السلام عليكم،
الأستاذ الفاضل العلّامة/ محمد الصياد

عندي شكوى مش شخصية، لكنها تخص الشأن العام.
أنا من المهتمين بمجال الموارد البشرية وشؤون العاملين، وبالأخص الجانب القانوني، وده دفعني أعمل محتوى مرئي أقدمه للعمال والموظفين فيه معلومات عامة عن التأمينات الاجتماعية وقانون العمل وحقوقهم طبقًا للقانون.

المشكلة اللي بتقابلني إن موظفين هيئة التأمينات الاجتماعية أحيانًا بيردوا على أسئلة الناس بجمل زي: "اتلغت" أو "مفيش الكلام ده"، حتى في حاجات موجودة فعلاً في القانون، زي:

شراء المدد التأمينية (بشروطها وأهميتها وجدواها زي ما شرحتم في مذكراتكم).

المعاش المبكر (بشروطه ومدده المتوافقة مع جدول 5).

تأمين البطالة (كحق قانوني للعاملين بشروطه في قانون التأمينات الاجتماعية).

ومؤخرًا عملت فيديو عن تأمين البطالة، لكن لقيت برضه نفس الرد المعتاد: "مفيش الكلام ده".

أنا حابب أسمع من حضرتك: إزاي ممكن نرشد العمال للتعامل مع المواقف دي بشكل قانوني يحافظ على حقوقهم ويجنبهم الضرر؟

أولا : لا يجب التعميم بالقول : موظفين هيئة التأمينات الاجتماعية
انما : بعض موظفين هيئة التأمينات الاجتماعية

ثانيا : رئاسة الهيئة تبذل جهد ملموس للجميع لايصال المعلومات من خلال
المنشورات - التعليمات - الكتب الدورية - الأدلة - المرصد الفنى - الرسائل ...فضلا عن نشر القانون والائحة التنفيذية من خلال نظام المعلومات....بالاضافة الى الدورات التدريبية.

ثالثا : الجهود الفردية والجماعية المنتشرة من خلال وسائل التواصل الاجتماعى
المنتديات - الفيسبوك - الواتسآب - اليوتيوب

رابعا : المشكلة فى الشخص أيا كان موقعه : موظف - عامل - طالب - مدير - رئيس عمل -.......
هل يهتم بأن يكون على مستوى موقعه...أو لا يهتم...والله المستعان.