السلام عليكم ورحمة الله
لو سمحتم انا كنت فاتح مكتب توريدات وخدمات بتاريخ 4-5-2017 ولم ازاول النشاط
وفى الوقت الحالى مقدم على وظيفه والمطلوب منى انى اخلص اوراقها فى وقت اقصاه 3 نوفمبر الجى
وبالفعل خلصت الورق كله ومش فاضل عير استماره 6 تامينات
مشيت فى اجرائاتها من يوم 17 وشطبت نفسى من السجل التجارى والضريبى وجبت ورقه بفسخ عقد الايجار من الشهر العقارى وقدمت الاوراق للتامينات ونزلت المعاينه وكنت متوقع انى هستلم الاستماره 6 بعد كل ده رحتلهم النهارده قالولى ده لسه هتتشكل لجنه وممكن تقعد شهر
وانا فى منتهى الاحباط ومش عارف اعمل ايه ما صدقت الاقى وظيفه كويسه وهتضيع منى لانى مش عارف اطلع الاستمار 6 تامينات مع ان انا صاحب المكتب والمكتب مزاولش النشاط ومفيش حد متامن عليه فى المكتب غيرى ومش عارف اعمل ايه
هل فى اى طريقه او اى جهة اروحلها اطلع بيها استماره 6 بيعيدا عن الروتين اللى بيحرق دم واعصاب الواحد وبيخليه يكره البلد باللى فيها
والله حرام بعد ما الاقى وظيفه تضيع منى لانى واقف على ورقه من الحكومه .. ده غير الموظفين اللى بيتعاملوا بمنتهى البرود ولا فارق معاهم وضعى ولا اللى انا فيه

المشكله ان حتى كمان لما سالتهم هل فى اى ورقه ممكن اخدها تثبت انى متامن عليا كصاحب عمل ومقدم على استخراج استماره 6 تامينات عشان اقدمها للشركه كبديل لحين خروج الاستماره قالوا لا مفيش
قسما بالله انا احترت مش عارف اعمل ايه

باعتبارك مؤمن عليك صاحب عمل
وستلتحق بعمل باعتبارك عامل

علي جهة عملك التي ستلتحق به تقديم استمارة 1 عنك لمكتب التأمينات التابعة له
ويقوم هذا المكتب بإرسال خطاب لمكتب التامينات المؤمن عليك فيه كصاحب عمل لقفل مدة اشتراكك به في اليوم السابق لبداية عملك بالمنشأة الأخيرة دون الحاجة لتقديم ما يفيد انتهاء نشاطك كصاحب عمل

حيث أن طلب استمارة 6 للجهة التي سيلتحق بها العامل
يكون بالنسبة للعامل الذي له مدة في منشاة سابقة بصفته عامل وليس صاحب عمل

راجع الرابط
http://www.elsayyad.net/forum/showth...E6%C7%E4%ED%E4
وعنوانه
قفل مده العاملين بالخارج - للتأمين وفقا للقانون 79 لسنة 1975 - أولوية تطبيق القوانين