بخصوص عدم التأمين على الموظفين وسرقةحقوقهم بالشركة-التقدم بشكوي الي كل من مكتب العمل
 

استاذنا الكريم تحية طيبة وبعد،،

اعمل موظف شئون عاملين باحدى شركات استيراد وتصدير قطع غيار السيارات من يناير الماضى وتم تكليفى بوضع نماذج ادارية،، ووضع لائحة للشركه كباقي الشركات وتتماشى مع قانون العمل ايضا وقد فعلت،، فى حين ان كانت الشركه تقوم بعملية احلال وتجديد لفريق المبيعات بالكامل ولم يكن بالشركه موظفين سوى 20 موظف وطلب منى تعيين مناديب وموظفين وسائقين ... الخ وقد حدث كل ذلك الا ان كل ذلك بدون تامينات على الموظفين وبدون عقود وبدون اى شيء رسمى بداعى ان الشركه محتاجه تقف على رجليها علشان تقدر تشترك فى الجهات الحكوميه وتخصص ميزانيه لكل تعاملاتها الحكوميه وغيرها،، والان صاحب العمل نقض عهده واصبح يتنمرد ويظلم ويطغى ولايعطى الحقوق لاصحابها حتى الاجازات الرسميه بنشتغلها بدون مقابل،، التامينات بيماطل ومش عاوز يأمن على الناس والاضافى بيحسبه الساعه بساعه وربع،، وعقود عمل مفيش،، ولما يتضايق من حد يمشيه بدون طبعا اى مشكله لان مفيش مايثبت صفته كشركه ولا اى حاجه حتى بيتعامل باسم شركه تانيه من شركاته وفى محافظه غير المحافظه اللى فيها الشركه المذكورة ونصب فى نصب مش عارف انا كموظف اعمل ايه لانى حاسس بالشفل الذريع انى مش قادر اجيب حق الناس من ناحيه،، ومن ناحيه تانيه اتخدعت بوعود وتم نقضها افيدنى افادك الله !!

التقدم بشكوي الي كل من مكتب العمل المختص ومكتب التأمينات الاجتماعية المختص
لاتخاذ الاجراءات اللازمة وفقا لكل من قانوني العمل والتأمينات الاجتماعية

أستاذنا تحياتى لحضرتك ،،

طب لما اروح دلؤت هقدم شكوى باسم الشركة اللى لها صفة قانونية ومشترك بها فى التأمينات ولها سجل تجارى فى محافظة تانية ام اقدم الشكوى باسم الشركة اللى احنا بالفعل بنعمل بها حتى ولو لم يكن لها صفة كشركة وليس لها سجل تجارى او غير مسجلة ؟

وهل الشكوى هتكون فى مكتب العمل والتأمينات التابعه لهما المنشأة الحالية ام فى الشركة التى هى فى محافظة اخرى ؟