السلام عليكم
توفي والدي من سنه وكان بيصرف معاش من الحكومه ١٧٠٠
ومعاش من الجيش ٢٢٠٠ وقالوا ان في جزء متشال الاخت التالته بعد كدا قالوا لا مفيش
وانا و اختين صرفنا المستحقات كلها
والمعاش انقسم بالنص بينا انا واختي الصغير اللي مبنتغلش
من شهر ١١ معاش الحكومه وقف ورحنا نسال قالوا هينضم للجيش وعليكوا مديونيه ٦٩ الف محدش فهمنا ليه ولا ازاي
وفالجيش قالوا عادي هينضموا ويتصرفوا سوا
بس علي اول السنه
وبالفعل اول السنه رحنا تسحب المعاش بتاع الجيش لقيناه مخصوم منه ٦٠٠ جنيه بحجه انها مديونيه المعاش الحكومي وان في حاجات المستحق المعاش بيصرفها وهو عايش بتتشال منه لما يتوفي ( امال كانوا بيصرفولنا ازاي)
ولما سالنا عن معاش الحكومه فين قالوا منعرفش
السؤال لو حد يفيدني ف اللي حصل
وهل لينا الحق فالمعاش الحكومه ولا سنين عمر والدي فالحكومه راحت بلاش ومعاشه ضاع كدا
وهل بالنسبه لمنحه الزواج هل هناخدها ولا راحت علينا وهل الاخت التالته ليها نصيب ولا لا
ارجو الافادة بشكل هااااااام

مطلوب بيانات تفصيلية بالتواريخ
عن مدة خدمته ىالقوات المسلحة وتاريخ وسبب استحقاقه المعاش
وعن مدة خدمته بالحكومة وتاريخ وسبب استحقاقه المعاش
وتاريخ الميلاد
وتاريخ الوفاة

هو كان فالجيش فالحرب ٧٣ وحصلته اصابه وخرج من الخدمه بسبب الاصابه اثناء فتره تادية الخدمة واخد معاش من ساعتها
واتعين فالحكومه ١/٦/٧٤ وخرج معاش ١٥/٩/٢٠١٢ لبلوغ ال ٦٠
تاريخ الميلاد ١٥/٩/٥٢
تاريخ لوفاه ١/٥ /٢٠١٧

كان من المفترض ان يطبق بشأنه منشور وزارة التأمينات رقم 5 لسنة 2013 منذ بلوغه سن الستين
ويصرف معاش واحد من القوات المسلحة يحدد علي أساس معاشه عن المدة المدنية والمعاش العسكري


راجع الرابط
http://www.elsayyad.net/legislationd...86%D8%A7%D8%AA
وعنوانه
منشورات وزير التأمينات
المنشور رقم 5 لسنة 2013 بشأن المعاملة التأمينية لأصحاب المعاشات العسكرية العائدين لعمل يخضعهم لمجال تطبيق أحد قوانين التأمين الإجتماعى

وبالتالي يراجع كل من الصندوق الحكومي والمعاشات العسكرية
لمعرفة تفاصيل تحديد المبالغ التي تم صرفها بدون وجه حق