هل للارملةحق في معاش الاب-المعاش دون المساس- قواعدالجمع بين المعاش عن الوالدوعن الزوج
 

نعم لكى الحق فى معاش والدك ولكن دة هيتحدد بناء على نصيبك فى معاش والدك وعلى حسب مين اللى موجود حاليآ فى معاش والدك ودة اللى هيحدد واذا كان نصيبك فى معاش والدك أكبر من نصيبك عن معاش زوجك مش هتاخدى واذا كان نصيبك فى معاش والدك أصغر من معاش زوجك هتاخدى ما يكمل قيمه المعاش الأكبر اللى هو معاش الزوج وبرضوا اللى هيحدد مين اللى موجود فى معاش والدك حاليآ فلو مفيش حد موجود فى المعاش خالص هتاخدى 2/3 معاش والدك يعنى هيكون نصيبك حوالى 733 جنيه وانتى بتاخدى معاش عن زوجك 560 جنيه يبقى انتى كدا هتاخدى معاش عن الكل 560+173(ما يكمل )= 733 المعاش الكلى

بما ان ليكى أم وأخ فى المعاش فمعنى ذلك ان المعاش بيصرف كامل 1/2 لوالدتك و1/2 لأخوكى ولما حضرتك تدخلى مع اخوكى ال1/2 بتاعه هينقسم بينك وبينه يعنى انتى هتاخدى 1/4 وهو هياخد 1/4 أما بعد عمر طويل ان شاء الله وربنا يعطى لوالدتك طول العمر والصحه ويتفضل انتى واخوكى بس فى المعاش فالمعاش هيتوزع بينكم بالتساوى

تصحيح المداخلة 2
واذا كان نصيبك فى معاش والدك أكبر من نصيبك عن معاش زوجك مش هتاخدى
التصحيح : واذا كان نصيبك فى معاش والدك أكبر من نصيبك عن معاش زوجك تستحقي من معاش والدك الفرق بين نصيبك في هذا المعاش ونصيبك في معاش زوجك

واذا كان نصيبك فى معاش والدك أصغر من معاش زوجك هتاخدى ما يكمل قيمه المعاش الأكبر اللى هو معاش الزوج
التصحيح : واذا كان نصيبك فى معاش والدك أصغر من معاش زوجك لا تستحقي في معاش الوالد


تصحيح المداخلة 4
ولما حضرتك تدخلى مع اخوكى ال1/2 بتاعه هينقسم بينك وبينه يعنى انتى هتاخدى 1/4 وهو هياخد 1/4
التصحيح : نظرا لترملك بعد وفاة والدك يحدد لكي نصيب في المعاش بافتراض استحقاقك في تاريخ وفاة والدك دون المساس بمعاش والدتك واخوكي يستمر استحقاق كل منهما نصف المعاش
وبالتالي يكون نصيبك في هذه الحالة ربع معاش الوالد ونظرا لأن هذا النصيب يقل عن نصيبك في معاش زوجك فانكي لا تستحقي في معاش الوالد

أما بعد عمر طويل ان شاء الله وربنا يعطى لوالدتك طول العمر والصحه ويتفضل انتى واخوكى بس فى المعاش فالمعاش هيتوزع بينكم بالتساوى

التصحيح : طالما لم تستحقي في معاش الوالد في تاريخ وفاة زوجك فانه لا يكون لكي الحق في معاشه حتي بعد وفاة الوالدة