|
الجمع بين معاش و مرتب - حدود الجمع بين المعاش والدخل من عمل
انا عندى استفسار بخصوص معاشى
انا باخد معاش اضافى عن والدى المتوفى لانى طلقت بعد وفاة والدى و من 10 شهور اشتغلت فى شركة قطاع خاص (3 شهور منهم تحت الإختبار) و باخد مرتب اعلى من قيمة المعاش لكن شغلى بدون تأمينات لأن الشركة اصلا جديدة و لم تستوفى اوراقها انا بلغت المسؤولة عن ملفى فى التأمينات و هى قالت انى مستحقة للمعاش طالما لا يوجد تأمين عليا من شغلى و بناء عليه معاشى سارى لكن أنا لا زلت فى ريبة من الأمر و أخاف انها غلطانة أرجو الرد السريع |
يشترط لاستحقاق البنت في المعاش ألا تكون متزوجة وفي حالة التحاقها بعمل بدخل صافي ( بعد خصم اشتراكات التأمين الاجتماعي والضرائب ) أكبر من أو يساوي نصيبها في المعاش يتم ايقاف نصيبها في المعاش واذا قل الدخل عن صافي نصيبها في المعاش يصرف لها من نصيبها الفرق علي أن يقدم لمكتب التأمينات الموجود به ملف المعاش بيان معتمد بالدخل الاجمالي وما يخصم منه من استقطاعات ( مفردات مرتب ) وعند زواج البنت يقطع نصيبها في المعاش وتستحق منحة زواج عن 12 شهر من نصيبها المستحق في المعاش في تاريخ الزواج سواء كان هذا النصيب موقوفا بالكامل أو يصرف جزء منه وفي تطبيق ما تقدم سواء كان العمل دائم أو مؤقت أو تحت الاختبار سواء كان تم الاشتراك في التأمينات الاجتماعية أو لم يتم |
انا بلغت شفاهيا بما إن الشركة ماعندهاش أوراق ثبوتية و كان الرد زى ما قلت سابقا إن المعاش سارى
دلوقتى لو أنا عايزة أبلغ تانى حيكو نالوضع ازاى؟ و هل يتم رد مبلغ المعاش عن الشهور اللى فاتت أثناء فترة العمل على دفعة واحدة أو ممكن تقسيطه؟ |
يتم الابلاغ بشكل رسمي
مع التوقف عن صرف المعاش ويمكن تقسيط ما صرف بدون وجه حق |
أنا متشكرة جدا لحضرتك على الإجابة الوافية و جزاكم الله كل خير
|
بارك الله فيكم
ونسأل الله تعالي حسن القبول |
| الساعة الآن 04:14 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd. Trans by