انا موظف حكومه في المساحه محام من سنه ونصف وعمري 31عام الان
المهم انا مريض بالسكر من فتره جامدة سبب لي تاكل في مفصل القدم اليمني (قدم شركوت السكري) دا مرض مزمن كل مبمشي ع القدم عظم المفصل بيتفتت
المهم انا بلغت مرضي علشان استفاد من القرار 259لسنة95 لو لي حق فيه
واللجنه الطبيه قررت لي شهر مرضي طبقا للقرار دا
وعرفت بعد كدا اني المفروض بعد الشهر مبيخلص ابلغ مرضي تاني وتالت لحد ميصدر لي قرار دائم بالاجازه باجر كامل
لكن عرفت من كام يوم انهم بعد سنتين هيتم عرضي علي لجنه عجز وهي البتقرر لاني بتحرك علي رجلي لكن الحركة بتزبد من الحاله المرضيه
السؤال بعد اذن حضرتك
هو ايه احتمالات العرض. ع اللجنه والنتيجة المترتبه علي كل احتمال
يعني هل اللجنه ممكن تثبت لي نسبة عجز وتحلني للمعاش وهل مثلا في الحاله دي انا باخد اجري كامل او ما يعادل الاجر الكامل ولا باخد معاشي وبس (سني صغير)
وهل اللجنه ممكن تقول دا يرجع الشغل المرض مش بيعق عمله مع ان التقرير الطبي بتاع اللجنه مكتوب فيه مرض شركوت سكري يعيق الحركة ومزمن
وفي حالة رجوعي العمل هل صحيح بيكون لي معاش بالاضافه الي اجري
بعد اذنك عاوز اعرف كل التفاصيل دي واسف اني طولت عليك بس انا قلقان جدا من الموضوع دا
وكذلك محتاج منك نصحيه تنصحني بايه او اعمل ايه