صباح الخير سياده المستشار سؤال انا حاليا سيبت شغلى وبلا عمل ورجعت لمعاش والدى هل لو اشتغلت شغل من غير تأمين برضه يتشال المعاش زى الشغل فى سنتر دروس خصوصيه مثلا ولا هيتم محاسبتى ازاى لان المعاش مبلغ كبير اكيد اكبر من السنتر وايه الاجراءات السليمه اللى اعملها عشان معملش مشاكل مع التامينات لو حد بلغ عنى مثلا

السائل الكريم استاذنا الفاضل العالم محمد بك الصياد حياكما الله كل عام وانتم بخير
السؤال هو هل لو اشتغلت شغل من غير تأمين برضه يتشال المعاش زى الشغل فى سنتر دروس خصوصيه مثلا ولا هيتم محاسبتى ازاى لان المعاش مبلغ كبير اكيد اكبر من السنتر وايه الاجراءات السليمه
باحتصار شديد اي عمل يتم الالتحاق به سواء تم التامين عليكم فيه ام لم يتم سوف يتم تطبيق حدود الجمع حتي وان تم الالتحاق بعمل خارج البلاد سوف يتم تطبيق حدود الجمع علي صافي الدخل منه
والاجراء السليم انه يتم الإبلاغ عن أن اي عمل سواء مؤمن فيه او غير مؤمن وتقديم خطاب معتمد من الجهة بتاريخ الالتحاق وصافي ألاجر المنصرف بجميع عناصره كاملة لاتكون عرضه للمساءلة في ظل العقوبات المشدده المنصوص عليها في قانون التأمينات الاجتماعية الجديد

محمود احمد أسيوط mahmoud48

طب حضرتك دا سنتر غير مرخص هيبقى ازاى اجيب منه خطاب معتمد .؟ غير كده انا سبقلى السفر من سنين طويله لمده ٨ شهور سفر للعمل بالخارج وكان المعاش وقف نتيجه عدم الصرف ولما رحت هناك لما رجعت من سفرى هما ادولى المعاش والموظف قالى مدام دفعت تامينات من شغلى خلاص يبقى من حقى المعاش كده ابقى خدت فلوس مش من حقى ولا ايه وهل لو قولتلهم تانى حاليا هياخدوا الفلوس دى نفسها ولا بفوايد وغرامات مع ان الغلطه غلطتهم لانى رحتلهم وسالونى عدم الصرف ليه قولت كنت مسافره للعمل ومع كده ادهولى

يجب مراعاة أحكام القانون
وخطأ الموظف لا يبرر مخالفة القانون

راجعى الرابط
http://forum.elsayyad.net/showthread.php?t=25355
وعنوانه
منشور عام الهيئة 3 لسنة 2022 القواعد المتعين اتباعها فى استرداد المبالغ المنصرفة بدون وجه حق

[QUOTE=الصياد;78294]يجب مراعاة أحكام القانون
وخطأ الموظف لا يبرر مخالفة القانون

راجعى الرابط
http://forum.elsayyad.net/showthread.php?t=25355
وعنوانه
منشور عام الهيئة 3 لسنة 2022 القواعد المتعين اتباعها فى استرداد المبالغ المنصرفة بدون وجه حق[/QUOTE

شكرا جدا لحضرتك بس مش مكتوب هيحصلوها بفوايد ولا لا او انا اللى مفهمتش مش عارفه بالاضافه لانى معرفتش ازاى هجيب جواب من السنتر وهو غير مرخص وهل هيعترف بيه ولا ايه كمان سؤال اخير هما هيحاسبونى على طول مده العقد وانا بره مصر لانه كان سنه ولا على تواجدى فى البلد لانى سافرت بس ٨ شهور

مش مكتوب هيحصلوها بفوايد ولا لا
راجعى المنشور صفحة 4 بند 5

ازاى هجيب جواب من السنتر وهو غير مرخص وهل هيعترف بيه
بلغى التامينات بجهة عملك للتفتيش عليها واتخاذ الاجراءات القانونية اللازمة

ولا على تواجدى فى البلد لانى سافرت بس 8 شهور
مدة تواجدك بالخارج

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم