|
انا مطلقه وعندي استفسار عن معاش ابويا-المعاش دون المساس-الردوالأيلولة
السلام عليكم ورحمه الله وبركاته لو سمحتم من فضلكم انا مطلقه من تلات سنين تقريبا وكنت عيشه مع ابويا وامي والدي مات من سنه والمعاش اتقسم عليا انا وامي بالتساوي قيمه المعاش كله كانت 3300 امي ماتت الشهر الفات وقبل ما تموت بكام يوم اختي اطلقت علي الورق فقط عشان تقدم علي المعاش وراحت عشان تقدم قالولها تعالي بعد العده ما تخلص سؤالي لو سمحتم هو انا مش هيتردلي نسبه من معاش ال كانت بتاخده امي انا عندي تلات اطفال وابويا وامي هما ال كانو متكفلين بينا وكمان انا ال صرفت علي جنازه امي وخرجتها ليه مش من حقي مصاريف الجنازه رجاء الرد للاهميه جزاكم الله خيرا |
سؤل تاني لو سمحتم
هل كدا اختي هتاخود نسبه ماما الله يرحمها كامله وله جزء منها بس وهل لو اختي مش كانت اطلقت كنت انا هيترديلي باقي معاش ابويا كله وله جزء منه |
بفرض ان المعاش 3300 يكون نصيبك في المعاش (النصف +الثمن =1650+412.5=2062.5 )
الابنه المطلقه اخيرا تستحق (الربع +الثمن = 825+412.5 =1237.5 وهذه هي النتائج بعد تطبيق قواعد الاستنزال والرد |
سؤال اخير من فضلك
طيب انا اروح اقدم من دلؤتي وله استنا لمه عديت اختي المطلقه حديثا تنتهي وشكرا جدا للاهتمام ورد حضرتك |
عليكم التقدم بشهادة الوفاه للمنطقه او مكتب التأمينات وكذا يتم تقديم اقرار بعدم الاشتغال
وكذا اشهاد الطلاق طالما كان بائن بينونه صغري واقرارات بعدم الاشتغال واستيفاء نموذج الاستحقاق بعد الوفاه والموجود بذات الجهه ودون اي رسوم |
أولا : يتم تقديم طلب الي الجهة الموجود بها ملف معاش الوالد
مرفقا بها شهادة وفاة الأرملة ثانيا : يتم بعد قطع معاش الأرملة تعديل نصيبك في المعاش ليصبح 2 / 3 المعاش بدلا من النصف ثالثا : لا تستحق نفقات جنازة لوفاة الأرملة نفقات الجنازة تستحق فقط في حالة وفاة صاحب المعاش وليس المستحق عنه رابعا : عند تقدم شقيقتك بوثيقة طلاقها للجهة الموجود بها ملف المعاش وحيث طلاقها قبل وفاة الوالدة - يكون توزيع المعاش وفقا لما تضمنته المداخلة 3 |
جزاكم الله خيرا
ربنا يبارك ف حضرتكم ويجزيكم عنا كل خير انا روحت التأمينات وسئلت والموظف هناك قالي اني مش من حقي اي نسبه من نصيب امي الله يرحمها وان اختي بس ال تقدم انا احترت ياريت لو في حد يعرف محامي يخلصلي الاوراق دي ويقدملي وانا احاسبه عشان انا مش عرفه اعمل ايه ومعايا ولاد صغيرين انا من اسكندريه تبع تأمينات الدخيله ربنا يبارك فيكم |
للرفع جزاكم الله خيرا |
عليكي مراجعة مدير المكتب
التوزيع الصحيح للمعاش بعد وفاة والدتك هو ما تضمنته المداخلة 3 لطلاق اختك قبل وفاة الوالدة وما تضمنه البند رابعا من المداخلة 6 |
جزاكم الله كل خير انا روحت تاني وقالولي نسبتي هتنذل بعد العيد واختي قالولها تيجي تقدم كمان تلات شهور العده |
| الساعة الآن 10:10 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd. Trans by