السلام عليكم
انا انسه اعمل مدرسة بوزاره التربيه والتعليم وكنت اتقاضى معاش عن والدى ووالدتى ولكن بعد تثبيتى بالوزاره تم قطع جزء كبير من المعاش يوازى مااتقاضاه من عملى وكل عام اتقدم للتامينات بمفردات راتبى والاجور المتغيره انا حاليا عاوزه استقيل بعد ١٣ عام عمل لظروف صحية فهل سيتم استرجاع المعاش المقطوع مره اخرى وهل الافضل الاستقاله حاليا ولا الانتظار للعام القادم لانى سمعت بتغيير القوانيين وبالنسبه لعملى فى التربيه والتعليم هل لو استقلت هيكونلى اى مستحقات او معاش حتى لو بسيط وهل هاخده ولا لا شكرا لكم مقدما

سؤال اخر هل انا ليا انى اقدم معاش مبكر ؟ والافضل هو ولا الاستقاله

استقيل بعد ظ،ظ£ عام عمل لظروف صحية
تقدمي بطلب الي جهة عملك مرفقا بها الشهادات الطبية لعرضك علي اللجنة الطبية لتقرير ما اذا كانت لديكي حالة عجز

هل انا ليا انى اقدم معاش مبكر ؟
مدة اشتراكك لا تؤهلك لاستحقاق معاش مبكر

اولا انا متشكره لحضرتك على الرد انا معنديش حاله عجز الحمد لله انا بعانى من امراض مختلفه لو تم اهمالها هتادى لمشاكل كتير اكبر وتعبت معدتش قادره استحمل متطلبات العمل وبقيت بصرف الراتب ادويه ودكاتره احيانا فى بعض الشهور ومش عاوزه حاجه من عملى ومش عاوزه استمر فيه عاوزه استقيل لانى عارفه انى مش هاخد حاجه وحتى لو وصلت للمعاش هاخد معاش مش هيكفى اى حاجه لان معاشات التربيه والتعليم حاجه بسيطة انا يهمنى اعرف هل معاش والدى اللى اتشال جزء كبير منه مقابل مرتبى بعد استقالتى من وزاره التربيه والتعليم يرجعلى ولا لا لانه طبعا بديل راتبى وهعيش منه لحد لما اقدر اشوف هعمل ايه بعدين ؟ وهل لو عرفت اسافر للعمل بالخارج يتشال المعاش ولا لا ؟ وهل فيه سن معين للبنت وبعدها يتقطع المعاش زى الشباب ولا لا

مرتبى بعد استقالتى من وزاره التربيه والتعليم يرجعلى
نعم

لو عرفت اسافر للعمل بالخارج يتشال المعاش
نعم

هل فيه سن معين للبنت وبعدها يتقطع المعاش زى الشباب
لأ

تمام شكرا لحضرتك انا كنت عاوزه اتاكد اهم شىء بس ان معاش والدى يرجعى بعد استقالتى

طب معلهش بالنسبه للسفر للعمل بالخارج انا كنت سافرت قبل كده سنه تعاقد خارجى وانا بشتغل فى الحكومه هنا بمصر ومشالوش فرق المعاش اللى باخده على الرغم ان راتبى بره كان اكبر من الراتب والمعاش يبقى ليه لو رجعلى المعاش بعد استقالتى يشيلوه لو جالى سفر بره المره دى ايه الفرق

لأنك لم تخطري الجهة الموجود بها ملف معاش والدك بعملك في الخارج خلال فترة الأجازة
وعليكي المسارعة بتصحيح وضعك لدي هذه الجهة حتي لا تتعرضي للعقوبات المقررة بالقانون

كمان ايه العقوبات المقرره بالقانون