ازاي اطلع معاش واناعجز جزئي-الاستمرارفى عملك الحالى دون تغييرواعادةالعرض على اللجنةال
السلام عليكم ورحمة الله و بركاته
حضرتكم انا عامل بورشة ميكانيكا ديزل و تم اجراء عملية قلب مفتوح و تم تحويلي لجنة عجز و طلع عجز جزئي مستديم يحول بين عمله الحالي و تم تحويلي الي لجنة خماسية طلع قرار اللجنة اسناد عمل مناسب المشكلة اني لما رحت لمنظم اللجنة الخماسية لاستعلام قلي مينفعش اتظلم من قرار اللجنة و قلي اني لازم اغير المهنة و بعد ٦ شهور اتعرض لجنة عجز تاني وعليه راح معايا صاحب العمل علشان يغير المهنة الموظف قله هتعملها ايه اذا كان هوا عامل مفيش حاجه اقل من العامل الورشة كلها عبارة عن منشأة فيها اتنين عمال انا واحد منهم و صاحب العمل فمفيش تدرج وظيفي في الورشة وقدمت شكوي علي موقع الشكاوي ولسه جاري فحص الطلب بقاله شهر بيتفحص فردو عليا امبارح ان المعاش مش بينفع صرفه الا في حالة العجز الكلي المنهي للخدمة وقلي اني كدا ممكن صاحب العمل يطلعني من المنشاة عجز جزئي مستديم ويتم فصلي من الشغل . اولا هو صاحب العمل ممكن يفصلني عجز ثانيا هل يجوز ليا صرف معاش ثالثا هوا كدا معاد التظلم من اللجنة عدا الشهرين فايه الحل وحل في اجراء اقدر اعمله لان لاموظف التامينات عارف يساعدني ولا موظف اللجنة الخماسية ايه الحل جزاكم الله خيرا |
حضرتك لو صاحب العمل فصلني بقرار العجز وخلي سبب انتهاء الخدمة العجز الجزئي المستديم الخاص بلجنة العجز مع تقديم صورة من المستند هل يجوز صرف معاش عجز من التامينات
ويعني ايه اسناد عمل مناسب في الورشة زي موضحت لحضرتك في الاستفسار ولو اتفصلت زي ما صاحب الشغل عاوز يعمل يطلعني من المنشأة عجز زي مافي تقرير العجز هل ممكن اقدم بعد الفصل علي عمل خفيف في القومي العاملة في المحافظة التابع انا ليها ابقا من ضمن نسبة العجز في العمالة وشكرا |
مطلوب صور قرارات اللجنة الطبية واللجنة الخماسية
|
1 مرفق
دا قرار العجز
|
1 مرفق
دا قرار اللجنة الخماسية
|
وقدمت شكوي علي موقع الشكاوي ولسه جاري فحص الطلب بقاله شهر بيتفحص فردو عليا امبارح ان المعاش مش بينفع صرفه الا في حالة العجز الكلي المنهي للخدمة
مطلوب صورة الرد |
1 مرفق
دا رد الشكوي حضرتك
في اي حاجه اقدر اعملها ولا خلاص كدا حضرتك |
تاريخ ثبوت العجز الجزئى المستديم 29 / 3 / 2022
تاريخ اللجنة الخماسية 29 / 6 / 2022 القرار اسناد عمل مناسب رد الهيئة على الشكوى 18 / 9 / 2022 لا يستحق معاش عجز جزئى مستديم سؤالك بالمداخلة 7 : في اي حاجه اقدر اعملها ولا خلاص كدا حضرتك رأيى فى ضوء ما عرضته بمداخلاتك...الاستمرار فى عملك الحالى دون تغيير...ومراجعة التأمين الصحى للحصول على أجازة مرضية اذا لزم الأمر...واعادة العرض على اللجنة الطبية مرة أخرى بعد فترة...لعله يكون خيرا ان شاء الله. |
شكرا جدا لحضرتك و اسف علي الاطالة و الازعاج و جزاك الله خيرا
ولكم وافر الاحترام والتقدير |
الشكر لله عز وجل
بسم الله الرحمن الرحيم " ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... " من الأية (43) من سورة الأعراف ".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ " من الأية (88) من سورة هود صدق الله العظيم بارك الله فيكم ونسأل الله عز وجل حسن القبول |
الساعة الآن 06:47 PM. |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd. Trans by