مساء الخير-اشتكيهم بالنيابه الاداريه مرة أخرى لتعطيلهم صرف مستحقاتك التأمينية
 

مساء الخير
سؤال
حضرتك انا كنت باخد جزء من معاش والدى ووالدتى لانى كنت بشتغل حكومى ومرتبى كان اقل من نصيبى فى المعاشين حاليا انا سيبت شغلى من مارس اللى فات وتوجهت للتامينات فى شهر ٨ لاسترداد نصيبى فى المعاش وموظف التامينات كان محترم بصراحه وخدوا منى الاوراق بس قالى انه ميوعدنيش برجوع المعاش الا لو ملفى من جهه عملى وصلهم وانا بينى وبين جهه عملى دى مشاكل ومتعمدين تعطيل الملف لانهم عارفين موضوع المعاش وكانوا بيحاولوا يجبرونى ارجع شغلى وانا مشيت بعد مااشتكتهم بالنيابه الاداريه فاضطروا ينهوا خدمتى بعد مماطله ٤ شهور فانا هعمل ايه الوقتى جهه عملى معطله الملف والتامينات مصره ان لازم الملف من جهه عملى يوصلهم وانا حاليت من غير مصدر دخل تقريبا وبقالى اهو ٣ شهور مقدمه فى التامينات قرار انهاء خدمتى ومايفيد انى لااعمل وغير متزوجه ومفيش نتيجه لان جهه عملى راكنه ملفى فالرجاء من حضرتك مساعدتى ولحضرتك جزيل الشكر

الاستقالة وقرار انهاء الخدمة من جهة العمل
 

السائل الكريم استاذنا الفاضل العالم محمد بك الصياد حياكما الله
اذا كان سبب ترك العمل هو الاستقالة من الحكومة فليس هنالك داعي لورد ملف الخدمة للتأمين والمعاشات الا في حالات بلوغ السن او العجز او الوفاة
ولكن يكتفي باصل خطاب من جهة عملك الحكومي يفيد بناريخ من
انهاء الخدمه بالاستقالة ومرفق معه صور من الاستقالة معتمد ومختوم بخاتم الجمهورية ويكتفي باقرار لدي موظف التأمينات والمعاشات يفيد بعدم الزواج او الاتحاق بعمل او عدم مزاولة مهنة وعدم القيد باي من النقابات المهنية
ويتم توقيع هذا الاقرار منك شخصيا أمام موظف المعاشات والذي يؤشر عليه بانه تم التوقيع امامي وطبقا للمادة ٢٧٧ من اللائحة التنفيذية يتم الصرف نصيبك في معاش الوالدان الاب والام بدون تطبيق حدود الجمع من الشهر التالي لترك العمل والاستقالة وفقا للاتي


مادة :٢٧٧)
يعود الحق فى صرف المعاش الموقوف كليا او جزئيا أعتبارا من اول الـشهر
التالى لتحقق إحدى الحالات الآتية :
١_ انتهاء العمل لدى الغير .
-٢ ترك مزاولة المهنة .
عند عودة الحق في صرف المعاش الموقوف كليا أو جزئي يعاد تحديد الأنـصبة
المنصرفة لجميع المستحقين بإعادة مراعاة حدود الجمع بين المعـاش والـدخل علـى
أساس الأنصبة المستحقة لهم
محمود احمد اسيوط mahmoud48

حضرتك انا انقطعت عن عملى مستقلتش لانى حاولت استقيل ومنفعش فاضطريت انقطع وتم انهاء خدمتى وتقدمت للتامينات بقرار انهاء الخدمه ومضيت انى لا اعمل وغير متزوجه هو فيه فرق بين الانقطاع والاستقاله كمان انا الوحيده ف المعاش محدش معايا

اشتكيهم بالنيابه الاداريه مرة أخرى
لتعطيلهم صرف مستحقاتك التأمينية

تمام شكرا لحضرتك

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم