سوأل ف المعاشات-تقدم بطلب لصرف المعاش باسمك الي الجهةالموجودبهاملف المعاش
 

عاوز اعرف لو انا باخد معاش عن والدي المتوفي واخويا هو الوصي عليه عشان كنت تحت سن ٢١ ودلوقتي عندي ٢٢ سنة عاوز احول المعاش باسمي ايه الإجراءات والاوراق وبياخد مدة اد ايه ف التأمينات والمعاش بيقف أمته وهل في منحة قطع معاش انا معايا مؤهل نهائي دبلوم انا اسف والله اسئله كتيرة بس مش عاوز اعمل حاجه غلط

الوصايةعلي المعاش ارجوالردا/محمد-تقدم بطلب لصرف المعاش باسمك الي الجهةالموجودبهاملف ا
 

استاذنا الجليل أ/محمد إجراءات رفع وصاية اخويا عن المعاش يعني انا مستحق للمعاش بعد والدي انا المستفيد الوحيد بس اخويا وصي وانا دلوقتي تميت السن القانوني ايه الإجراءات او الاوراق عشان اخلي المعاش باسمي (وبياخد وقت اد ايه) ف التأمينات عشان اقدر احول المعاش للبنك

ياريت حد يرد علي سؤالي عشان دورت ف المنتدي علي الموضوع ده مش لاقي رد ونزلته اكتر من مرة

بعد بلوغ القاصر سن الرشد 21 سنة ميلادية..

1- يمكنه تقديم طلب للنيابة الحسبية المختصة برفع الوصايا عنه لبلوغه سن الرشد.
2- تقديم صورة من قرار الوصاية.
3- صورة من إعلام الوراثة.
4- تقديم تحقيق شخصية القاصر.
5- شهادة ميلاد القاصر.
6- إحضار شهادة الوفاة .
** يتم بعدها صدور قرار من المحكمة الحسبية برفع الوصاية عنه
** يتقدم بقرار رفع الوصاية + صورة ضوئية منه إلى مكتب التأمينات المختص لتقديم طلب بصرف المعاش بصفته مستحق بنفسه
** يتم تعديل صفة القائم بالصرف من الشهر التالى لتقديم الطلب

تضمن مشروع اللائحة التنفيذية لقانون التأمينات الاجتماعية والمعاشات الصادر بالقانون رقم 148 لسنة 2019
مادة (242) :
تصرف المعاشات والمبالغ المستحقة للقصر إلى والدتهم دون حاجة إلى صدور قرار وصاية فإذا لم توجد فيتم الصرف إلى الولي الشرعي فإذا لم يوجد فتصرف إلى من يتقدم بقرار تعيينه وصياً.
ويستمر صرف معاشات القصر في حالة بلوغهم سن الرشد إلى من كان يصرف إليه المعاش ما لم يتقدم أحدهم بطلب لصرف المعاش بإسمه.


بناء علي ما تقدم
يمكنك التقدم بطلب الي الجهة الموجود بها ملف المعاش لصرف المعاش بإسمك