مساء الخير انا بابا توفى وبناخد انا وماما معاش بابا
لكن جدو والد ماما كان بيعمل فى شركه الملاحه وبياخد معاش فماما راحت سألت قالوا لها ان لازم يكون موجود معاها رقمه التأمينى وجدو توفى من زمان منعرفش طريق رقمه التأمينى ده فين هل يمكن اننا نعرف طريقه نجيب به رقمه التأمينى مع العلم انه بيشتغل فى الشركه المصريه للملاحه البحريه بالاسكندريه وكان بياخد معاش وبيدفع التامينات لكن هو مات سنه 1979
لكم جزيل الشكر

ملحوظه جدتى كانت بتاخد معاشه وتوفت سنه 1988

يمكن الحصول على شهادة ميلاد للجد المتوفى من إدارة المحفوظات بالقلعة إذ لم يكن له شهادة ميلاد متوافرة ، وبعد الحصول على شهادة الميلاد يتم تسجيل بيانات شهادة الميلاد فى هيئة التأمينات 3 شارع الألفى ـ القاهرة ـ لأستخراج الرقم التأمينى

مطلوب البيانات الآتية عن الجد :
الاسم بالكامل رباعي
تاريخ ميلاده
محافظة الميلاد
مركز أو قسم شرطة محل الميلاد
اسم والدته رباعي
تاريخ وفاته
العنوان الذي كان يقيم به متضمنا قسم الشرطة والمحافظة
اسم الوكيل الذي كان يصرف له المعاش ان وجد


مطلوب البيانات الآتية عن الجدة :
الاسم بالكامل رباعي
تاريخ ميلادها
محافظة الميلاد
مركز أو قسم شرطة محل الميلاد
اسم والدتها رباعي
تاريخ وفاتها
العنوان الذي كانت يقيم به متضمنا قسم الشرطة والمحافظة
اسم الوكيل الذي كان يصرف لها المعاش ان وجد

ميرسى جدااا لردكم
جدو اصلا كان قاعد فى الا سكندريه بأقامه لانه اصلا سودانى وكان مش عنده شهاده ميلاد كان متسنن
مافيش اى شهادات ميلاد معانا خالص

حاول مراجعة كل من
الشركه المصريه للملاحه البحريه بالاسكندريه

ومكتب قطاع عام الاسكندرية

لعلهم يمكنهم مساعدتك في هذا الشأن

نشكر استاذنا الاستاذ الصياد و نسأل الله ان يجزيه خيرا على هذا المنتدى الرائع
و نرجو من السائل بموافاتنا بجميع البينات المتوفره عن الجد و الجده على الخط الساخن 16217
مع ترك رقم التليفون للاتصال بالسائل فى حاله الوصول الى رقم المعاش ان شاء الله

شكرا على الرد وانا هنتصل ان شاء الله واسيب بيانات جدو وان شاء الله خير يارب

المداخلة 7
شكرا لتعاونكم

• • السلام عليكم ورحمه الله وبركاته
  • انا اتصلت بالرقم الخاص المكتوب فى الاعلى ومش موجود فى الخدمه
  • دلوقتى سؤال انا جبت الرقم التامينى لجدو من الملف الخاص له وجبت الرقم التامينى
  • المشكله دلوقتى ان فى تامينات كشفوا عليه فى الكمبيوتر ومش متسجل عندهم طلع اسم شخص تانى غير جدو
  • ف قالوا ده مش موجود يبقى ماكنش بياخد معاش وهو اصلا ده رقمه فى الورق الخاص به فى الشركه
  • الحل ايه دلوقتى وشكرا لكم