عرض علي القومسيون لضعف السمع ونتيجته--اجراءات اثبات عجز الابن عن الكسب
 

السلام عليكم
سياده المستشار
استاذن حضرتك في سؤال بخصوص العرض علي القومسيون الطبي لتقييم درجه العجز للتقديم علي معاش الوالد المتوفي.
انا عندي ضعف سمع بنسبه 65% ومعايا مقاييس سمع من 2010 ازداد فيها ضعف السمع من 35% عام 2010 الي 65% عام 2020
الوالد توفي 2019
انقطع المعاش تماما لان مفيش مستحق
هل لو قدمت علي طلب عرض علي القومسيون الطبي لتقدير حاله ضعف السمع لاستحقاق المعاش
راي حضرتك ايه هل هبقي مستحق ام لا بنسبه الضعف 65% نقص سمع
والتقارير بتوضح ان النسبه في تزايد وبدات من عمري 28 سنه وانا عمري دلوقت 38 ومركب سماعه ولا اعمل في الحكومه ولا القطاع الخاص
هل استحق معاش الوالد ام لا ؟
شكرا جزيلا

هذا الأمر اختصاص اللجنة الطبية بالتأمين الصحى

يتم تقديم طلب الي الجهة الموجود ملف معاش الوالد
مرفقا به المستندات المؤيدة لحالة العجز

يتم العرض علي اللجنة الطبية المختصة بالهيئة العامة للتامين الصحي
التي تتولي بحث ما اذا كان الابن عاجزا عن الكسب من عدمه
واصدار شهادة في حالة ثبوت العجز
نموذج رقم ( 177) قرار وزاري رقم (554) لسنة 2007
شهــــــــادة
ثبوت عجـــــز الإبن أو الأخ عن الكــــسب
الموجودة ضمن نماذج القرار الوزاري رقم 554 لسنة 2007
الموجود ضمن قرارات وزير التامينات
ضمن التشريعات بالموقع

شكرا جزيلا لحضرتك علي سرعه الرد والاستجابه
بالفعل ذهبت لمكتب التامين وعملت طلب عرض علي لجنه العجز
لكن ليهم اسبوع بيدوروا علي الملف مش لاقيينه وقالولي استني اسبوع تاني بيدوروا عليه
علشان يدوني الجواب اروح بيه التامين الصحي احجز كشف للعرض علي الكومسيون
لو حضرتك عندك نصيحه في الحاله دي اعمل ايه ؟

شكرا الحمد لله انهرده لقو الملف وهيعملوا الجواب
ربنا ييسر الامور