بسم الله الرحمن الرحيم
الاستاذ : محمود الصياد تحيه طيبه وبعد
احب ان اعرب لكى عن كامل سعادتى بهذا المنتدى .. وجزاك الله خير عن هذا المجهود
والله الف شكر
لى طلب عند سيادتكم
انا اطلعت على مذكرات سيادتكم الخاصه بقوانين التامنيات والمعاشات وكيفه حساب المعاش
بس عايز من سيادك النصح
انا مهندس زراعى . وكنت شغال فى شركه زراعيه ومؤمن على وبعدين قدمت استقالتى وسفرت للخارج ورجعت مصر من كام سنه وكنت مستنى التعين الحكومى بس مفيش فايده . وكنت خلال الفتره ديه شغال حر . وفكرت انى لازم اشتغل قانونى علشان التامنيات تمام هاعمل مشروع شركه للتقاوى الزراعيه والمخصبات والانتاج الحيوانى .
انا محتار معاش صاحب العمل غير العامل .. العامل افضل على ما اعتقد . وفكرت اعمل الشركه باسم حد غيرى وانا اقوم بالاداره . وأمن على نفس عامل . بصراحه مش عارف
علشان كده ارجوا من سيادك النصيحه ..
لو أمنت على نفسى عامل . اعمل ايه احسن شريح ايه .. والاجر الاساسى يكون كام .. والمتغير كام واى حاجه المفروض اعملها علشان معش يكون كويس .
ولو امنت على نفسى صاحب عمل بردو اعمل ايه .. وعايز اعرف صاحب عمل ولا عامل احسن
انا ذكرت لحضرتك انى كنت مؤمن على قبل كده .. ديه بياناتى
تاريخ الميلاد : 22/11/1976
قانو ن/ قطاع : 3 - 79/75 للعاملين بلقطاع الخاص
تاريخ بدايه الاشتراك : 1/1/2004
تاريخ تقديم الاستقاله : 16/11/2006
اول اجر اساسى 175 جنيه بتاريخ 1/1/2004
187.5 جنيه تاريخ 1/1/2005
200.3 جنيه تاريخ 1/1/2006 اخر اجر اساسى
وعلى ما اعتقد مفيش اجر متغير مش عارف
ارجو الافاده والنصح وجزاكم الله خيرا
والف شكر

فيما يلي معلومات عن كل من
قانون التامين الاجتماعي
الصادر بالقانون رقم 79 لسنة 1975
وقانون التأمين الاجتماعي علي أصحاب الأعمال ومن في حكمهم
الصادر بالقانون رقم 108 لسنة 1976
حاليا ( مارس 2013 )

القانون الأول
يتضمن :
تأمين الشيخوخة والعجز والوفاة
تأمين اصابات العمل
تأمين المرض
تأمين البطالة

بلوغ سن التقاعد 60 سنة

الحد الأقصي لأجر الاشتراك الأساسي 912.50 جنيه - من 1/5/2013 يزاد الي 987.50 جنيه
اجماي نسب الاشتراك 40% ( المنشأة 26 % - العامل 14 % )
الحد الأقصي لأجر الاشتراك المتغير 1380.00 جنيها - يزاد بنسبة 15 % في ينير من كل سنة
اجماي نسب الاشتراك 35% ( المنشأة 24 %- العامل 11 % )
اجمالي أجر الاشتراك 2292.50 جنيه شهريا

القانون الثاني
يتضمن :
تأمين الشيخوخة والعجز والوفاة

بلوغ سن التقاعد 65 سنة
الحد الأقصي لفئات الاشتراك
2200 جنيه شهريا - تزاد بنسبة 15 % في يناير من كل سنة
نسبة الاشتراك 15 %


عليك أن تختار ما يناسبك
ويوفر لك المزايا المناسبة لك ولأسرتك