منتديات الصياد دوت نت - استفسارتأمينى-رسالةالهيئةبشأن عدم تعليق قبول استمارة1على انهاءالمدةالتأمينيةالسابقة

منتديات الصياد دوت نت (http://forum.elsayyad.net/index.php)

- مستشارك التأميني (http://forum.elsayyad.net/forumdisplay.php?f=8)

استفسارتأمينى-رسالةالهيئةبشأن عدم تعليق قبول استمارة1على انهاءالمدةالتأمينيةالسابقة

برجاء من سيادتكم إفادتنا في الحالة المعروضة...
موظف مؤمن عليه بشركة تتبع لمكتب تأمينات الهرم.. وتم ترك العمل وتم عمل س ٦ بتاريخ ١_١_٢٠٢٢ وتم توريدها للمكتب بتاريخ ٣١_٨_٢٠٢٢ ، وللاسف تم دخولها التفتيش نظرا لتوريدها بعد ٨ اشهر من تاريخ ترك الموظف للعمل... وحالياً الموظف بيشتكى من تعنت مكتب التأمينات معاه... لأنهم للاسف مش عايزين يسجلوا الاستمارة لحد النهاردة...وتم التواصل مع قسم التفتيش وتم عمل محضر اقوال وتم الافادة من خلال مذكرة التفتيش ان الشركه نقلت مقرها وللاسف لم يستدل على مقرها الجديد.. والمعلومات رافضين تسجيلها برغم مذكرة التفتيش...والمدير متعنت من منطلق ان صاحب المنشأة متهرب من سداد المديونيات وعرض الامر على الشئون القانونية علشان تبت في موضوع تسجيل س ٦ الخاصة بالموظف من عدمه... وفي الآخر لحد النهاردة الموظف هو إللى متضرر ومفيش أى جديد وفيه تعنت بدون أى مبرر...يا ريت لو فيه أى إجراء يتم اتخاذه مع المكتب لتسجيل س ٦ الخاصة بيه ..؟

ماذا انتهت اليه الشئون القانونية ؟
ما هو الضرر الواقع على الموظف حاليا؟

حضرتك للاسف الموظف محتاج انه يشتغل في شركة تانية... وللاسف الشركة رافضة تعيينه بسبب موقفه التأمينى وانه ما زال مؤمن عليه...وتعيينه متوقف على استخراج برنت بأنه غير مؤمن عليه... بالنسبة للشئون القانونية مفيش أى جديد...لم يتم البت في الطلب حتى اليوم..

راجع الرابط
http://forum.elsayyad.net/showthread.php?t=25202
بعنوان
رسالة الهيئة بشأن عدم تعليق قبول استمارة 1 على انهاء المدة التأمينية السابقة.

شكرا جزيلا لحضرتك...بس في مثل تلك الحالة...هل تظل س ١ معلقة بالمناقضات لحين تسجيل س ٦..ولا فيه اجراء تانى بيتم بحيث تتسجل وينزل ربط على تسجيلها...؟ وهل فيه أى إجراء بيتم في حال عدم استجابة مكتب تأمينات المنشأة الجديدة وعدم قبوله س ١ للموظف المتضرر ؟

اقرأ الرسالة جيدا بها كل التفاصيل الاجرائية

حضرتك المكتب التابع ليه المنشأة الجديدة رافض يقبل استمارة الموظف ورافض توريدها طول ما هو متعلق بقطاع ٣ فدلوقتى ايه الحل حضرتك لو حابب انى اخد إجراء مع مكتب تأمينات الهرم إللى رافض تسجيل س ٦ للموظف بحيث أنى اتجنب انه يفضل موقفه معلق بالشكل ده...؟

أولا : راجع مدير المكتب لتنفيذ تعليمات رئيس الهيئة الموضحة بالرسالة.
ثانيا : فى حالة عدم الاستجابة تقدم بشكوي الى ادارة خدمة المواطنين برئاسة الهيئة 3 ش الألفى -وسط البد - القاهرة.