|
استفساربشأن مشكلتى-لتأمين بأثررجعى-التقدم الي التأمينات بالمستندات التي تؤيدمدةالعمل
لو سمحت كنت عاوز اعرف ان كنت حضرتك بتقبل قضايا ولا لأ
قضيتى هى ( انا كنت بشتغل فى شركة لمدة 3 سنيين فى مصر وكنت مقدم اوراقى وكل حاجة للشركة والمفروض انهم كانوا مأمنيين عليا دلوقتى وانا فى مأمورية للشركة فى المنصورة رجعت من السفر لاقيت الشركة سابت المقر وقفلت ومدونيش مرتبى ولا اى حاجة اتصلت ببعض الناس قالولى انها قفلت والشركة عليها ديون للتأمينات والضرائب وصاحبها عليه احكام قضائية وهربان وعليه فلوس كتير روحت سألت فى التأمينات اكتشفت انه مكنش مأمن عليا قعدت بعد اتصالات كتيرة انى اخد جزء من مرتب شهر 6 ومعاى وصل بده وشهر سبعة مأخدتوش بعد ما عملت مشاكل كتير مع موظف فى الشركة قدرت اخد شهادة خبرة للعمل فى الشركة ومعايا الفيزا اللى كنت بقبض بيها وهو اللى عملوهالى بس انا كده مش متأمن عليا اانا معايا كارنية للشركة وشهادة الخبرة والفيزا اللى الشركة هى فتحتهالى وده متهيألى اثبات انى كنت شغال فى الشركة ده غير ان المديريين اللى كانوا شغالين معايا فى الشركة متعاطفيين معايا ومتأمن عليهم وممكن يشهدوا معايا فى الفترة المذكورة وعرفت من بعض الاشخاص انه بيحاول يتصالح مع التأمينات اليومين دول مع العلم انى عملت محضر فى القسم وعملت شكوى فى مكتب العمل واخدت جلستين لم يحضر فيهم وعرفت انه كان بيدفع فلوس لموظف التفتيش علشان ميحجزش عليه ولما روحت اشتكى فى التأمينات رد عليا الموظف بتاع التفتيش بكل برود وبيقولى ملكش اى حاجة السؤال هل يوجد امل فى موضوع التأمينات ده يعنى ممكن نوصل لحل انه يأمن عليا الفترة اللى راحت ولا راحت عليا وخلاص ارجو الرد بالتفصيل بالله عليك ؟؟؟؟؟؟؟؟؟؟؟؟ ولو حضرتك بتقبل القضايا دى ارجو معرفة الأتعاب ضرورى علشان اشوف امكانيتى تسمح ولا لأ ؟؟ اسف على الازعاج وشكرا لحضرتك |
ارجو الرد للاهمية ولكم جزيل الشكر
|
ارجو الرد سريعا علشان انا رايح مكتب العمل اخد رقم الجلسة
|
منتظر الرد
|
راجع الرابط
http://www.elsayyad.net/forum/showth...1+%D1%CC%DA%ED وعنوانه تأمين باثر رجعي-التأمين بأثررجعى-التقدم الي التأمينات بالمستندات التي تؤيد مدة العمل |
بالنسبة لقبول حضرتك القضايا
هل حضرتك بتقبل قضايا مثل قضيتى ؟؟ وما هى الاتعاب ؟؟ اسف على الازعاج وارجو الرد ضرورى |
؟؟؟؟؟؟؟؟؟؟؟؟؟؟؟؟؟؟؟؟؟
|
هذا الموقع
وهذه المنتديات الهدف منهما ما تضمنته الصفحة الأولي للموقع بسم الله الرحمن الرحيم "وَقُلْ رَبِّ زِدْنِي عِلْمًا " صدق الله العظيم (الآية 114 سورة طه ) الي جميع المهتمين بنظام التأمين الاجتماعي : أتشرف بأن أقدم علي هذا الموقع مجموعة من المعلومات المتعلقة بنظام التأمين الاجتماعي ساهمت في اعدادها بالاشتراك مع مجموعة كبيرة من الزملاء الأفاضل وذلك مساهمة في نشر الوعي التأميني. والله الموفق والهادي الي سواء السبيل مستشار التأمين الإجتماعي محمد حامد الصياد 1/5/2008 ولا نقبل قضايا ولا نقبل اتعاب |
جزاك الله خيرا
|
بارك الله فيكم
ونسأل الله عز وجل حسن القبول |
| الساعة الآن 10:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd. Trans by