منتديات الصياد دوت نت - الشركةنصبت علياارجوحل سريعا-يتم تقديم شكوي الي مكتب التامينات الاجتماعية المختص

منتديات الصياد دوت نت (http://forum.elsayyad.net/index.php)

- مستشارك التأميني (http://forum.elsayyad.net/forumdisplay.php?f=8)

الشركةنصبت علياارجوحل سريعا-يتم تقديم شكوي الي مكتب التامينات الاجتماعية المختص

انا كنت بشتغل فى شركة لمدة 3 سنيين فى مصر وكنت مقدم اوراقى وكل حاجة للشركة والمفروض انهم كانوا مأمنيين عليا دلوقتى وانا فى مأمورية للشركة فى المنصورة رجعت من السفر لاقيت الشركة سابت المقر وقفلت ومدونيش مرتبى ولا اى حاجة اتصلت ببعض الناس قالولى انها قفلت والشركة عليها ديون للتأمينات والضرائب وصاحبها عليه احكام قضائية وهربان وعليه فلوس كتير روحت سألت فى التأمينات اكتشفت انه مكنش مأمن عليا قعدت بعد اتصالات كتيرة انى اخد جزء من مرتب شهر 6 ومعاى وصل بده وشهر سبعة مأخدتوش بعد ما عملت مشاكل كتير مع موظف فى الشركة قدرت اخد شهادة خبرة للعمل فى الشركة ومعايا الفيزا اللى كنت بقبض بيها وهو اللى عملوهالى بس

انا كده مش متأمن عليا ايه العمل ارجو الرد سريعا علشان انا يهمنى موضوع التأمينات ده اصلى مكنتش واخد خوانة ومعايا كارنية للشركة وشهادة الخبرة والفيزا اللى الشركة هى فتحتهالى وده متهيألى اثبات انى كنت شغال فى الشركة ده غير ان المديريين اللى كانوا شغالين معايا فى الشركة متعاطفيين معايا ومتأمن عليهم وممكن يشهدوا معايا فى الفترة المذكورة ارجوكم عاوز حل لمشكلة عدم التأمين عليا
سنيين العمل دى راحت عليا كده من غير تأمين ولا يوجد حل لها ؟
ارجو الرد سريعا واسف للازعاج
مع العلم انى عملت محضر فى القسم وعملت شكوى فى مكتب العمل

يتم تقديم شكوي الي مكتب التامينات الاجتماعية المختص
مرفقا بها المستندات المؤيدة لمدة عملك بالشركة
لاتخاذ الاجراءات اللازمة للتامين عليك

اقتباس:

المشاركة الأصلية كتبت بواسطة الصياد (المشاركة 24527)

انا روحت النهاردة التأمينات فحولونى للتفتيش روحت للموظف للأسف اتعامل معايا بكل برود وقالى الشركة انت بتقول انها قفلت انا اعملك ايه وانت صابر من 3 سنيين ليه
انت كده اتضحك عليك ومفيش اى حاجة تقدر تعملها رديت عليه قولتلوا انا مكنتش اعرف ان انا مش متأمن عليا قالى وعرفت ازاى قولتلوا لما روحت شغل جديد قالولى هات الرقم التأمينى لما روحت اكتشفت المصيبة
ولا عبرنى وكأنه كان فرحان فيا
وكمان اللى اكتشفتوا من زملاء سابوا الشركة من سنة انهم رفعوا قضية على الشركة وكان لما موظف التأمينات بيجى الشركة بتديلى فلوس علشان ينفض الكلام ده عرفتوا النهاردة بس بعد ما سالت ناس من اللى مشيت من سنة

ايه الحل ؟؟ واسف على الازعاج

يتم تقديم شكوي يتم تسليمها للوارد بالمكتب
أو ارسالها بالبريد المسجل بعلم الوصول

ثم بعد اسبوع
يراجع مدير المكتب المختص

اقتباس:

المشاركة الأصلية كتبت بواسطة الصياد (المشاركة 24601)

يعنى ايه مش فاهم اقدم شكوى للتأمينات ازاى ولا اعمل ايه ولمين بالضبط ولو خطاب مسجل بعلم الوصول لمين والعنوان ايه
معلش انا عارف انى تاعب حضرتك ارجو التوضيح بالتفصيل الخطوات اللى اعملها ؟
وكنت عاوز اعرف فى امل انى انضم للتأمينات ولا اللى بعملوا ده تضيع وقت
شكرا لاهتمام حضرتك

لا جديد يمكن اضافته الي ماسبق

يمكنك الاتصال علي المحمول الموضح أدناه