فى تغيير كبير اوى حصل :

1-الحد الادنى والاقصى مبقاش ليهم علاقة بقيمة العلاوة اللى كانت من 5 سنين دلوقتى حتبقى الزيادة 10% من قيمة الادنى والاقصى فى 1/7/2014 يعنى كان المفترض ان الحد الاقصى فى 1/7/2015 كان حيبقى 1037.5 دلوقتى حيبقى فى 1/7/2015 1113.75 لو قربنا لاقرب عشرة جنيهات يبقى 1110

2-تم اضافة: وفى جميع الاحوال يتعين الا يقل اجر الاشتراك عن الحد الادنى للاجور المحدد وفقا لقانون العمل

هل ده معناه لو اقروا 1200 جنية حد ادنى او اى رقم مثلا بالنسبة للقطاع القطاع الخاص منقدرش نقدم استمارة 1 بأقل من الرقم ده لمجموع الاساسى والمتغير وشرحه بالنسبة للتعديلات فى س2 اول السنة!!! ياريت رد فى النقطة دى

3-فى المادة 18 الا يكون خاضعا لتأمين الشيخوخة وقت طلب الصرف . النقطة دى مش مفهومه مهو طبيعى انى بسوى ليه المدد عشان يطلع مبكر مش حيكون مؤمن عليه وقت تقديم طلب الصرف.

4-ان المعاش بيسوى على اخر سنتين او اخر 5 سنوات *150% ايهما اقل
*ملحوظة اللى فهمته انه اخر 5 سنوات مش ال 5 سنوات اللى قبل السنتين الاخيرة زى القديم .

5-الموتسط اللى بتحسب عليه المتغير بقى 3% عن كل سنة بدل 2%

6-نقطة مهمة فى المادة 165 حيتم ايقاف صرف الزيادة فى حالة عودة صاحب المعاش للعمل قبل بلوغه سن التقاعد.اعتقد النقطة دى مكنتش موجوده وحتقضى على فكرة التلاعب للاستفادة من المادة دى لاصحاب المعاش المبكر.

يرجى التوضيح عن اى نقطة لو كان فهم الواحد خطأ لان التغييرات كبيرة ومهمة جدا ومحتاجين نعرف اذا كان ده صح ولا غلط.