لوسمحت ازاي اختم استمارةنموزج119معاشات-ملاحظة8–يجوزعدم التصديق الإدارى على هذاالنموذج
 

السلام عليكم
انا والدتي توفت وخدت من الشركه استماره نموزج 119 معاشات و مطلوب مني اختمها ب ختم النسر مع توقيع 2 موظفين حكومه
وانا للأسف معرفش اي حد في جهه حكوميه ومش عارف ايه الحل
ف لو سمحت منين اختم ختم النسر مع توقيع 2 موظفين علي استماره نموزج 119 معاشات

انا للأسف معرفش اي حد في جهه حكوميه ومش عارف ايه الحل
يتضمن النموذج المشار اليه :
ملاحظة 8 – يجوز عدم التصديق الإدارى على هذا النموذج ، بشرط حضور أسرة المؤمن عليه أو صاحب المعاش إلى المنطقة أو المكتب التأمينى المختص للتوقيع على النموذج أمام الموظف المختص وفى هذه الحالة يجب توقيع الموظف ومديره المباشر بما يفيد أن التوقيع تم أمامه ويعتمد النموذج من مدير المنطقة أو المكتب وتختم بخاتم شعار الجمهورية الخاص بالمنطقة أو المكتب التأمينى .

شكراً جداً لحضرتك
استفسار تاني لو سمحت
هل في الحاله دي انا محتاج إعلام وراثه؟

اعلام الوراثة غير مطلوب
نموذج 119 به جدول لبيان الورثة الشرعيين

شكراً جداً لحضرتك و لزوق حضرتك يا استاذ محمد
انا اسف لو هتقل على حضرتك في سؤال تاني
بخصوص منحه الوفاة.. هل شرط الحصول عليها يكون في إعلام وراثه؟ وهل شرط أن يكون نموذج 119 مستوفي البيانات و مختوم بختم النسر؟
وهل بتبقي 3 شهور مرتب ولا 3 شهور معاش؟
وفى حاله مفيش اسم محدد لأستحقاق منحه الوفاة في نموذج 105.. اللي ليه حق استلام المنحه بيبقي مستحق المعاش ولا الورثه اللي تم ذكر اسمهم في نموذج 119؟

وبخصوص مكافأة نهاية الخدمة ( مكافأة التأمينات) ممكن اعرف بيتم تقديرها ازاي؟ و بستلمها من الشركه ولا من التأمينات؟ و اقدر اعرف منين ان تقديرها مظبوط مفيش فيه خلل؟ وهل علشان استلمها مطلوب إعلام وراثه؟ وامتى بقدر استلمها.. هل بعد تسليم نموذج 119 مباشرة ولا بعد تسليم النموذج بمده محدده؟

للرفع......

نموذج 119 مش ضرورى يعتمد من اتنين موظفين وخاتم شعار الجمهورية ، حيث يجوز ان يقوم موظف المعاشات بالمكتب المختص بالتوقيع تم توقيع الورثة امامة ويعتمد من مدير المكتب ويختم بخاتم شعار الجمهورية الخاص بالمكتب ولكن يشترط حضور جميع الورثة فى المكتب للتوقيع

بخصوص منحه الوفاة.. هل شرط الحصول عليها يكون في إعلام وراثه؟
لا

وهل شرط أن يكون نموذج 119 مستوفي البيانات و مختوم بختم النسر؟
نعم - ختم النسر أو توقيعه أمام الموظف المختص

وهل بتبقي 3 شهور مرتب ولا 3 شهور معاش؟
أجر 3 شهور وأيام العمل في شهر الوفاة

وفى حاله مفيش اسم محدد لأستحقاق منحه الوفاة في نموذج 105.. اللي ليه حق استلام المنحه بيبقي مستحق المعاش ولا الورثه اللي تم ذكر اسمهم في نموذج 119؟
مطلوب بيان المستحقين في المعاش

وبخصوص مكافأة نهاية الخدمة ( مكافأة التأمينات) ممكن اعرف بيتم تقديرها ازاي؟
تحسب آليا

و بستلمها من الشركه ولا من التأمينات؟
من التأميات

و اقدر اعرف منين ان تقديرها مظبوط مفيش فيه خلل؟
تحسب آليا

وهل علشان استلمها مطلوب إعلام وراثه؟
لا

وامتى بقدر استلمها.. هل بعد تسليم نموذج 119 مباشرة ولا بعد تسليم النموذج بمده محدده؟
بعد تسليم النموذج وتبعا لظروف العمل بالتأمينات

الف الف شكر لحضرتك
جزاك الله خيرا يا استاذ محمد