السلام عليكم ورحمة الله
اولا بعتذر عن طول الموضوع لكن ده المختصر
انا عمري 37 عام واشتغلت في هيئه حكوميه من 2001 مؤقت وبعد 5اعوام اتثبت علي درجه خدمات معاونه وبعد حوالي 5 اعوام في مرحله الثوره تم التسويه بالمؤهل دبلوم صناعي على درجه فنيه ومن وقتها وانا مضطهض في عملي من الرئيس المباشر بمعاونه الاداره وفي خلال عملي بالاداره الهندسيه اتعرضت علي لجنتين عمل مخفف ولجنه عجز ولجنه طعن ولجنه خماسيه بتوصيفات عمل ملهاش علاقه بعملي اللي باكلف بيه ولا حتي قرارات اللجان بتتنفذ وكتبت كتير لجهات التحقيق ولكن بتتحفظ ولو مفتش حس اني مظلوم بيتسحب منه الموضوع ويروح لمفتش تاني يعرف يظبطه وحاجات تانيه كتير حصلت معايا لاني في حالي ومليش ضهر ووصل الموضوع ده اني اشتكيت الرئيس المباشر في النيابه الاداريه في 2017 وطبعا اتعمل معايا كل م يخطر على بالك علشان امشي من القسم وينتهي موضوع النيابه الاداريه وفعلا قدمت طلب نقل مسبب لحين انتهاء النيابه من التحقيق ومرتبي نزل حوالي 500 جنيه او اكتر لما اتنقلت بسبب طبيعه العمل وفي النيابه اتشهد عليا زور في بعض المواضيع واخيرا الرئيس المباشر اخد يومين جزاء لعدم تنفيذ قرار اللجنه وهو عمل طعن علي الجزاء وانا لسه في مكلني ومش عارف اتصرف ازاي وكمان خايف ارجع شغلي يتعمل معايا الغلط
هل الشغل له الحق في عدم تنفيذ قرار اللجنه الخماسيه
هل لي الحق في العرض علي اللجنه الخماسيه مره تانيه واثبات تعنت العمل في عدم تنفيذ القرار
هل لي الحق بالشكوي للقوي العامله
هل قرار اللجنه الخماسيه صالح لمده عام فقط لان شؤن العاملين بيقولو انت قرارك انتهي وصوره القرار لا يوجد به مده ومش عارف ده حرب نفسي ولا ايه
للمره الاخيره اسف على الاطاله ولكن ده مختصر مختصر الكابوس اللي عايش فيه منذ سنوات