السلام عليكم
عندي سؤال بخصوص معاشات القوات المسلحة
بابا توفي وكان المستحق للمعاش انا وماما تمام وقتها طلبوا مني بيان مرتب وجواب التامينات التابعة للعمل الخاص بتاعي وكان معاش القوات المسلحة اكبر من المرتب وقتها
المهم انا كنت لفترة باخد معاش باب انا وماما ودخلت اختي المنفصلة من سنة كمان
انا استقلت من شغلي من سنة و 3 شهور واتوقف التامينات من العمل باستمارة 6
انا قدمت طلب للقوات المسلحة مرفق به كل الاوراق اللي طلبوها ورقة التامين الاجتماعي واستمارة 6 وجواب حكومي بعدم وجود معاش ليا حكومي عشان عديل المعاش لكوني الان لا اعمل بالقطاع الخاص ولا يوجد لدي تامين او اي معاش حكوكي
السؤال
كده معاش ماما هيقل و وانا هيزيد معاشي
ولا المعاش الخاص بيا هيزيد دون تاثر امي وهل اختي المطلقة ليها علاقة وهتتاثر بشي
وهيبقيي ليا اثر رجعي لمبلغ السنة و3 شهور اللي مكنتش بشتغل فيهم
الرجاء الرد لو تسمح بالارقام كمثال اي رقم للتوضيح عليه بس

تعرض كافة التواريخ المتعلقة بالسؤال

بابا توفي 12/2012
اختي انفصلت 2/2018
انا تركت عملي الخاص 1/2019
استمارة 6 للتامينات 1/2019
الطلب اللي قدمته لتعديل قيمة المعاش كان 3/2020
المبلغ المضاف لحسابي من المعاشات بع ي 1500 جنيه انا مش فاهمة بتاع ايه وكان بتاريخ 4/2020

منتظرة رد سيادتكم

بابا توفي 12 / 2012 وكان المستحق للمعاش انا وماما ، وكنت أعمل وكان معاش القوات المسلحة اكبر من المرتب وقتها
المستحقين في المعاش الأرملة والبنت 1 لكل منهن نصف المعاش
وحيث دخل البنت 1 من العمل أصغر من نصيبها في المعاش ، يصرف لها من المعاش الفرق ، وما لا يصرف من نصيب البنت يضاف الي الأرملة بشرط ألا يجاوز المنصرف لها 3 / 4 المعاش

البنت 2 انفصلت 2 / 2018
تستحق ربع المعاش دون المساس بالبنت 1 والأرملة

البنت 1 تركت العمل 1 / 2019
من أول الشهر التالي لتاريخ نهاية العمل : يصرف لها نصيبها في المعاش وهو النصف ، ويعدل نصيب الأرملة الي النصف ، ويستمر صرف نصيب البنت 2 وهو الربع.