الموضوع بأختصار انا بشتغل في الصيانة في شركة اسكندرية للكربون تبع شركه تانيه نظام توريد عماله يوجد عقد سنوي بيتجدد كل سنه وتأمينات اجتماعيه ونظام تأمين صحي
بس المرتب اللي في العقد أقل كتير من المرتب الفعلي
المهم
من حوالي شهر حصلي أصابه عمل وانا شغال داخل الموقع
كنت شغال في مُعدهْ وحصل كسر مفاجئ في جزء منها ووقع على رجلي
وحصلي شرخ في مفصل الكاحل وتمزق في الأربطة
وتم نقلي لأقرب مستشفى وتم عمل تحقيق بالموقع واثبته انه حادث قضاء وقدر
وفي الموقع اللي بشتغل فيه قالولي مرتبك شغال لغايه لما تنزل الشغل ومصروفاتك على الشركه وده نفس كلام الشركه اللي ماضي معاها العقد
وقالولي متقلقش بس متعملش محضر
ودلوقتي بعد ما فكيت الجبس وبعمل علاج طبيعي بعد مرور أكثر من شهر على الحادث
قالولي اجازتك على حسابك ومصروفاتك علاجك كمان التأمين الصحي بيتحمل ٨٠٪ والباقي على حسابي

أرجوكم حد يفيدني علشان مش عارف أعمل ايه

يتم عمل محضر شرطة بالاصابة يتضمن أقوال الشهود وصاحب العمل
يتم التقدم بشكوى الي كل من مكتب العمل ومكتب التأمينات الاجتماعية التابع لهما الشركة التى وقعت فيها الاصابة