منحه الزواج-تحسب المنحة علي أساس النصيب المستحق في تاريخ الزواج
 

السلام عليكم
من فضلكم افيدونى انا باخد معاش عن والدى الله يرحمه حوالى 1700 جنيه الان بعد الزيادات السنويه . واريد معرفه كيف تحسب منحه الزواج ولا افهم الفرق بين المعاش المستحق والمعاش المنصرف ومتى تصرف المنحه اقصد التوقيت . وارجوا توضيح كم نسبه المنحه الخاصه بى لو تكرمت
شكرا جزيلا

تستحق البنت عند قطع معاشها بسبب الزواج
منحة زواج = نصيبها المستحق في المعاش في تاريخ الزواج عن 12 شهر حتي لو كان هذا النصيب لا يصرف جزئيا أو كليا بسبب التحاقها بعمل أو ممارسة مهنة
ويقطع المعاش من اول الشهر التالي للزواج

منحه الزواج
 

انا بعتذر لحضرك
اريد معرفه مقدار المنحه الخاصه بى ؟ وهل يوجد حد ادنى او اقصى مع العلم ان معاشى 1700 جنيه
من فضلك وضح لى مقدار المنحه حتى لا اتأمل على الفاضى
ولك جزيل الشكر

مساء الخير
 

هما ال1700 دول نصيبك من وقت وفاه والدك ؟ يعنى مفيش حد كان بيشاركك فى المعاش دا واصبح غير مستحق لاى سبب؟

نعم معاشى من والدى انا فقط الان من بعد وفاته انا فقط ليا الحق فيه . وصل الى 1700 جنيه بعد الزيادات الثانويه فاريد معرفه مقدار منحه زواجى لو تكرمت ومش فاهمه الفرق بين المعاش المنصرف والمستحق وما هو اسم معاشى مستحق ام منصرف؟ وسؤال اخير عندما اتقدم بطلب المنحه بياخد اد ايه لحد مستلم المنحه
اشكرك وجزالكى الله خير ا

معذرتا هذا المعاش فى الاساس معاش امى من ابى وبعد وفاتها انا الوحيده المستفيده من المعاش ونصيبى اصبح 450 وتزايد مع السنين حتى اصبح 1700 جنيه هل منحه زواجى تحسب على اى معاش 450 ولا 1700 واحسبها ازاى ؟
شكرا

مساء الخير
 

بصى اللى اعرفه ان المعاش المستحق دا هو اللى كان من حقك وقت الوفاه مباشره والمنصرف دا فى حاله ان كان مثلا بيشاركك حد فى المعاش ولتكن اختك مثلا واختك دى اتجوزت وطبعا وقتها معاشها هيروح منه جزء ليكى وقتها نصيبك فى المعاش والجزء اللى راح من اختك ليكى هيبقى دا المعاش المنصرف وعلى فكره موضوع الوقت دا بيختلف من مكان للتانى على حسب موظفين الدوله بتاعتنا ومدى استعجالك وسعيك ورا الموضوع دا بس غالبا مش بياخد وقت طويل وبالنسبه للمبلغ فغالبا هيكون اقل شويه كمان انتى ممكن تفضلى بعد ماتقدمى عقد الزواج بشهر تاخدى معاشك عادى وبالنسبه للمبلغ فغالبا هيبقى اقل شويه من 1700 *12 انا طبعا بقولك كدا لان اختى كانت فى نفس حالتك دى لكن طبعا الراى الاخير للمستشار الصياد فانتظرى رده عليكى لان بصراحه مجال التامينات مش مجالى

مساء الخير
 

اه ملحوظه للتوضيح المستحق دا هو المقصود بيه نصيبك الاصلى فى المعاش

منحه الزواج
 

يعنى هتحسب لى المنحه من اول معاش خادتوا من 11 سنه ده يبقى كده المنحه ملهاش اى قيمه ولا على اخر معاش وصلتله من فاضلك ساعدينى

مساء الخير
 

لا طبعا انتى فهمتى غلط يابنتى هتبقى المنحه نصيبك المستحق فى تاريخ القطع ( تاريخ القطع دا اللى هو وقت زواجك )
يعنى نصيبك المستحق من 11 سنه مع اضافه الزيادات السنويه ودا هيبقى مبلغ كبير وعموما زى ماقلتلك انتظرى الاجابه من سياده المستشار