مساء الخير، ومعلش ع الاطالة مقدما
دلوقتي انا والدي ووالدتي اتوفوا من ٦ سنين، وكان ليا عنهم معاش هم الاتنين بحكم كونهم كانوا موظفين حكومة واني البنت الوحيدة اللي لسه متجوزتش وطالبة لسه..
اتخرجت في ٢٠١٩ اللي فات وعملت ترخيص مزاولة مهنة صيدلة زي بقية زمايلي، بس لظروف خاصة فضلت معظم الوقت من غير شغل منزلتش، ولا اتأمن عليا في اي حتة
رحت بالصدفة من فترة اسأل على حاجة في التأمينات فالموظفة من كلامي عرفت اني متخرجة ومطلعة ترخيص مزاولة وقالتلي انتي ازاي لسه بتاخدي معاش لغاية دلوقتي وانتي مرخصة، قلتلها عادي عشان مبتشغلش ولا متجوزة.. قالتلي مفيش الكلام ده طالما معاكي ترخيص متستحقيش معاش الوالد ولا الوالدة..
وقتها اتصدمت ومصدقتهاش بصراحة وقلت اكيد قصدها على حاجة تانية ازاي يقطعوا عني معاش ابويا وامي وده مصدر دخلي الوحيد!
فيه ناس تانية قالتلي إن قانون عدم استحقاق المعاش في حالة مزاولة مهنة بيكون فقط بعد مرور خمس اعوام..
بس حاليا عايزة أتأكد عشان لو كده اعرف هيكون عليا غرامة الفترة اللي كنت بصرفه فيها وانا مطلعة الترخيص ولا الاجراءات ساعتها هتكون ايه؟ هي قالتلي ممكن يرفعوا عليكي مطالبة

ما تاريخ ترخيص مزاولة مهنة الصيدلة؟

لظروف خاصة فضلت معظم الوقت من غير شغل منزلتش، ولا اتأمن عليا في اي حتة
معنى ذلك أنكى اشتغلت بالترخيص بعض الوقت

تضمن مشروع اللائحة التنفيذية لقانون التأمينات الاجتماعية والمعاشات الصادر بالقانون رقم 148 لسنة 2019
مادة (223) :
يراعى بشأن حدود الجمع بين المعاش والدخل من المهنة ما يلي:
1- يقصد بالدخل من المهنة الدخل الذي يحصل عليه المستحق نتيجة لعمله لحساب نفسه بمهنة منظمة بقوانين أو لوائح سواء كانت المهنة تجارية أو غير تجارية ولا يعتبر من قبيل هذا الدخل، الدخل الناتج من الممتلكات.
2- يجمع المستحق بين الدخل من مهنة وبين نصيبه في المعاش لمدة خمس سنوات متصلة أو متقطعة من تاريخ مزاولة المهنة ولمرة واحدة فقط.
3- بعد مضى خمس سنوات من مزاولة المهنة يتم الجمع بين المعاش والدخل في حدود الحد الأدنى للمعاش المقرر بالفقرة الأخيرة من المادة (24) من القانون، وإذا كان الدخل من المهنة أكبر من الحد الأدنى للمعاش يتم إيقاف المعاش، ويتم التعامل على أساس الدخل الصافي الخاضع للضريبة أو الدخل الخاضع لإشتراكات التأمين الاجتماعي أيهما أكبر.
4- لا يشترط لتطبيق أحكام مراعاة حدود الجمع بين المعاش والدخل من مهنة التأمين على المستحق وفقًا لأحكام القانون.

مادة (224) :
يراعى بشأن حدود الجمع بين المعاش والدخل من المهنة لحالات قيد المستحقين بالنقابات المهنية ما يلي:
أولاً:- النقابات التي أنشأت جدولاً لغير المشتغلين:
1- يعتبر القيد في جداول المشتغلين مزاولة للمهنة اعتبارًا من تاريخ القيد.
2- يعتبر القيد في جدول غير المشتغلين ترك لمزاولة المهنة اعتبارًا من تاريخ القيد.
ثانياً:- النقابات التي لم تنشئ جدولاً لغير المشتغلين:
يعتبر القيد في جداول النقابة مزاولة للمهنة اعتبارًا من تاريخ القيد، ويقبل اثبات العكس بتقديم المستندات الدالة على عدم مزاولة المهنة كعدم وجود ملف ضريبى.
كما يعتبر انتهاء العضوية بالنقابة انتهاء لمزاولة المهنة.
ثالثا:- لا تدخل مدة التمرين أو التدريب الإجباري ضمن مدة مزاولة المهنة بالنسبة لجميع النقابات.

متشكرة لحضرتك جدا

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم

راجع الرابط
http://forum.elsayyad.net/showthread.php?t=27065
وعنوانه
هل الشخص عضوبنقابةمهنيةيحول دون صرف معاش العجز؟-حدود الجمع بين المعاش والدخل من مهنة