اولا ازى حضرتك واتمنى تكون بخير
ثانيا انا كنت كلمت حضرتك قبل كدا من حوالى سنه تقريبا والموضو ع كان باختصار انى بشتغل وكنت مستحقه لمعاش والدى ووالدتى ونتيجه شغلى اتشال معاش والدى وباخد معاش والدتى كامل
وكنت عايزا اسال حضرتك
دلوقت اختى هتتجوز وهيتكتب كتابها الشهر الجاى وطبعا هيتقطع معاشها فانا كنت عايزا اسال حضرتك عن اللى هيحصل وازاى هيتوزع المعاش والمكافأه اللى هتاخدها اختى حوالى كام وبما ان الارقام اتغيرت وحصل زياده فى المرتب والمعاش فالارقام الجديده كالتالى
اولا
بالنسبه لمرتبى فهو 503 ج+ 150 ج مع العلم ان 150 دول مشروطين بانى احضر 18 مره شهريا يعنى مش ثابتين
ومكافأتى 1950 جنيه فى السنه دا دخلى لانى مدرسه
ثانيا بالنسبه لمعاش والدتى فهو 1200 ودا فيه انا واختى بس
ثالثا بالنسبه لمعاش والدى فهو 1300 اختى طبعا بتاخد التلتين وجدتى التلت لانها مشتركه فيه
ومعلهش كنت عايزا اخد راى حضرتك الشخصى فى موضوع
هو انى عايزا اسيب شغلى واقدم استقالتى لانى فعلا تعبت وبتبهدل واتخنقت حضرتك قلتلى ان وقتها هيرجعلى معاشى اللى اتشال منى
لكن دا مش سؤالى انا عايزا راى حضرتك الشخصى فى موضوع انى اسيب شغلى لان اغلب اللى حواليا قالولى لا لان مسيرى هتجوز والمعاش مش دايم وانا بصراحه من كتر مااتخنقت مياله لانى اسيبه وارجع اكمل دراسات عليا يمكن الاقى فرصه افضل بعدين او اشوفلى اى فرصه سفر بره وانا فلا محتاره فياريت تقولى رايك الشخصى فى الموضو ع دا