السلام عليكم لو سمحت انا زوجى توفى من شهرين وليس لى اى دخل وزوجى كان بيشتغل فى مكتب خاص بمجرد الوفاة انقطع مرتبة وذهبت ارجع معاش والدى قوات مسلحة طلبوا منى جواب من التامينات قطاع عام وخاص لى ولزوجى طلع على الكمبيوتر ان زوجي مومن علية من سنة 95 وعلية متاخرات 33000 وورقى واقف ومش عارفة اطول حاجة ولا معاش والدى ولامعاش زوجى وانا قاعدة ايجار جديد ب700 جنية وعندى ثانوية عامة السنة دى ارجو الافادة لو سمحت اعمل اية

يتم التقدم بطلب صرف معاش زوجك الي الجهة الموجود بها ملفه التأميني
لتحديد قيمة المعاش المستحق لكي أنتي والأولاد
الذي يتم ايقافه الي حين سداد المديونية

مع الحصول علي بيان بقيمة نصيبك في المعاش وهو النصف
للتقدم به الي الجهة الموجود بها ملف معاش والدك
التي تقوم بمقارنة نصيبك في معاش والدك بنصيبك في معاش زوجك
واذا كان نصيبك في معاش والدك أكبر يستحق لكي منه الفرق ، والا لا تستحقين في معاش والدك