مستشارنا الغالي / محمد بك الصياد
السلام عليكم


اليوم كنت في مكتب التأمينات بسأل عن الحد الأدنى للأجر الأساسي ( علشان صندوق إعانات الطوارئ ) لقيت موظفين المكتب بيقولولي الحد الأدنى الحالي 280جنيه

طبعاً استغربت جدا لأني عارف إن الحد الأدنى للأجر الأساسي من أول يناير 2020 هو 267.50 جنيه و زيادة الحد الادنى للأجر الأساسي بتبقى دايما في اول شهر 7 من كل عام ( 7% ) و لو حسبناها ( 267.50 ) + ( 267.5 * 7% ) = 286.22 جنيه

يعني لا قربنا لأقرب 10 جنيهات كما نص القانون القديم و لا حسبوها صح

سؤالي : من أين أتت ال 280 جنيه دي ؟؟


و هل في بداية يناير 2021 هيتم زيادة الحد الأدنى للأجر الأساسي مرة أخرى أم ماذا ؟؟ و هل سيتم احتساب الزيادة 7% على الأجر الأساسي لكل موظف أو عامل مر عليه عام ميلادي على الحاسب من يناير 2020 حتى اخر ديسمبر 2020 ؟؟ أم أن الزيادة سيتم إحتسابها 15% على أجر الإشتراك فقط ؟؟ و لن يتم تغيير الأجور الأساسية إلا لمن هو دون الحد الأدنى اللي هي ال 280 جنيه اللي كنت بسأل عليها و اللي أزيد منها لن يتغير أجره الأساسي على الحاسب ؟؟



و بالنسبة لـ س1 التي تقدم للمكتب و لو الشركة لم تكتب أو تحدد فيها الأجر الأساسي و كتبت أجر الاشتراك فقط هل موظف المكتب يقوم بكتابة الأجر الأساسي على الحاسب على الحد الأدنى و خلاص ( سد خانة يعني ) أم يتركه فارغا على الحاسب ؟؟


و لو عندي عامل بكتب له في س1 الآن أجر الاشتراك 1000 جنيه ( على الحد الأدنى يعني ) هل أكتب الأجر الأساسي 267.5 جنيه ؟؟ و لا 270 جنيه ( تقريب لأقرب 10 جنيهات ) ؟؟ ولا 280 جنيه زي ما قالولي في مكتب التأمينات ( الحد الأدنى الحالي زي ما قالو ) ؟؟؟




أرجو الرد