|
سؤال لو سمحتم-استفسارات حول الاستحقاق بفي المعاش-متجمدالمعاش
السلام عليكم عندى سؤال لو سمحتم انا بنت واحدة بابا وماما اتوفوا من 9 سنين واخويا مهاجر بره وهانفصل خلال الشهر ده عندى شوية اسئلة اول حاجة شقة بابا ايجار قديم انا ليا حق اكون فيها مع العلم انى الشقة بيندفع ليها كل حاجة سواء كهربا او غاز ايجار الخ تانى حاجة المعاش من حقى وممكن يوصل مبلغ كام بابا كان مدير قسم فى شركة كبيرة تالت سؤال هو معاش الجد ممكن اجمعه مع معاش بابا رابع سؤال جد ماما ليه حق فى معاشه ولا لأ |
سؤال تانى لو اشتغلت ممكن ده يضيع عليا المعاش؟ |
بابا الله يرحمه كان بياخد من نقابة التطبيقين 300ج كل 3شهور انا ليه فيهم ولا لأ |
فيما يلي الاجابة علي الأسئلة بالترتيب اول حاجة شقة بابا ايجار قديم انا ليا حق اكون فيها مع العلم انى الشقة بيندفع ليها كل حاجة سواء كهربا او غاز ايجار الخ هذا الموضوع خارج اطار المنتديا ت ( تأمينات اجتماعية ) تانى حاجة المعاش من حقى وممكن يوصل مبلغ كام بابا كان مدير قسم فى شركة كبيرة اذا كنتي المستحقة الوحيدة يستحق لكي 2 / 3 معاش كل من الوالد والوالدة من أول الشهر التالي لتاريخ الطلاق تالت سؤال هو معاش الجد ممكن اجمعه مع معاش بابا ليس لكي الحق في معاش الجد رابع سؤال جد ماما ليه حق فى معاشه ولا لأ الجد ليس له الحق في المعاش سؤال تانى لو اشتغلت ممكن ده يضيع عليا المعاش؟ اذا كان الدخل الصافي من العمل ( بعد خصم اشتراكات التأمين الاجتماعي والضرائب ) أكبر من أو يساوي قيمة المعاش المستحق لكي يوقف صرف المعاش و اذا كان أقل يصرف لكي من المعاش الفرق بابا الله يرحمه كان بياخد من نقابة التطبيقين 300ج كل 3شهور انا ليه فيهم ولا لأ تراجع النقابة بهذا الشأن |
جزاك الله كل خير على رد حضرتك واسفة لو كنت سالت فى حاجة مش تبع المنتدى انا ما عنديش خبرة سؤال تانى لا ن فيه نقطة مش واضحة عندى نفترض حقى فى المعاش 700ج وانا باشتغل 400 هايكون ايه الوضع هايخصموا قد ايه؟ ثانيا ماما كانت ربة بيت ليها معاش؟؟؟ ثالثا هل موجود فعلا معاش للمطلقات؟ ولو اشتغلت هايكون ايه الوضع |
سؤال تانى لا ن فيه نقطة مش واضحة عندى نفترض حقى فى المعاش 700ج وانا باشتغل 400 هايكون ايه الوضع هايخصموا قد ايه؟
يصرف من المعاش 300 جنيه ثانيا ماما كانت ربة بيت ليها معاش؟؟؟ الأرملة تستحق في المعاش ثالثا هل موجود فعلا معاش للمطلقات؟ ولو اشتغلت هايكون ايه الوضع استحقاق البنت في المعاش يشترط ألا تكون متزوجة وفي العمل يطبق بشأنها ما تم الرد به سابقا في المداخلة 4 |
اولا جزاك الله كل خير للرد كان عندى استفسار وياريت حضرتك توضحه ليا هو يعنى ايه متجمد معاش؟ وعلى اى اساس يتم صرفه |
المتجمد عن الفترة
من تاريخ الاستحقاق حتي نهاية الشهر السابق لبداية صرف المعاش شهريا بمعني لو كان تاريخ استحقاق المعاش من يناير ويبدأ الصرف شهريا من ديسمبر يكون المتجمد عن الشهور من يناير حتي نوفمبر |
السلام عليكم سؤال لو سمحت دلوقتى انا اطلقت من يوم 1 مارس وكانت فيه مشكلة فى الا وراق والحمد لله انتهيت سؤالى بقى انا هيتحسب شهر مارس من المتجمد ولا لأ؟؟ تانى سؤال المحامى بيقول ان فيه مفردات معاش يعنى الكلمة دى؟؟ سؤال تالت بابا اما اتوفى وماما اتوفت وراه علطول احنا مش عملنا اى ورق ولا اخدنا اى حاجة من التامينات هو فيه مصاريف جنازة وحاجات بتطلع للمتوفى ؟ السؤال الرابع لو طلعى اى فلوس من التامينات انا بنت واحدة و ليا اخ واحد بس سنه 40 سنة ومهاجر هو له فى الفلوس دى ولا واسفة جدا على الا طالة |
دلوقتى انا اطلقت من يوم 1 مارس وكانت فيه مشكلة فى الا وراق والحمد لله انتهيت
سؤالى بقى انا هيتحسب شهر مارس من المتجمد ولا لأ؟؟ يستحق المعاش من اول الشهر التالي للطلاق تانى سؤال المحامى بيقول ان فيه مفردات معاش يعنى الكلمة دى؟؟ ما علاقة المحامي بموضوع المعاش وم سبب سؤاله ؟ سؤال تالت بابا اما اتوفى وماما اتوفت وراه علطول احنا مش عملنا اى ورق ولا اخدنا اى حاجة من التامينات هو فيه مصاريف جنازة وحاجات بتطلع للمتوفى ؟ تستحق نفقات جنازة شهرين ومنحة وفاة عن شهر الوفاة والشهرين التاليين بالاضافة الي توزيع المعاش علي المستحقين من أول شهر الوفاة السؤال الرابع لو طلعى اى فلوس من التامينات انا بنت واحدة و ليا اخ واحد بس سنه 40 سنة ومهاجر هو له فى الفلوس دى ولا لأ |
| الساعة الآن 09:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd. Trans by