توفي والدي وهو علي سن المعاش ٦٨ سنة ووالدتي هيا المستحقة الوحيدة للمعاش.
والد الارملة(جدي لامي) له معاش ولا يصرف الآن لوفاة جدتي ولا يوجد مستحقين للمعاش
الآن وبعد وفاة والدي اصبحت امي أرملة
فهل تستحق من معاش والدها الفارق بين المعاشين وهل ينطبق هذا عليها

وما هيا الاوراق المطلوبة مع العلم ان انا لسه مقدم لها اوراق ومستندات للحصول علي معاش زوجها وقالي هتبتدي تاخد معاش من أول الشهر والمتاخر هتاخده اخر الاسبوع بشيك
وسألت موظف صغير في الين علي موضوع فرق المعاشين قالي لا ملهاش بس مقتنعتش بالرد فقولت اسألكم اهل الخبرة
جزاكم الله خيراااا

هل تستحق من معاش والدها الفارق بين المعاشين
نعم

ما هيا الاوراق المطلوبة
تقديم طلب بالجهة الموجود به ملف معاش والدها + بيان بقيمة معاشها عن زوجها

اولا شكرا علي ردك وجزاك الله خير
والدي كان بيقبض معاشين واحد من التربية والتعليم ١٥٠٠ والثاني ٢٢٠٠ من القوات المسلحة بدل إصابة حرب اكتوبر٧٣
هل سيحتسب المعاشين في احتساب الفارق مع معاش والدها ام ماذا
السؤال الثاني في التأمينات العسكرية قالولي ان والدك كان المفروض يبلغنا انه طلع علي المعاش علشان نخصم منه واحنا كدة هنخصم الربع من المعاش اللي هتاخدة والدتك لانكم عليكم مديونيةيعني من عشر سنين من وقت ما بابا طلع علي المعاش
طيب ازاي يخصمهامنا وهما مطلبوش ولا احنا نعرف والمفروض كانوا يبعتولنا لانهم عندهم البيانات بتاعت والدي
هل يوجد تظلم علي المديونية دي او اي شيء قانوني يشيلها او يقللها

التأمينات العسكرية قالولي ان والدك كان المفروض يبلغنا انه طلع علي المعاش علشان نخصم منه واحنا كدة هنخصم الربع من المعاش اللي هتاخدة والدتك لانكم عليكم مديونيةيعني من عشر سنين من وقت ما بابا طلع علي المعاش
ما علمته من القوات المسلحة صحيح

هل يوجد تظلم علي المديونية دي او اي شيء قانوني يشيلها او يقللها
لا

والدي كان بيقبض معاشين واحد من التربية والتعليم ١٥٠٠ والثاني ٢٢٠٠ من القوات المسلحة بدل إصابة حرب اكتوبر٧٣
هل سيحتسب المعاشين في احتساب الفارق مع معاش والدها ام ماذا

وهل سيتم ضم المعاشين وخصم الربع من مجموع الاثنين ام ان والدتي غير مستحقة للمعاش العسكري مع العلم ان الموظف قال لي ان الملف سيذهب إلي التأمينات

الإجابة علي أسئلتك تتوقف علي نتيجة ضم المعاشين
عليك المتابعة مع الجهات المختصة