منتديات الصياد دوت نت - استفسارعن قطع الابن والبنت في نفس الفترة من المعاش-النصيب المستحق والنصيب المنصرف

السلام عليكم

استاذى الفاضل محمد حامد الصياد
بداية انا معجب جدا بمجهودك ومتابعتك الدائمة للاسئلة والرد عليها اول باول رغم انة كمية الاستشارات كبيرة فكان الله فى عونك

انا عندى استفسار بخصوص منحة القطع للابن و الزواج للبنت ولكن مضطر اشرح بالتفصيل بعض الامور عشان الاجابة تكون سليمة باذن الله واطمن

انا و والدتى اخر مستحقين فى المعاش والدتى تصرف حوالى 1200 وانا نفس المبلغ 1200

فى شهر مارس الماضى انا اتممت 26 سنة واتفصلت من المعاش لبلوغ سن 26 عام ومازلت طالب
وتم صرف شيكات معاش شهر 4 - 5 - 6 حسب القانون بانة يصرف لة المعاش حتى انتهاء السنة الدراسية

بعد استلام شهر 6 قمت بعمل اجرات منحة القطع بتاريخ 2 / 6 / 2014
القانون بيقول تقدر منحة القطع حسب اخر معاش مستحق بمقدار سنة يعنى لو نقول 1200 مضروبة فى 12 شهر الناتج حوالى 14 الف جنية

الجزء الثاني

اختى موظفة بتاريخ 2011 وتم قطعها من المعاش بذلك التاريخ للاشتغال
وقد تزوجت فى 8 / 6 / 2014

وتقدمت ببالمستندات الى المعاشات لصرف منحة الزواج الخاصة بها
عمر البنت حاليا 28 سنة

----------------------------------------------------------------------

اللى فات دة كلة وصف

هنا تكمن المشكلة
فى اخر زيارة لى لمكتب التامينات لاستلام شيكات منحة القطع للابن ومنحة الزواج للبنت

وجدت ان قيمة المنحة لكل من البنت و الولد هى 1200 مضروبة فى 12 ومقسمة على الفردين
بمعنى البنت قيمة منحتها حوالى 7 الاف و الابن نفس المبلغ ايضا

وعندما استعلمت من الموظف قال انة منحة البنت خصمت من نصيبي لانها تزوجت فى نفس موعد خروجى انا من المعاش

فهل الكلام دة مظبوط او غلط
ولو فى غلط فعلا فى الموضوع اتوجة لمين وازاى اثبت حقي واسترد باقي المبلغ المستحق لى
علما بانة لم يتم استلام الشيكات حتى الان

ارجو ان يكون الرد بسيط وبكلمات واضحة واسف على الاطالة