السيد الاستاذ الفاضل محمد الصياد

بداية تحية خاصة على المعلومات المفيده التى تساعد بها كثيرا من عباد الله ويجعله في ميزان حسناتك يارب وكل عام وانتم بخير وسعاده.

أنا والدى توفى رحمة الله تعالى ووالدتى كانت تصرف المعاش حتى توفاها الله منذ عام ونصف.

وفى الفترة الأخيرة قبل وفاتها كنت اعيش معها أنا واسرتى التى اعولها مكونه من ٦ أفراد بسبب تعبى وعمل دعامات فى القلب واصبحت غير قادر على العمل وسنى الان ٤٣ سنه ولا اجد حتى من يشغلنى بحالتى دى وقدمى اليمنى اصبحت لا استطيع الوقوف عليها اكثر من دقائق معدودة.

ذهبت الى التأمينات فى كبرى القبه وبلغت بوفاة الوالدة وطلبت من موظفة الشباك أن تحول لى المعاش ولكنى قوبلت بتعنت ومينفعش وخلاص على كدا وانا من بورسعيد وكنت مسافر القاهرة وقولتلها أنا جاى من سفر ولم تعيرنى انتباه لانى واقف على شباك صف الضباط وارى واسمع يعينى معاملة كبار الضباط شئ اخر.
المهم انا الان احتاج هذا المعاش بشكل قاطع لانى لا دخل لى من اى جهه اخرى واسرتى بتضيع قدامى وانا عاجز واخوتى والحمد لله غير محتاجين للمعاش ولا مانع لديهم أن اصرفه .

عاوز اعرف اعمل ايه بالظبط علشان اصرف معاش والدى بشكل عاجل للغايه وان استطيع العلاج فى مستشفيات القوات المسلحة وصرف علاجى لان حالتى صعبه وعندى اربع بنات مش عاوز اسيبهم معندهمش دخل يعيشهم بعد وفاتى وجازاك الله خيرا على ردك .

محمد