اللي حصل انى اخدت اجازة بدون اجر في ٢٥ ديسمبر ٢٠١٣ من شركة قطاع اعمال تخضع لقانون ١٢ لسنة ٢٠٠٣

قدمت فى شركة قطاع خاص و قبلت و مضيت عقد محدد المدة و جبتلهم ورقة من الجهة قطاع الاعمال بتقول اني موظف دائم و بإجازة بدون اجر و مؤمن عليا و اسدد الاشتراكات بنفسى

الشركة الخاصة اخدت الورقة و حطيتها في ملفى و مامنتش عليا
بيتخصم مني ضرايب بس و انا بالنسبالي مكنش فيها مشكلة

في ١٨ اكتوبر ٢٠١٨ قدمت علي وظيفة اعلي في الشركة الخاصة و اترقيت

فى نوفمبر ٢٠١٩ الشركة تم بيعها لشركة اخرى و طلب من جميع العاملين التوقيع علي عقود جديدة بتتضمن مدة خدمتهم كاملة باثر رجعي من بداية العقد الاول

طول الفترة دى و لحد من شهر تقريبا يوم ٩ يوليو مكنتش مضيت اى تجديدات و العقد بيجدد تلقائى

مضونى تجديد يوم ٩ يوليو ٢٠٢٥ بعد ما بعتو ميل بيقول صراحة لو مش هتمضى التجديد يعتبر العقد منتهى بمدته اللي هي في شهر اكتوبر و ده حصل مع كل الشركة

مضيت و كانو كاتبين في التجديد تاريخ بداية و نهاية و التجديد بيشير للعقد الموقع فى ٢٠١٣ و بيشير لنفس طبيعة العقد

و بنفس الوقت كنت مقدم علي وظيفة اعلي واتقبلت

بعدها باسبوع يوم ١٣ يوليو ٢٠٢٥ لقيت ايميل من شئون العاملين بيقول ان مكتب التامينات و الضرايب عاملين معاهم مشكلة علي وضعى و لازم امضى عقد استشارى باثر رجعي و استقالة من العقد اللي مضيته معانا في ٢٠١٩ و لما تستقيل من الشركة اللي مامنة عليك احنا نمضى معاك عقد جديد و نسجلك في التامينات

الاستفسارات:
هل فعلا وضعى غير قانونى ؟
هل الشركة الخاصة عليها مخالفة او ضرر او عقوبة او غرامات؟
هل حل الموقف اني استقيل من الشركة قطاع الاعمال و الشركة الخاصة تامن عليا بالعقد السارى حاليا ولا لازم توقيع عقد جديد من الاول بتاريخ التسجيل في التامينات ؟



و من ٢٠٢٠ تم قطع الاجازة بدون اجر من الشركة القطاع اعمال و انا حاليا اشغل الوظيفتين بعلم الشركتين و تأميناتي مسددة بالكامل طوال هذه المدة و مفعله حتي الان تحت الشركة القطاع اعمال

للاسف ليس لدى صورة من عقد الاستشارات لاني ممضيتش .. انا بسال قبل ما اخد اى اجراء او اوقع علي اى مستند