والدى توفى بتاريخ 19/9/2014 وكان يتقاضى معاش 1370 جنيها وترك أمى الأرملة متقاعدة وتأخد معاش 800 جنيها وأنا ( الإبنة ) وثلاث إخوات ذكور وأعمارهم ( 32 /30/28 ) الكبير يعمل موظف حكومى و الوسط عنده تاكسى ويعمل عليه والصغير يعمل بشركة خاصة والابنة محامية جدول عامل من تاريخ 27/5/2012 ولم يتم تعديل القيد إبتدائى حتى الان فهل تستحق المعاش أم لاء و ما هو نصيبها ونصيب والدتها ومستحقات المعاش الأخرى ؟؟؟؟ أرجو الإفادة ولكم جزيل الشكر

أين كان يعمل الوالد
بالحكومة أم القطاع العام ام الخاص

حضرتك هو كان موظف بأحد المصانع الحربية موظف حكومى قطاع عام .. حضرتك فى التأمينات يقولولى أنى عشان محامية حرة أستحق المعاش لمدة خمس سنوات فقط من تاريخ قيدى فى النقابة وبعد قضاء الخمس سنوات لا أستحق المعاش ويجب علي تقديم شهادة من النقابة العامة للمحامين للتأمينات والمعاشات بتفيد مرور خمس سنوات على قيدى وإلا سيكون عليا مديونية فهل الكلام ده صحيح ؟
أرجو إفادة حضرتك

كمان حضرتك طلبوا منى تقديم شهادة تفيد تاريخ قيدى بنقابة المحامين .. وقالولى ان فيه دخل عمل 150 جنيها مصريا وده هيتم خصمة من قيمة المعاش اللى أستحقة كأبنة عشان أنا محامية حرة فهل فعلا لهم الحق فى خصم ال 150 جنيها مصريا ؟ أرجو إفادة حضرتك وتقبل منى جزيل الشكر وكل تقدير

يستحق المعاش في هذه الحالة
للأرملة النصف
وللبنت النصف
وتجمع البنت بين نصيبها في المعاش ودخلها من مهنة المحاماة بدون حدود لمدة 5 سنوات من تاريخ مزاولة المهنة ( تاريخ القيد في النقابة )
وبعد مضي 5 سنوات يكون الجمع في حدود 100 جنيه فقط وبالتالي يتم ايقاق نصيبها في المعاش
ويتم تعديل نصيب الأرملة المنصرف الي 3 / 4 المعاش


منحة الوفاة عن الشهرين التاليين للوفاة
ونفقات الجنازة معاش شهرين
تستحق للأرملة

اشكر حضرتك شكرا جزيلا أستاذى .. جزاك الله كل خير وعطاك الصحةو العافية .. تقبل مرورى وتحيتى

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
صدق الله العظيم
من الأية (43) من سورة الأعراف

بارك الله فيكم
ونسأل الله عز وجل حسن القبول