منتديات الصياد دوت نت - استفساربخصوص المعاش-يشترط لاستحقاق الأحوةوالأخوات ألايكون أى من ألأولاداستحق بالمعاش

منتديات الصياد دوت نت (http://forum.elsayyad.net/index.php)

- مستشارك التأميني (http://forum.elsayyad.net/forumdisplay.php?f=8)

استفساربخصوص المعاش-يشترط لاستحقاق الأحوةوالأخوات ألايكون أى من ألأولاداستحق بالمعاش

السلام عليكم ورحمة الله وبركاته
تحياتى استاذي الفاضل محمد الصياد
او من سيقوم بمشاهدة طلبي والرد عليه
ارجو من سيادتكم الرد على استفساري بخصوص...
.....
عندى اخت من الاب
وكانت موظفه فى القطاع الحكومى وبتاخد معاش واتوفت من ٢٠١٠
وزوجها اتوفى قبل ما هى تتوفى وعندها (بنت واحده فقط) (واتزوجت بعد وفاة مامتها) اللي هى اختى من الاب...

وانا موظف وعندى اعاقه حركيه دائمه ومعايا كارنيه الاعاقه
ووزيرة التضامن اصدرت قرارات بخصوص ذوى الاعاقه ان لهم الحق فى الجمع بين راتب ومعاش او معاشين..

ودلوقتى بنت اختى اتزوجت و المعاش بتاع اختى محدش مستفيد منه علشان بنتها الوحيده متزوجه دلوقتى...

فهل ينفع انى آخد المعاش ده ولا ايه ؟
ولكم جزيل الشكر 🙏

من شروط استحقاق الأحوة والأخوات
ألا يكون أى من أولاد المؤمن عليه أو صاحب المعاش سبق استحقاقه فى المعاش

اقتباس:

المشاركة الأصلية كتبت بواسطة الصياد (المشاركة 68462)

من شروط استحقاق الأحوة والأخوات
ألا يكون أى من أولاد المؤمن عليه أو صاحب المعاش سبق استحقاقه فى المعاش

متشكر جدا جدا والله لسرعة التواصل والرد
طب مينفعش جزء حتى من المعاش مع العلم انها كانت بتعولنى
يعنى مفيش فى قانون التامينات الجديد استثناء مثلا علشان (الاعاقه) او (الاعاله)

استفسار باستحقاق المعاش

انا موظف وعندى اعاقه حركيه وينطبق عليا الجمع بين معاش ومرتب وعندى اخت وتوفت...
وزوجها اللي بيصرف معاشها حاليا
هل يمكن ان اشاركه فى هذا المعاش ام لا
وان جاز مشاركتى فى هذا المعاش ..كم هى نسبتى
وهل يمكننى ان اجمع بين اكثر من معاش ومرتبي ام مرتب ومعاش واحد فقط
ولمعاليكم جزبل الشكر والتقدير
واكرر شكري وتقديري لسرعة الرد على الموضوع السابق بخصوص موضوع اخر شبيه لذلك..وفقكن الله ووقاكم شر كل شئ واعانكم على فعل الخير 🌹🙏

شكرا جزيلا لكم

الرد فين يا جماعة على السؤال فى الاعلى ؟⬆️

استفسار باستحقاق المعاش

راجع مكتب التأمينات الموجود به ملف معاش أختك
للرد على أسئلتكمن واقع بيانات الملف

متشكر جدا ..ولكنى لا اعلم ما هى البيانات اللى حضرتك محتاجها..هل تقصد الرقم التأمينى مثلا ؟