اخى انقطع عنه المعاش ومفروض هياخد مكافاة قطع المعاش عايزة اعرف ايه الفرق بين الاساس المستحق والنصيب المنصرف لانى قرات انها انها بتحسب على اساس المستحق
وانا مفروض عند انقطاع المعاش الخاص باخى المعاش الخاص بيا بيزيد
فهل الزيادة دى بتكون فى نفس الشهر اللى بيتم فيه قطع المعاش من اخى ولا من الشهر التالى لانى قبضت دون اى زيادة وكنت عايزة اعرف لو ينفع الزيادة هتكون قد اييه علما ان قبل ما اخى ينقطع عنه المعاش كنت باخذ المعاش انا واخى وجدتى اما الان انا وجدتى فقط معلش اسفة على الاطالة
وجزااك الله كل خييير وجعله فى ميزان حسناتك

1 - يتم توزيع المعاش بين المستحقين الذين توافرت فيهم شروط الاستحقاق
واضح من الحالة الخاصة بكم أن المستحقين : والدة وابن وبنت
تستحق الوالدة السدس ويوزع باقي المعاش علي الابن والبنت بالتساوي
ويسمي ما استحق لكل منهم : نصيبا مستحقا

2 - اذا كان أحد المستحقين لديه دخل من عمل أو مهنة
فانه يطبق بشأنه حدود الجمع بين النصيب المستحق ودخله من العمل أو المهنة
فاذا كان صافي الدخل من العمل أكبر من نصيبه المستحق يوقف صرف معاشه
وبالتالي يكون النصيب المنصرف = صفر
واذا كان صافي الدخل من العمل أقل من نصيبه المستحق يصرف له من معاشه الفرق
وبالتالي يكون النصيب المنصرف = الفرق
وترتيبا علي ذلك فان كل مستحق في المعاش يكون له
نصيبا مستحقا ونصيبا منصرفا
وعند تحديد منحة قطع معاش الابن
يتم تحديدها علي النصيب المستحق وليس المنصرف

3 - عند قطع معاش أحد المستحقين
يتم رد نصيبه علي باقي المستحقين وفقا لقواعد معينة
وفي حالتكم عند قطع معاش الابن
يتم الرد علي البنت والوالدة
ليصبح نصيب البنت ثلثي المعاش ونصيب الوالدة ثلث المعاش
ويتم القطع والرد من أول الشهر التالي لواقعة القطع

4 - لمزيد من التفاصيل والأمثلة العملية
راجع ضمن المؤلفات بالموقع
ومنتدي الكتب

الكتاب الرابع


المستحقون فى المعاش