توفى والدى ونحن بنت وولدان ووالدتنا-توزيع المكافاةوالتعويض في حالةاساحقاقهمالوفاةالمؤ
 

السلام عليكم ورحمه الله وبركاته

استاذنا الفاضلة/

بعد اذنك عندى سؤال
توفى والدى ونحن بنت وولدان ووالدتنا
وكان موظفا لفتره 27 سنه. ولم يطلع على المعاش
انا متزوجه واخى الكبير عنده 27 سنه واخى الصغير قاصر 17 سنه
لما جينا ناخد مكافأه نهايه الخدمه قالوا ان انا واخى الكبير ملناش فيها فقط امى واخى القاصر واخذت امى شيك ب 10000 واخى مثلها تقريبا
وجالى شيك ب1000 واخى الكبير 2000
سؤالى بقا
هل احنا فعلا ملناش ف المكافأه عشان انا تزوجت واخى الكبير تجاوز السن يعنى مش قاصر ؟؟

وهل ال20000 دى مكافأه ابى بعد كل السنين دى ؟؟

ولو ملناش فى المكافأه الفلوس اللى جاتنا دى بتاعت ايه لانى مش فاهمه حاجه

نرجوا الافاده وجزاكم الله خيرااا...

هل احنا فعلا ملناش ف المكافأه عشان انا تزوجت واخى الكبير تجاوز السن يعنى مش قاصر ؟؟
نعم - تستحق المكافأة للمستحقين في المعاش فقط وهم الأرملة والابن القاصر

وهل ال20000 دى مكافأه ابى بعد كل السنين دى ؟؟
يتم تحديد المكافأة شهر عن كل سنة من مدة الاشتراك في الأجر الأساسي - وعاء الحساب متوسط الأجر الشهري الأساسي الأخير خلال السنتين الأحيرتين - ويتم حسابها بواسطة الحساسب الالي

ولو ملناش فى المكافأه الفلوس اللى جاتنا دى بتاعت ايه لانى مش فاهمه حاجه
هذا نصيبكم في التعويض الاضافي الذي يتم توزيعه علي الورثة الشرعيين - في حالتكم الثمن للأرملة والباقي للأولاد للذكر ضعف نصيب الأنثي

جزاك الله خيرا واثابك الفردوس الاعلى


معلش استفسار تانى
انا جايلى مع الشيك ورقه من التأمين الاجتماعى عليها ختم وكاتبين جواه بخط الايد رقم+شيك

سألت احد على هذا الرقم قالولى ده مبلغ بتاع التأمينات المفروض بصرفه من التأمينات والمعاشات فهل الكلام ده صحيح ولا الرقم ده ايه ؟؟
وهل لازم اصرف الشيك من نفس الفرع اللى مكتوب ولا ممكن من اى فرع تابع للبنك ؟؟
م
واسفه جدا عالاطاله. ربى يجعله ف ميزان حسناتك

ورقه من التأمين الاجتماعى عليها ختم وكاتبين جواه بخط الايد رقم+شيك
تمثل اخطار ببيانات الشيك

وهل لازم اصرف الشيك من نفس الفرع اللى مكتوب ولا ممكن من اى فرع تابع للبنك ؟؟
يراجع فرع البنك المكتوب علي الشيك

جزاگ الله خیرا..

بارك الله فيكم
ونسأل الله عز وجل حسن القبول