|
استشارةعاجلة -الجمع بين المعاشات المستحقةعن الوالدين-حدود الجمع بين المعاشين والدخل
بسم الله الرحمن الرحيم
هل يجوز الجمع بين معاشين فى الحاله الاتيه ابنه توفى والدها وتاخذ معاش عنه 700 جنيه شهريا ثم توفيت والدتها حديثا هل تجمع بين معاش امها وابيها ؟ ام ان هناك حدود للجمع بين المعاشين ؟ لانها لما سالت قالولها انها احتمال متخدش المعاش التانى لان معاشها الاول كبير مع العلم ان للام والاب المتوفين بنتان احدهما تعمل وانقطع عنها معاش والدها والاخرى هى صاحبه السؤال ؟ |
يجمع الأولاد بين المعاشات المستحقة عن الوالدين بدون حدود يتم تطبيق حدود الجمع بين معاشي الوالدين وصافي الدخل من العمل ( بعد خصم اشتراكات التأمين الاجتماعي والضرائب ) فاذا كان الدخل الصافي مساوي أو أكبر من مجموعهما يوقف صرف المعاش وان كان أقل يصرف من المعاشين الفرق بين مجموعهما والدخل الصافي يتم رد النصيب الذي يتم ايقافه من معاش الوالدين الي باقي المستحقين من الأولاد وفي حالة اذا كان من يتم الرد عليه ابن أو بنت واحدة يشترط ألا تستحق أكثر من ثلثي معاشي الوالدين |
شكرا ليك استاذ محمد بس من اللى فهمته ان معنى كدا انهم احتمال يقارنوا بين مجموع المعاشين ودخل الاخت اللى بتشتغل ولا انا فهمت غلط لان اختى كانت بتاخد معاش والدى لحد شهر 3 اللى فات ووالدتى اتوفت قبل قرار تثبيتها بشهر يعنى اعتقد ان ليها نصيب فى معاش والدتى الشهر دا هى بتشتغل مدرسه وبتاخد 420 جنيه وكان معاش والدى 440 اللى بتاخده ولما قولنالهم كدا فى التامينات الاول قوالولنا انهم هيقارنوا مرتبها بكل معاش على حده وبالتالى هيشيلوا التانى الخاص بوالدتها زى ماشالوا الاول الخاص بوالدها لان وقت ماشالوا معاش والدى كان ملف والدتى لسه مارحش التامينات وفيه واحده هناك قالتلنا فى الاول انهم هيقارنوا بين مجموع المعاشين وهيدولها الفرق بين مرتباها ومجموعهم وواحده تانيه قالت انهم هيقارنوا بين الاتنين ولو مرتبها اقل من مجموعهم هيسيبوه لكن اللى حصل انهم قطعوا معاش والدى يعنى معنى كدا انهم هيقارنوا كل معاش بمرتبها عشان كدا قطعوا الاول وغالبا هيقطعوا التانى فمحدش هناك عارف يفيدنا فى الموضوع دا فياريت تقولنا رايك ؟ كمان اللى فهمته من الكلام ان الاخت اللى بتاخد المعاش هتجمع عادى بين المعاشين وعلى فكره الاخت دى هى الوحيده المستحقه لمعاش والدتها لان اختها بيتشتغل وغالبا مالهاش غير الشهر الفرق بين موت والدتى وتثبيتها ياريت حضرتك تفهمنى اكتر القانون الخاص بكدا
|
أعتقد أن ردي واضح أن المقارنة تتم بين مجموع النصيبين المستحقين في معاش الوالدين مع الدخل الصافي ولمزيد من التفاصيل راجع ضمن المؤلفات ومنتدي الكتب الكتاب الرابع المستحقون فى المعاش الباب الأول : قواعد توزيع المعاش في تاريخ وفاة المؤمن عليه أو صاحب المعاش الفصل الخامس : مراعاة حدود الجمع بين المعاشات الفصل السابع : مراعاة حدود الجمع بين المعاش والدخل من عمل أو مهنة الفصل الثامن : الرد والأيلولة للنصيب في المعاش الذي يتم وقفه جزئيا أو كليا وتوجد به العديد من الأمثلة التوضيحية وأرجو الافادة في حالة وجود خلاف مع المكتب المختص |
اوك شكرا ليك
|
بارك الله فيكي |
معلهش استفسار اخير معنى كلام حضرتك ان بتم المقارنه بين المعاشين والدخل لكن دا محصلش مع اختى لانهم قارنوا دخلها بمعاش والدى وبس وعلى الاساس دا شالوه وفعليا وزعوه تلتين للاخت وتلت للجده المشتركه فى معاش الوالد لان والدتى ايامها كان ملفها لسه موصلش التامينات لانها اتوفت قبل شغل البنت بشهر وبالتالى اتشال معاش الاب وحصلت مقارنه بينه وبين دخلها لوحده مع ان قبل شغلها بشهر كانت فعليا مستحقه لمعاش الاتنين مع بعض فياترى هما هيعيدوا اللى عملوه وهيرجعوا يقارنوا تانى بين المعاشين والدخل ولا هيشيلوه زى معاش والدها ولا ايه اللى هيحصل بالظبط مع العلم ان مرتبها 420 جنيه ومعاش والدها لوحده 440 ووالدتها كانت بتشتغل قبل ماتتوفى فى النيابه يعنى معاشها هيكون كبير
|
معلهش انا عارفه انى تقلت على حضرتك بس ياريت تفهمنى ببساطه ومن غير قوانين ايه اللى المفترض يحصل بعد ماملف والدتها راح للتامينات وبعد مافعليا شالوا معاش والدها
|
يتم تقديم طلب لكل من الجهتين المختصتين بتوزيع المعاشين
لايضاح الأمر لهما وسيقوما باتخاذ اللازم في هذا الشأن وفقا للقانون وأرجو الافادة بما يتم |
يعنى حضرتك ايه اللى المفروض يتم وفقا للقانون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ومين الجهتين المختصتين بتوزيع المعاش ؟؟؟؟؟؟؟؟ علىفكره هما لما خدواملف والدتى طلعوا ورقه من الكمبيوتر عن طريق رقم ملف والدى يعنى المفترض ان كل شىء هيكون واضح بعد مايتم مراجعه ملف والدتى
|
بعد ما تنتهي الجهة التي بها ملف الوالدة من التسوية
أرجو الافادة بنتيجة توزيع المعاش بالأرقام بينك وبين شقيقتك في كل من ملف الوالد وملف الوالدة |
انشاء الله
|
زى ماقلت لحضرتك قبل كدا المعاش الخاص بوالدى اتشال عنى لانى بشتغل وبالنسبه لمعاش والدتى فبصراحه فوجئت انى هاخده وخدته فعليا الشهور السابقه واتقسم بينى وبين اختى دا لان مفيش غيرنا لكن معاش والدى هو اللى اتشال عنى والثلثين راح لاختى وتلت لجدتى يعنى محصلش انهم جمعوا الاتنين وقارنوا بينهم وبين مرتبى مع العلم ان معاش والدى كان 440 ووالدتى 490 ومرتبى 420 فياترى مع الزياده اللى بسمعها عن المرتبات هيتشال معاش والدتى تانى مع العلم انى بشتغل مدرسه وباخد مكافأه 1600 فى السنه بجانب المرتب وعلى فكره فيه محامى قريبنا قالى اكيد فيه غلطه فياترى فيه غلطه فعلا ولا لامع العلم ان
موظف التامينات واحنا بنعمل الورق الخاص بوالدتى سالنى وقلت انى بشتغل ومعاش والدى اتشال عنى وفهمته الوضع بالكامل وكتبت فى الورق اللى بقدمه انى بشتغل لكن هو مطلبش بيان بمفردات المرتب تانى هو دا تحديدا اللى حصل وبالنسبه للمعاش الخاص باختى فهى بتاخد 710 عن والدى و490 عن والدتى |
ياترى ايه راى حضرتك فى اللى حصل دا ؟ وهل لو زادت الاجور دا معناه ان معاش والدتى يروح لاختى ؟ ولا هيسيبوه
|
من خلال المعلومات السابق بيانها عن معاش الوالدين ودخلك من العمل يمكن بشكل تقريبي تصور الحالة كما يلي : أولا : معاش الوالد : 1065 جنيها تم توزيعه بين البنتين 5/6 = 888 جنيها - لكل منهن 444 جنيها والوالدة---------------- 1/6 = 177 جنيها ---------------------------------1065 جنيها ونظرا لأن البنت الأولي تعمل بدخا ثابت 420 جنيها + متوسط شهري للمكافآت 1600 ÷ 12 = 130 جنيه - أي الدخل الشهري 550 جنيها وبالتالي تم ايقاف نصيبها ورده علي البنت الثانية بحد أقصي ثلثي المعاش - والوالدة الثلث ليصبح توزيع المعاش كما يلي : المستحق-------------------- النصيب المستحق ------------------النصيب المنصرف البنت الأولي----------------------444--------------------------------000 البنت الثانية----------------------444--------------------------------710 الوالدة-----------------------------177--------------------------------355 اجمالي المعاش-------------------1065------------------------------1065 ثانيا : معاش الوالدة : 980 جنيها تم توزيعه بين البنتين لكل منهن 490 جنيها ونظرا لأن البنت الأولي تعمل بدخل 550 جنيها وسبق ايقاف معاش الوالد 444 جنيه وحيث تجمع البنت بين معاش الوالدين بدون حدود فانه يتم خصم باقي دخل البنت ومقداره 106 جنيهات (550 -444) ليصبح المنصرف لها 384 جنيها ورده علي البنت الثانية ليصبح المنصرف لها 596 جنيها ليصبح توزيع معاش الوالدة كما يلي : المستحق-------------------- النصيب المستحق ------------------النصيب المنصرف البنت الأولي----------------------490--------------------------------384 البنت الثانية----------------------490--------------------------------596 وهو لم يجاوز 2/3 المعاش - أي 654 جنيها اجمالي المعاش-------------------980--------------------------------980 ويراعي مع كل زيادة في دخل البنت الأولي يتم تخفيض نصيبها المنصرف ويتم الرد علي البنت الثانية بشرط ألا يجاوزها نصيبها المنصرف 2/3 المعاش - أي 654 جنيها ملاحظة هامة : في حالة زواج أي من البنتين يتم قطع المعاش المستحق لها من أول الشهر التالي للزواج وتصرف لها منحة زواج = النصيب المستحق لها في تاريخ القطع عن كل من الوالدين ( وليس النصيب المنصرف ) × 12 ويتم رد النصيب الذي تم قطعه علي البنت الأخري بشرط ألا يجاوز النصيب المستحق لها بعد الرد علي 2/3 كل من معاش الوالد والوالدة مع مراعاة حدود الجمع بين المعاش والدخل من عمل ان وجد وفي حالة زواج هذه البنت يقطع معاشها من أول الشهر التالي للزواج وتصرف لها منحة زواج = النصيب المستحق لها في تاريخ القطع عن كل من الوالدين ( وليس النصيب المنصرف ) × 12 |
جزاك الله خيرا بس على فكره مش دا اللى حصل بالظبط لان بعد ست شهور من وفاه والدتى جالنا شيك بالشهور اللى فاتت وشامل التعويض والمكافأه والشيكين بنفس القيمه
واعتقد ان معنى كدا انى باخد معاش بيساوى معاش اختى مع العلم ان مكتوب فى الاوراق اللى كنا بنخلصها انى بشتغل واختى قالت انهم ربطوا الملفين ببعض وانا مقدمه فى ملف والدى اقرار القيام بالعمل ومفردات مرتبى لكن معملتش كدا فى ملف والدتى كتبت انى بشتغل مدرسه بس |
يتم الرجوع الي الجهة الموجود بها ملف المعاش والتي قامت بالصرف
للاستفسار عن مستحقاتكم تفصيلا عن كل من الوالد والوالدة |
اوك شكرا ليك
|
بارك الله فيكي
|
معلهش كنت عايزا سال حضرتك سؤال لو قررت انى اشتغل بنظام ال60% يعنى مرتبى ممكن يقل للنص تقريبا دا ليه اى علاقه بموضوع المعاش ولا عادى مالوش علاقه
|
يتم تطبيق حدود الجمع بين المعاش والدخل
علي أساس الأجر الكامل وليس 60% |
شكرا لحضرتك
|
بارك الله فيكي
|
نفع الله الامة بعلمكم
|
بارك الله فيكم
ونسال الله عز وجل حسن القبول |
| الساعة الآن 06:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd. Trans by