والدى كان موظف بجهه حكوميه وكانت ولادتى بتاخد المعاش لاخويا لانه قاصر وامى اتوفت فعملت قرار وصايه على اخويا ونزل المعاش باسمى وباخده بقالى فتره ودلوقتى فى شهر 6 الجاى هيبلغ ويتم سن21 سنه و نظرا لظروف المعيشه ساب المدرسه فى اخر سنه فى الدبلوم يعنى طلع من اخر سنه فى الدبلوم وماختش الشهاده وفضل 3 سنين مايروحش المدرسه وحاولت لحد ما قدمتله ورق وقدمتله السنه الاخيره دى فى الدبلوم منازل وتم قبول الطلب بحيث ياخد شهاده الدبلوم واقدمها للمعاشات علشان يمده المعاش لسن 24 لانه حصل على دبلوم بس للاسف هو هيتم 21سنه فى شهر 6 وحضراتكم عارفين ان الشهاده بتظهر فى شهر 7 فانا عاوز اعرف الخطوات الى اعملها واقدمها للمعاشات واعرفهم ان اخويا فى اخر سنه فى الدبلوم وهياخد الشهاده ان شاء الله فى شهر 7 بحيث المعاش ما يقعطش فى شهر 6 لانه هيكون بلغ سن21 سنه ومقدمش شهاده الدبلوم نظرا لتاخره فى المده الى ساب المدرسه فيها وزى ما قلت لحضراتكم انى قدمتله السنه الاخيره دى بس الشهاده هتطلع فى شهر7 يعنى بعد مايوصل سن21 ب شهر ..فلو سمحتوا عاوز اعرف الخطوات الى اعملها واعرفهم ان اخويا لسه فى اخر سنه فى الدبلوم ومايقطعوش المعاش فى شهر6