ashrafzarieef3@gmail.com-يتم التقدم بشكوى مرفقا بهاكل المستندات المتوافرة لديكم الى ر
 

السلام عليكم
ياريت حد يرد عليا ويفيدني ويقولي اعمل ايه

ابويا سنه 54 سنة شغال اشراف في شركة انشاءات كبري بنظام السركي (اليومية)تعرض لحادث أثناء عمل عامل في النجارة تطاير مسمار صلب وجه في عين ابويا وحصل انفجار في العين وعملنا كذا عملية في العين علي حساب الشركة
-الحادثة من سنة بالظبط ودلوقتي عينه شكليا شبه طبيعية لكن فقد النظر تماما ومش بيشوف غير بعين واحدة ومعانا تقرير من مستشفى حكومي بالكلام ده
-وخد اجازة حوالي 8 شهور اثناء اجراء العمليات والعلاج وكانوا بينزلوا مرتبه الأساسي
-من اربع شهور رجع الشغل وتعبان جدا وعينه بتتعبه بسبب الغبار والترب والحرارة العالية وكمان هو مش عارف يشتغل كويس بسبب فقد عينه النظر تماما وكمان نفسيته اتأثرت وزعلان
- طلبنا من الشركة أنهم يعملو له عقد رفضوا
وقالوا احنا هنعرضه علي لجنة طبية والموظفين هناك بيحدفونا لبعض ولا شوفنا لجنة طبية ولا حاجة
-مع العلم ابويا اشتغل مع الشركة دي اكتر من 20 سنة وسافر معاهم دولة أفريقية والمفروض كان معمله عقد طوال 8 سنين سفره في الدولة دي والمفروض أنهم كانوا بيدفعولوا تأمينات في ال 8 سنين دول ،،لكن لما رجع مصر من سنيين شغال سركي باليومية معاهم
-وتم عمل تقرير حادث من قسم السلامة في الشركة لكن ماتعملش محضر في الشرطة
- وللعلم معانا كل جوابات الشركة للمستشفي لإجراء العمليات والكشف
-دلوقتي ابويا تعبان والموظفين بتوع الشركة تعبونا ورحنا الإدارة بتاعة الشركة محدش عمل حاجة ،كل اللي بيقولوه هنعرضه علي لجنة طبية والكلام ده من شهور ومتعرضش علي لجنة طبية ورحنا كمان لمدير الموقع معملش اي حاجة خالص
-وللعلم وقت وقع الحادث كان غير مؤمن عليه لأنه شغال سركي باليومية بدون عقد مع الشركة

-ياريت تقولولي اعمل ايه وأروح فين؟ علشان حق والدي ميضيعش شقي معاهم اكتر من 20 سنة وفقد نظر عين من عيونه دا غير التعب النفسي اللي اتعرضله

يتم التقدم بشكوى مرفقا بها كل المستندات المتوافرة لديكم
الى رئاسة الهيئة القومية للتامين الاجتماعى بشارع الألفى بالقاهرة
وصورة من الشكوى والمستندات الى مكتب العمل التابع له الشركة

شكرا جدا لحضرتك

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم