|
اغثنى يا سيادة المستشار_أهمية الاشتراك في التأمينات الاجتماعية
انا شاب مواليد 1979 واعمل صنايعى فى ورشه قطاع خاص
ومكنتش اعرف حاجة عن التامينات ولا فوايدها الا بعد فوات الاوان اشتغلت فى ورش كتير بس محدش فيهم امن عليا ولا مره ولا ليا رقم تامينى اصلا وعاوز اشترك فى التامينات فى الوقت الحالى 26/7/2015 هل ليها فايده دلوقتى ولا خلاص القطر فاتنى صاحب الورشة اللى انا شغال معاه حاليا وافق انه يضمنى للتامينات بس انا متردد لانه مبيدفعش الاشتراكات باستمرار وعلى طول متعثر وكل شويه تيجى جوابات من التامينات اننا لازم نروح ندفع وهو مطنش وبيخصم من العمال قيمة الاشتراك بس مبيدفعش يا ريت حضرتك تنصحنى ولو ينفع ادفع انا الاشتراك بنفسى لنفسى ولا لازم صاحب المنشاه هو اللى يروح يدفع للعمال مجمعه يعنى انا قصدى ادفع لنفسى عشان اتاكد ان الاشتراك بيتسدد وكنت عاوز اعرف افضل شريحة اشتراك لظروفى دى تبقى كام انا راتبى 2000 جنيه فى الشهر اسف على الطاله |
مكنتش اعرف حاجة عن التامينات ولا فوايدها الا بعد فوات الاوان
لم يفت الأوان هل ليها فايده دلوقتى نعم صاحب الورشة اللى انا شغال معاه حاليا وافق انه يضمنى للتامينات ممتاز - ويتم شراء المدة السابقة علي بداية الاشتراك وذلك بالتقسيط حتي سن الستين انا متردد لانه مبيدفعش الاشتراكات باستمرار وعلى طول متعثر دي موش مسئوليتك - المهم يؤمن عليك ولا لازم صاحب المنشاه هو اللى يروح يدفع للعمال مجمعه يجب ان يتم التأمين بواسطة صاحب العمل عاوز اعرف افضل شريحة اشتراك لظروفى دى تبقى كام أجرك الحقيقي انا راتبى 2000 جنيه فى الشهر يتم التأمين عليه كله أساسي ومتغير |
ربنا يجعله فى ميزان حسناتك
انا عاجز عن الشكر
كتر خيرك وربنا يبارك ليك فى كل شئ تحبه |
بارك الله فيكم
ونسأل الله عز وجل حسن القبول |
| الساعة الآن 01:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd. Trans by