سؤال عن المعاش و الظروف المرضيه-انتهاءاساحقاق الطالب-طلب إثبات العجزعن الكسب
 

لو سمحت استفسار ضروري
أنا تميت 26 سنه في شهر 9 و اكيد كده انقطع المعاش بس أنا لسة طالب في الجامعة وعندي ظروف صحيه ووالدتي كانت مفهماني ان هي بتاخد النص و أنا و اخويا النص,اخويا عنده 28 سنه
وانقطع معاشه من سنتين وقبض المكافأه لكن عرفت بعد كده ان الام بتاخد ال 1/6 دلوقتي أنا مش عارف من حقي اخد نصيبي في معاش والدي علشان عندي ظروف صحيه و ينفصل عن حق والدتي و اقبضه بنفسي لأن والدتي عايزه تقدم الشهادات المرضيه و تقبض المعاش كله عادي زي كل شهر و مابتدنيش فلوس من المعاش و أنا شبه عايش لوحدي و فيه مشاكل عائليه بسبب اخويا
المفروض أعمل ايه ولا المكافأة هي اللي من حقي فقط وشكرا و اسف علي الأزعاج

ماهو تاريخ ميلادك ؟
ماهو تاريخ بداية السنة الدراسية ؟

شكرا لحضرتك علي الرد

تاريخ ميلادي 4 سبتمبر 1987 و تاريخ بدء السنه الدراسيه مفروض 21/9

أنا كده مفروض أعمل ايه, اقدم الشهادات المرضيه ولا اخد المكافأه وخلاص

مطلوب بداية السنة الدراسية باليوم

ما هي حالتك الصحية
ومدي توافر الشهادات الطبية المؤيدة لها

تاريخ الدراسة : السبت 21 سبتمبر 2013

حالتي الصحيه : عندي مرض رئوي '' emphysema'' و ضمور في العضلات


أنا عندي شهادات مرضيه و كنت مقدمها للجامعة قبل كده بتواريخ مختلفه و قريبه علشان تأجيل الامتحانات

تاريخ انتهاء استحقاق المعاش للطالب بلوغه سن 26 سنة
ويستثني من ذلك حالة بلوغ السن خلال العام الدراسي
حيث ينتهي الاستحقاق بانتهاء العام الدراسي
وحيث بلغت السن قبل بدء العام الدراسي فلا تتمتع بهذا الاستثناء

وعليك التقدم بطلب إلي الجهة الموجود بها ملف المعاش
تطلب فيه عرضك علي اللجنة الطبية لتقرير ما إذا كنت عاجزا عن الكسب من عدمه
مرفقا به المستندات المؤيدة لحالتك المرضية

شكرا لحضرتك تعبتك معايه
نقطه اخيره واسف علي الازعاج
هل لو اللجنه الطبيه قررت انه من حقي صرف الجزء الخاص بيه في المعاش

هيكون مفصول عن معاش والدتي ولا أنا لازم اطلب ده

عليك في هذه الحالة
تقديم طلب لصرف معاشك بنفسك