاقينو فى المكتب المهم الاسبوع دة راحت ليهم وتم ايجاد الملف وراحت تقدم الاوراق الاستاذة اللى على الكمبيوتر اللى بتستلم الاوراق قالت ليها جوزك يستحق معاش لان لما دخلت على الكمبيوتر لقت لية مدة كان شغالها فى شركة قبل كدة ومكنتش مضافة لية فقالت ليها جوزك كدا يباء اكتر من ١٥سنة يستحق لة معاش وطلبت منها تعمل كدا استمارة ٩وتجهز اوارق للمعاش فهل كدا مظبوط انة فى حال تعدى ١٥عام يستحق لة معاش ولا لا لان الست تعبت من اللف على الاوراق وعايزة تخلص اوراق معاش جوزها عشان تعرف تقدم معاش لالدها وحضرتك عارف بقالها سنة كاملة فى الموضوع دة وهى عندها اربع اولاد ومصاريف ومدارس وخايفة بعد كدا يقولو ليها غير مستحق وترجع تقدم تانى على مكافاءة وتباء مجرد تضيع وقت عليها فاياريت حضرتك تفدنا هل كدا تستحق ولا لا لانها محتاجة مصدر للدخل وتعبت من المشاوير والاوراق بدون فايدة وجزاك الله كل خير

السلام عليكم استاذنا الكريم بالنسبة لزوجة مبيض المحارة بعد ما قالو ليها مفيش معاش وقدمت طلب لاخذ مكافاءة عن المدة المدفوعة فى التامينات كان الملف مش لاقينو فى المكتب المهم الاسبوع دة راحت ليهم وتم ايجاد الملف وراحت تقدم الاوراق الاستاذة اللى على الكمبيوتر اللى بتستلم الاوراق قالت ليها جوزك يستحق معاش لان لما دخلت على الكمبيوتر لقت لية مدة كان شغالها فى شركة قبل كدة ومكنتش مضافة لية فقالت ليها جوزك كدا يباء اكتر من ظ،ظ¥سنة يستحق لة معاش وطلبت منها تعمل كدا استمارة ظ©وتجهز اوارق للمعاش فهل كدا مظبوط انة فى حال تعدى ظ،ظ¥عام يستحق لة معاش ولا لا لان الست تعبت من اللف على الاوراق وعايزة تخلص اوراق معاش جوزها عشان تعرف تقدم معاش لالدها وحضرتك عارف بقالها سنة كاملة فى الموضوع دة وهى عندها اربع اولاد ومصاريف ومدارس وخايفة بعد كدا يقولو ليها غير مستحق وترجع تقدم تانى على مكافاءة وتباء مجرد تضيع وقت عليها فاياريت حضرتك تفدنا هل كدا تستحق ولا لا لانها محتاجة مصدر للدخل وتعبت من المشاوير والاوراق بدون فايدة وجزاك الله كل خير

هل كدا مظبوط
نعم