لوسمحتوا محتاج مساعدةبخصوص معاش الوالد-قطع معاش الابن الحاصل علي مؤهل متوسط-منحةالقطع
 

قمت بعمل اجراءات مد المعاش لسن 24 لاني لا اعمل وليس لدي مصدر دخل
ما هي هذه الاجراءات ؟

الحقيقة يا فندم
 

الحقيقة يا فندم انا مش فاكر الاجراءات بالظبط اللي عملتها لما اتقطع المعاش اول مرة بس في سن 21
كل اللي فاكره
اني ذهبت لمصلحة التامينات و المعاشات وقمت بملئ ورقتين و ختمتهم من المدير و سلمتهم للموظف

وبعدين جالي شيك بالمبلغ اللي اتقطع صرفته من البنك مع العلم ان المبلغ المقطوع كان مبلغ صغير
و بعد كدة استمر المعاش لشهر 11 / 2014

ومن شهر 12 / 2014 اتقطع نصف المعاش . فكنت عايز اعرف هل في امكانية اني اعمل اي اجراء تاني
لمد المعاش حتي سن 26 لاني لا اعمل وليس لدي دخل الا معاش والدي

ماهي حالتك التعليمية مطلوب بيانات تفصيلية
ما هو تاريخ ميلادك
هل ما زلت بالدراسة
هل حاصل علي مؤهل

بياناتي
 

ما هو تاريخ ميلادك -- تاريخ ميلادي 11/11/1990
هل ما زلت بالدراسة -- لا ادرس حاليا
هل حاصل علي مؤهل -- حاصل علي دبلوم صنايع سنة 2009

مؤهل متوسط
 

هل حاصل علي مؤهل -- حاصل علي دبلوم صنايع سنة 2009
أنت حصلت على مؤهل متوسط وبالتالى فالحد الاقصى لاستمرار المعاش حتى سن ال 24 سنه
.................................................. ........
1- شروط استحقاق الأبناء (1) :
يشترط لاستحقاق الابن معاشا عن أبيه أو أمه أن تكون سنه فى تاريخ وفاة أيهما اقل من 21 سنة ، ويستثنى من هذا الشرط الحالات الآتية:
أ- العاجز عن الكسب ، ويقصد بالعجز عن الكسب فى حكم قانون التأمين الاجتماعى الشخص المصاب بعجز يحول كلية بينه وبين العمل أو ينقص قدرته على العمل بواقع 50% على الأقل وأن يكون هذا العجز ناشئا بالميلاد أو نتيجة حادث أو مرض يصاب به الشخص قبل سن الستين (2)
ويقدم للهيئة التأمينية السند المثبت لحالة العجز ويجب أن تدعم هذه المستندات بقرار من الهيئة العامة للتامين الصحى ،وهذا القرار يقتصر على وجود حالة العجز فقط دون تعرضه لتحديد تاريخ العجز(3)
ب- الطالب بأحد مراحل التعليم التى لا تجاوز مرحلة الحصول على الليسانس أو البكالوريوس أو ما يعادلها متى توافرت فى شأنه الشروط الآتية :
(1) أن يكون متفرغا للدراسة ، أى لا يعمل بعمل تابع أو يمارس مهنه ، سواء كان منتظما بدور التعليم أو غير منتسب لأى منها وثبت تفرغه للدراسة وتقدمه للامتحان
(2) ألا يكون قد بلغ سن السادسة والعشرين
ج- من حصل على مؤهل نهائى لا يجاوز مرحلة الليسانس أو البكالوريوس متى توافرت فى شأنه الشروط الآتية :
(1) ألا يكون الأبن قد التحق بعمل تابع فى أى جهة : حكومية ، قطاع عام ، قطاع خاص – داخل البلاد أو خارجها ، أو لم يزاول مهنه
(2) ألا يكون قد بلغ سن السادسة والعشرين بالنسبة للحاصلين على المؤهل الليسانس أو البكالوريوس وسن الرابعة والعشرين بالنسبة للحاصلين على المؤهلات الأقل ، والمقصود بالمؤهل النهائى المؤهل الذى تعتمده الدولة للالتحاق بأحد أجهزتها

المداخلة 6
بارك الله فيكم


المداخلة 1 و 3 و 5
باعتبارك حاصل علي مؤهل متوسط ولم تعمل
يقطع معاشك من اول الشهر التالي لبلوغك 24 سنة

عليك التقدم بطلب للجهة الموجود بها ملف معاش الوالد
لصرف منحة القطع المستحقة لك وهي = نصيبك في المعاش عن 12 شهر
وتعديل نصيب والدتك في المعاش الي 3 / 4 المعاش بدلا من النصف

استفسار اخير
 

انا كدة فهمت بس معلش يا فندم استفسار اخير

المعاش في اخر شهر قبل القطع كان 850ج و بعد القطع اصبح 429ج
يعني تم قطع نصيبي و يعتبر النصف تقريبا لان مفيش اخوات معي في المعاش

السؤال : يعني كدة المنحة اللي هأخدها هتكون نصف ال 850ج في 12 شهر
و هيتم تعديل نصيب الوالدة من نصف الـ 850 إلي 3/4 الـ 850ج ده اللي هيحصل ولا ليها حسابات تانية
علشان ابقي عارف اللي هيتم بالضبط

نعم...................

أشكرك جزيل الشكر يا سيادة المستشار
 

أشكرك جزيل الشكر يا سيادة المستشار
معلش عارف اني صدعتك و تعبتك معايا كتير . ربنا يعوض تعبك خير